ਸੁਰੱਖਿਅਤ ਭਾਈਚਾਰੇ
ਲੋਕਾਂ ਨੂੰ ਸੁਰੱਖਿਅਤ ਅਤੇ ਭਾਈਚਾਰਿਆਂ ਨੂੰ ਮਜ਼ਬੂਤ ਰੱਖਣਾ
ਬ੍ਰਿਟਿਸ਼ ਕੋਲੰਬੀਆ ਵਧ ਰਹੇ ਅਤੇ ਜੀਵੰਤ ਸੈਂਕੜਿਆਂ ਭਾਈਚਾਰਿਆਂ ਦਾ ਘਰ ਹੈ – ਪਰ ਹੋਰ ਕਈ ਥਾਵਾਂ ਵਾਂਗ, ਅਸੀਂ ਵੀ ਵੱਡੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਹਾਂ। ਲੋਕਾਂ ਨੂੰ ਆਪਣੇ ਰਹਿਣ ਵਾਲੇ ਇਲਾਕਿਆਂ ਵਿੱਚ ਸੁਰੱਖਿਅਤ ਮਹਿਸੂਸ ਕਰਨ ਦਾ ਹੱਕ ਹੈ – ਅਤੇ ਅਸੀਂ ਭਾਈਚਾਰਿਆਂ ਦੀ ਸੁਰੱਖਿਆ ਸੁਧਾਰਨ ਅਤੇ ਲੋਕਾਂ ਨੂੰ ਉਨ੍ਹਾਂ ਲਈ ਲੋੜੀਂਦੀ ਸਹਾਇਤਾ ਨਾਲ ਜੋੜਨ ਲਈ ਅਸਲ ਤੌਰ ‘ਤੇ ਕੰਮ ਕਰ ਰਹੇ ਹਾਂ।
ਇਹ ਬਦਲਾਅ ਲਿਆ ਰਿਹਾ ਹੈ। ਜਿੱਥੇ ਲੋੜ ਹੈ ਉੱਥੇ ਹੋਰ ਪੁਲਿਸ ਮੌਜੂਦ ਹੈ, ਹੋਰ ਲੋਕ ਸਥਿਰ ਘਰਾਂ ਵਿੱਚ ਰਹਿ ਰਹੇ ਹਨ, ਹੋਰ ਲੋਕਾਂ ਨੂੰ ਮਾਨਸਿਕ ਸਿਹਤ ਅਤੇ ਨਸ਼ਾਖੋਰੀ ਸੰਬੰਧਤ ਸੰਭਾਲ ਤੱਕ ਪਹੁੰਚ ਮਿਲ ਰਹੀ ਹੈ – ਅਤੇ ਬ੍ਰਿਟਿਸ਼ ਕੋਲੰਬੀਆ ਭਰ ਦੇ ਭਾਈਚਾਰਿਆਂ ਵਿੱਚ ਅਪਰਾਧ ਘੱਟ ਰਿਹਾ ਹੈ।
ਅਸੀਂ ਜਾਣਦੇ ਹਾਂ ਕਿ ਹਾਲੇ ਵੀ ਕੁਝ ਲੋਕ ਸਹਾਇਤਾ ਪ੍ਰਣਾਲੀ ਵਿੱਚ ਨਜ਼ਰਅੰਦਾਜ਼ ਹੋ ਰਹੇ ਹਨ ਅਤੇ ਅਜੇ ਹੋਰ ਕੰਮ ਕਰਨ ਦੀ ਲੋੜ ਹੈ। ਅਸੀਂ ਹਰ ਪਾਸਿਓਂ ਕੰਮ ਕਰ ਰਹੇ ਹਾਂ – ਕਾਨੂੰਨੀ ਲਾਗੂਕਰਨ, ਰਿਹਾਇਸ਼ਾਂ, ਸਿਹਤ ਅਤੇ ਨਿਆਂ – ਤਾਂ ਜੋ ਅਪਰਾਧ ਦੇ ਸਿਲਸਿਲੇ ਨੂੰ ਖਤਮ ਕੀਤਾ ਜਾ ਸਕੇ, ਲੋਕਾਂ ਨੂੰ ਉਨ੍ਹਾਂ ਲਈ ਲੋੜੀਂਦੀ ਮਦਦ ਮਿਲ ਸਕੇ, ਅਤੇ ਹਰ ਕਿਸੇ ਲਈ ਭਾਈਚਾਰਿਆਂ ਨੂੰ ਹੋਰ ਮਜ਼ਬੂਤ ਅਤੇ ਸੁਰੱਖਿਅਤ ਬਣਾਇਆ ਜਾ ਸਕੇ।
ਲੋਕਾਂ ਨੂੰ ਸੁਰੱਖਿਅਤ ਅਤੇ ਭਾਈਚਾਰਿਆਂ ਨੂੰ ਮਜ਼ਬੂਤ ਰੱਖਣਾ
ਅਸੀਂ ਭਾਈਚਾਰਿਆਂ ਵਿੱਚ ਅਸਲ ਤੌਰ ‘ਤੇ ਕੰਮ ਕਰ ਰਹੇ ਹਾਂ ਅਤੇ ਹਰ ਕਿਸੇ ਲਈ ਬੀ.ਸੀ. ਨੂੰ ਹੋਰ ਮਜ਼ਬੂਤ ਅਤੇ ਸੁਰੱਖਿਅਤ ਬਣਾ ਰਹੇ ਹਾਂ।
-
ਅਪਰਾਧੀਆਂ ਨੂੰ ਰੋਕਣਾ
ਅਸੀਂ ਭਾਈਚਾਰਿਆਂ ਵਿੱਚ ਅਸਲ ਤੌਰ ‘ਤੇ ਕੰਮ ਕਰ ਰਹੇ ਹਾਂ, ਤਾਂ ਜੋ ਅਪਰਾਧ ‘ਤੇ ਨਕੇਲ ਕੱਸੀ ਜਾਵੇ, ਲੋਕਾਂ ਅਤੇ ਕਾਰੋਬਾਰਾਂ ਦੇ ਹੱਕ ਵਿੱਚ ਖੜ੍ਹੇ ਹੋਇਆ ਜਾਵੇ, ਅਤੇ ਜਿੱਥੇ ਉਹ ਰਹਿੰਦੇ ਅਤੇ ਕੰਮ ਕਰਦੇ ਹਨ ਉਹ ਥਾਵਾਂ ਹੋਰ ਸੁਰੱਖਿਅਤ ਬਣਾਈਆਂ ਜਾ ਸਕਣ।
-
ਇਨਕੈਂਪਮੈਂਟਸ ਬੰਦ ਕਰਨਾ ਅਤੇ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ਵਿੱਚ ਅੰਦਰ ਲਿਆਉਣਾ
ਅਸੀਂ ਲੋਕਾਂ ਨੂੰ ਸੁਰੱਖਿਅਤ, ਸਥਿਰ ਰਿਹਾਇਸ਼ਾਂ ਵਿੱਚ ਵਸਾਉਣ ਲਈ ਕੰਮ ਕਰ ਰਹੇ ਹਾਂ ਅਤੇ ਉਨ੍ਹਾਂ ਨੂੰ ਲੋੜੀਂਦੀਆਂ ਸਹਾਇਤਾਵਾਂ ਨਾਲ ਜੋੜ ਰਹੇ ਹਾਂ, ਤਾਂ ਜੋ ਉਹ ਆਪਣੀ ਜ਼ਿੰਦਗੀ ਨੂੰ ਸਥਿਰ ਕਰ ਸਕਣ ਅਤੇ ਬੇਘਰੀ ਦੇ ਸਿਲਸਿਲੇ ਨੂੰ ਖ਼ਤਮ ਕੀਤਾ ਜਾ ਸਕੇ।
-
ਸੰਕਟ ਦਾ ਸਾਹਮਣਾ ਕਰ ਰਹੇ ਲੋਕਾਂ ਲਈ ਸਹਾਇਤਾ
ਨਵੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਦਿਆਂ, ਅਸੀਂ ਇਹ ਯਕੀਨੀ ਬਣਾ ਰਹੇ ਹਾਂ ਕਿ ਸੰਕਟ ਦਾ ਸਾਹਮਣਾ ਕਰ ਰਹੇ ਲੋਕਾਂ ਨੂੰ ਮਾਨਸਿਕ ਸਿਹਤ ਅਤੇ ਨਸ਼ਿਆਂ ਸੰਬੰਧੀ ਸਹਾਇਤਾ ਠੀਕ ਸਮੇਂ ‘ਤੇ ਠੀਕ ਥਾਂ ’ਤੇ ਮਿਲੇ, ਤਾਂ ਜੋ ਉਹ ਅਤੇ ਸਾਡੇ ਭਾਈਚਾਇਰੇ ਸੁਰੱਖਿਅਤ ਰਹਿ ਸਕਣ।
-
ਮਾਨਸਿਕ ਸਿਹਤ ਅਤੇ ਨਸ਼ਾ ਸੰਬੰਧੀ ਦੇਖਭਾਲ ਨੂੰ ਬਿਹਤਰ ਬਣਾਉਣ ਲਈ ਸਾਡੇ ਹੋਰ ਤਰੀਕੇ
ਨਸ਼ੇ ਦੇ ਇਲਾਜ ਲਈ ਕੋਈ ਇੱਕੋ-ਜਿਹਾ ਹੱਲ ਨਹੀਂ ਹੈ। ਇਸੇ ਲਈ ਅਸੀਂ ਹਰ ਪੱਖ ਤੋਂ ਕਾਰਵਾਈ ਕਰ ਰਹੇ ਹਾਂ ਤਾਂ ਜੋ ਲੋਕਾਂ ਨੂੰ ਉਹ ਦੇਖਭਾਲ ਅਤੇ ਇਲਾਜ ਮਿਲ ਸਕੇ ਜਿਸ ਦੀ ਉਨ੍ਹਾਂ ਨੂੰ ਲੋੜ ਹੈ।
-
ਲੋਕਾਂ ਨੂੰ ਹਿੰਸਾ, ਨਫ਼ਰਤ, ਦੁਰਵਿਵਹਾਰ ਅਤੇ ਤੰਗ-ਪਰੇਸ਼ਾਨੀ ਤੋਂ ਸੁਰੱਖਿਅਤ ਰੱਖਣਾ
ਅਸੀਂ ਲੋਕਾਂ ਨੂੰ ਔਨਲਾਈਨ ਅਤੇ ਆਪਣੇ ਭਾਈਚਾਰਿਆਂ ਵਿੱਚ ਵੀ ਸੁਰੱਖਿਅਤ ਰੱਖਣ ਲਈ ਹਿੰਸਾ, ਨਫ਼ਰਤ, ਸ਼ੋਸ਼ਣ, ਨਸਲਵਾਦ ਅਤੇ ਭੇਦਭਾਵ ਦੇ ਖ਼ਿਲਾਫ਼ ਡਟ ਕੇ ਖੜ੍ਹੇ ਹਾਂ।
ਹੁਣੇ ਮਦਦ ਲਓ
-
ਜਬਰਨ ਵਸੂਲੀ ਦੇ ਪੀੜਤਾਂ ਅਤੇ ਪਰਿਵਾਰਾਂ ਲਈ ਸਹਾਇਤਾ
ਜੇ ਤੁਸੀਂ ਜਬਰਨ ਵਸੂਲੀ ਦੇ ਸ਼ਿਕਾਰ ਹੋਏ ਹੋ, ਤਾਂ ਤੁਸੀਂ ਡਰੇ ਹੋਏ, ਘਬਰਾਏ ਹੋਏ ਹੋ ਸਕਦੇ ਹੋ ਜਾਂ ਹੋ ਸਕਦਾ ਹੈ ਕਿ ਤੁਹਾਨੂੰ ਸਮਝ ਨਾ ਆ ਰਿਹਾ ਹੋਵੇ ਕਿ ਕੀ ਕਰਨਾ ਹੈ। ਤੁਹਾਨੂੰ ਇਸ ਸਭ ਦਾ ਸਾਹਮਣਾ ਇਕੱਲੇ ਕਰਨ ਦੀ ਲੋੜ ਨਹੀਂ ਹੈ। ਤੁਹਾਡੇ ਸਹਿਯੋਗ ਲਈ ਸਹਾਇਤਾ ਉਪਲਬਧ ਹੈ।
-
ਅਪਰਾਧ ਦੇ ਪੀੜਤਾਂ ਲਈ ਸਹਾਇਤਾ
ਅਪਰਾਧ ਦੇ ਸਾਰੇ ਪੀੜਤਾਂ ਲਈ ਜਿਸ ਵਿੱਚ ਪਰਿਵਾਰਕ ਅਤੇ ਜਿਨਸੀ ਹਿੰਸਾ, ਮਨੁੱਖੀ ਤਸਕਰੀ ਸ਼ਾਮਲ ਹੈ, VictimLinkBC ‘ਤੇ 150 ਭਾਸ਼ਾਵਾਂ ਵਿੱਚ ਉਪਲਬਧ 24/7 ਸੇਵਾਵਾਂ ਤੱਕ ਪਹੁੰਚ ਕੀਤੀ ਜਾ ਸਕਦੀ ਹੈ।
-
ਓਪੀਔਇਡ ਦੀ ਲਤ ਲਈ ਉਸੇ ਦਿਨ ਦੀ ਸੰਭਾਲ ਲੱਭੋ
‘ਓਪੀਔਇਡ ਟ੍ਰੀਟਮੈਂਟ ਐਕਸੈਸ ਲਾਈਨ’ (Opioid Treatment Access Line) ਓਪੀਔਇਡ ਛੱਡਣ ਤੋਂ ਬਾਅਦ ਹੋਣ ਵਾਲੇ ਲੱਛਣਾਂ ਨੂੰ ਰੋਕਣ ਲਈ ਜੀਵਨ-ਰੱਖਿਅਕ ਦਵਾਈਆਂ ਤੱਕ ਪਹੁੰਚ ਕਰਨਾ ਹੋਰ ਤੇਜ਼ ਬਣਾਉਂਦੀ ਹੈ। ਇਹ ਮੁਫ਼ਤ ਅਤੇ ਗੁਪਤ ਹੈ। 1-833-804-8111 ‘ਤੇ ਕੌਲ ਕਰੋ।