ਹਾਊਸਿੰਗ

ਅਸੀਂ ਘੱਟ ਖਰਚਿਆਂ ਅਤੇ ਵਧੇਰੇ ਵਿਕਲਪਾਂ ਰਾਹੀਂ ਕਿਰਾਏਦਾਰਾਂ ਦੀ ਮਦਦ ਕਰ ਰਹੇ ਹਾਂ—ਨਵੇਂ ਅਤੇ ਕਿਫ਼ਾਇਤੀ ਕਿਰਾਏ ਦੇ ਘਰ ਤਿਆਰ ਕਰਕੇ, ਸੱਟੇਬਾਜ਼ੀ ਨਾਲ ਨਜਿੱਠ ਕੇ, ਸ਼ੌਰਟ-ਟਰਮ ਰੈਂਟਲਜ਼ ਉੱਤੇ ਨਿਯੰਤਰਣ ਕਰਕੇ, ਕਿਰਾਏ ਵਾਲੀ ਹਾਊਸਿੰਗ ਦੀ ਸੁਰੱਖਿਆ ਕਰਕੇ, ਅਤੇ ਕਿਰਾਏ ਵਿੱਚ ਵਾਧੇ ‘ਤੇ ਸੀਮਾ ਲਗਾਕੇ।

ਅਸੀਂ ਸਾਂਝੇਦਾਰੀਆਂ, ਟੈਕਸ ਬੈਨਿਫ਼ਿਟਸ ਅਤੇ ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਲਈ ਹੋਰ ਵਿਕਲਪਾਂ ਰਾਹੀਂ ਹੋਰ ਲੋਕਾਂ ਲਈ ਘਰ ਮਾਲਕ ਬਣਨ ਦੇ ਦਰਵਾਜ਼ੇ ਖੋਲ੍ਹ ਰਹੇ ਹਾਂ।

ਅਸੀਂ ਹੋਰ ਲੋਕਾਂ ਦੀ ਉਨ੍ਹਾਂ ਲਈ ਲੋੜੀਂਦੇ ਘਰ ਲੱਭਣ ਅਤੇ ਉਨ੍ਹਾਂ ਵਿੱਚ ਰਹਿਣਾ ਜਾਰੀ ਰੱਖਣ ਵਿੱਚ ਮਦਦ ਕਰ ਰਹੇ ਹਾਂ। ਅਜਿਹਾ ਅਸੀਂ ਐਮਰਜੈਂਸੀ ਅਤੇ ਲੰਬੇ ਸਮੇਂ ਦੀ ਆਰਥਿਕ ਸਹਾਇਤਾ ਮੁਹੱਈਆ ਕਰਕੇ, ਹਾਊਸਿੰਗ ਦੇ ਵੱਖ-ਵੱਖ ਵਿਕਲਪ ਮੁਹੱਈਆ ਕਰਕੇ, ਅਤੇ ਉਨ੍ਹਾਂ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਸੰਗਠਿਤ ਸਹਾਇਕ ਸੇਵਾਵਾਂ (wrap-around support services) ਦੇ ਕੇ ਕਰ ਰਹੇ ਹਾਂ।

ਅਸੀਂ ਘਰ ਮਾਲਕਾਂ ਦੀ ਮਦਦ ਕਰ ਰਹੇ ਹਾਂ ਤਾਂ ਜੋ ਉਹ ਆਪਣੀ ਪ੍ਰੌਪਰਟੀ ‘ਤੇ ਯੂਨਿਟ ਕਿਰਾਏ ‘ਤੇ ਦੇ ਸਕਣ। ਅਜਿਹਾ ਅਸੀਂ ਲਾਗਤਾਂ ਵਿੱਚ ਮਦਦ ਲਈ ਪ੍ਰੋਤਸਾਹਨ ਦੇ ਕੇ, ਕਿਰਾਏਦਾਰਾਂ ਨਾਲ ਸੰਬੰਧਿਤ ਵਧੇਰੇ ਸਹਾਇਤਾ ਮੁਹੱਈਆ ਕਰਕੇ, ਅਤੇ ਬੇਲੋੜੀ ਕਾਰਵਾਈਆਂ ਘਟਾ ਕੇ ਕਰ ਰਹੇ ਹਾਂ।

ਅਸੀਂ ਬੇਲੋੜੀ ਕਾਰਵਾਈਆਂ ਘਟਾ ਕੇ, ਮਨਜ਼ੂਰੀਆਂ ਨੂੰ ਤੇਜ਼ ਕਰਕੇ, ਪੁਰਾਣੇ ਨਿਯਮਾਂ ਨੂੰ ਅੱਪਡੇਟ ਕਰਕੇ, ਅਤੇ ਘੱਟ ਵਰਤੋਂ ਵਾਲੀ ਸਰਕਾਰੀ ਅਤੇ ਗੈਰ-ਮੁਨਾਫ਼ਾ ਜ਼ਮੀਨ ਦੀ ਵਰਤੋਂ ਕਰਕੇ ਹੋਰ ਘਰ ਬਣਾਉਣਾ ਆਸਾਨ ਬਣਾ ਰਹੇ ਹਾਂ। ਇਸ ਨਾਲ ਮਿਹਨਤੀ ਅਤੇ ਮੱਧ-ਵਰਗ ਦੇ ਲੋਕਾਂ ਲਈ ਹੋਰ ਘਰ ਤੇਜ਼ੀ ਨਾਲ ਉਪਲਬਧ ਕਰਵਾਉਣ ਵਿੱਚ ਮਦਦ ਮਿਲਦੀ ਹੈ।