ਲੋਕਾਂ ਲਈ ਵਧੇਰੇ ਤੇਜ਼ੀ ਨਾਲ ਘਰ ਉਪਲਬਧ ਕਰਾਉਣਾ
ਬੀ.ਸੀ. ਉਨ੍ਹਾਂ ਚੁਣੌਤੀਆਂ ਨਾਲ ਨਜਿੱਠ ਰਿਹਾ ਹੈ ਜਿਨ੍ਹਾਂ ਦਾ ਸਾਹਮਣਾ ਲੋਕ ਹਰ ਰੋਜ਼ ਕਰ ਰਹੇ ਹਨ, ਅਤੇ ਵਧੇਰੇ ਲੋਕਾਂ ਦੀ ਆਪਣੇ ਪਸੰਦੀਦਾ ਭਾਈਚਾਰੇ ਵਿੱਚ ਕਿਫ਼ਾਇਤੀ ਘਰ ਲੱਭਣ ਵਿੱਚ ਮਦਦ ਕਰ ਰਿਹਾ ਹੈ।
ਅਸੀਂ ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਨੂੰ ਸਹਿਯੋਗ ਦੇ ਰਹੇ ਹਾਂ: ਕਿਰਾਏ ਦੇ ਘਰਾਂ ਦੀ ਸਪਲਾਈ ਵਧਾ ਰਹੇ ਹਾਂ, ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਦੀ ਸਹਾਇਤਾ ਕਰ ਰਹੇ ਹਾਂ, ਅਤੇ ਰਿਹਾਇਸ਼ੀ ਸੱਟੇਬਾਜ਼ੀ ‘ਤੇ ਨਕੇਲ ਕੱਸਣ ਲਈ ਸਖ਼ਤ ਉਪਾਅ ਲਿਆ ਰਹੇ ਹਾਂ। ਅਤੇ ਇਸ ਨਾਲ ਫਰਕ ਪੈ ਰਿਹਾ ਹੈ। ਕਿਰਾਏ ਘੱਟ ਰਹੇ ਹਨ, ਪਹਿਲਾਂ ਨਾਲੋਂ ਵਧੇਰੇ ਨਵੇਂ ਕਿਰਾਏ ਦੇ ਘਰ ਬਣਾਏ ਜਾ ਰਹੇ ਹਨ, ਅਤੇ ਉਸਾਰੀ ਮਜ਼ਬੂਤੀ ਨਾਲ ਚੱਲ ਰਹੀ ਹੈ।
ਬੀ.ਸੀ. ਵਿੱਚ ਹਰ ਕਮਿਊਨਿਟੀ ਵਿੱਚ, ਲੋਕਾਂ ਲਈ ਵਧੇਰੇ ਘਰ ਉਪਲਬਧ ਕਰਵਾਉਣੇ, ਅਤੇ ਹਰੇਕ ਲਈ ਹੋਰ ਉੱਜਲ ਭਵਿੱਖ ਬਣਾਉਣ ਲਈ ਇਹ ਸਾਰਾ ਕੁਝ ਹੋਮਜ਼ ਫ਼ੌਰ ਪੀਪਲ ਐਕਸ਼ਨ ਪਲੈਨ ਦਾ ਹਿੱਸਾ ਹੈ।
ਲੋਕਾਂ ਲਈ ਵਧੇਰੇ ਘਰ, ਹੋਰ ਤੇਜ਼ੀ ਨਾਲ
ਘਰ ਖ਼ਰੀਦਣ ਦੀ ਅਸਮੱਰਥਾ ਦੇ ਵਿਸ਼ਵ-ਪੱਧਰੀ ਸੰਕਟ ਦੌਰਾਨ, ਅਸੀਂ ਘਰਾਂ ਦੀਆਂ ਕੀਮਤਾਂ ਨੂੰ ਘਟਾਉਣ ਅਤੇ ਵਧੇਰੇ ਲੋਕਾਂ ਨੂੰ ਆਪਣੇ ਪਸੰਦੀਦਾ ਭਾਈਚਾਰੇ ਵਿੱਚ ਘਰ ਲੱਭਣ ਵਿੱਚ ਮਦਦ ਕਰਨ ‘ਤੇ ਧਿਆਨ ਕੇਂਦਰਿਤ ਕਰ ਰਹੇ ਹਾਂ।
ਵਧੇਰੇ ਘਰਾਂ ਦਾ ਨਿਰਮਾਣ ਕਰਨਾ
ਬੱਜਟ 2025 ਦਫ਼ਤਰੀ ਢਿੱਲ ਨੂੰ ਖਤਮ ਕਰਨ ਅਤੇ ਪ੍ਰਵਾਨਗੀਆਂ ਨੂੰ ਤੇਜ਼ ਕਰਨ ਲਈ ਚੱਲ ਰਹੇ ਕੰਮ ਨੂੰ ਅੱਗੇ ਵਧਾਉਂਦਾ ਹੈ, ਤਾਂ ਜੋ ਹੋਰ ਕਿਸਮਾਂ ਦੇ ਘਰ ਵਧੇਰੇ ਤੇਜ਼ੀ ਨਾਲ ਬਣਾਏ ਜਾ ਸਕਣ, ਹਜ਼ਾਰਾਂ ਹੋਰ ਕਿਰਾਏ ਦੇ ਘਰ ਪ੍ਰਦਾਨ ਕੀਤੇ ਜਾ ਸਕਣ ਅਤੇ ਵਧੇਰੇ ਕੰਮਕਾਜੀ ਅਤੇ ਮੱਧ ਵਰਗੀ ਪਰਿਵਾਰਾਂ ਲਈ ਘਰ ਖਰੀਦਣਾ ਇੱਕ ਹਕੀਕਤ ਬਣਾਇਆ ਜਾ ਸਕੇ।
ਸਪੈਕਿਊਲੇਸ਼ਨ ਅਤੇ ਵੇਕੈਂਸੀ ਟੈਕਸ
ਅਸੀਂ ਉਨ੍ਹਾਂ ਸੱਟੇਬਾਜ਼ਾਂ ਅਤੇ ਗਲਤ ਲੋਕਾਂ ‘ਤੇ ਕਾਰਵਾਈ ਕਰਕੇ ਜਿਨ੍ਹਾਂ ਨੇ ਰਿਹਾਇਸ਼ ਦੀਆਂ ਲਾਗਤਾਂ ਨੂੰ ਵਧਾਉਣ ਵਿੱਚ ਸਹਾਇਤਾ ਕੀਤੀ ਹੈ, ਇਹ ਯਕੀਨੀ ਬਣਾ ਰਹੇ ਹਾਂ ਕਿ ਘਰ ਉਨ੍ਹਾਂ ਲੋਕਾਂ ਲਈ ਉਪਲਬਧ ਹੋਣ, ਜੋ ਇੱਥੇ ਰਹਿੰਦੇ ਹਨ। ਬੱਜਟ 2025 ਵਿਦੇਸ਼ੀ ਅਤੇ ਵਿਸ਼ਵ ਭਰ ਦੇ ਉਨ੍ਹਾਂ ਪ੍ਰੌਪਰਟੀ ਮਾਲਕਾਂ ਲਈ ਸਪੈਕਿਊਲੇਸ਼ਨ ਅਤੇ ਵੇਕੈਂਸੀ ਟੈਕਸ ਨੂੰ ਵਧਾ ਕੇ 3٪ ਅਤੇ ਉਨ੍ਹਾਂ ਕੈਨੇਡੀਅਨ ਨਾਗਰਿਕਾਂ ਅਤੇ ਸਥਾਈ ਵਸਨੀਕਾਂ ਲਈ 1٪ ਕਰ ਦਿੱਤਾ ਗਿਆ ਹੈ, ਜੋ ਘਰ ਖਾਲੀ ਛੱਡ ਦਿੰਦੇ ਹਨ।
ਹੁਣ ਹਾਊਸਿੰਗ ਸੇਵਾਵਾਂ ਨਾਲ ਜੁੜੋ
ਰੈਜ਼ੀਡੈਂਸ਼ੀਅਲ ਟੈਂਨੈਂਸੀ ਬ੍ਰਾਂਚ
ਬੀ.ਸੀ. ਰੈਜ਼ੀਡੈਂਸ਼ੀਅਲ ਟੈਂਨੈਂਸੀ ਬ੍ਰਾਂਚ ਵਿਖੇ ਕਿਰਾਏਦਾਰਾਂ ਅਤੇ ਮਕਾਨ ਮਾਲਕਾਂ ਲਈ ਸੇਵਾਵਾਂ ਅਤੇ ਉਡੀਕ ਦੇ ਸਮੇਂ ਵਿੱਚ ਸੁਧਾਰ ਕਰ ਰਿਹਾ ਹੈ।
ਕੀ ਤੁਹਾਨੂੰ ਗਲਤ ਤਰੀਕੇ ਨਾਲ ਬਾਹਰ ਕੱਢਿਆ ਜਾ ਰਿਹਾ ਹੈ? ਕੀ ਕਿਰਾਏਦਾਰ ਕਿਰਾਏ ਦਾ ਭੁਗਤਾਨ ਨਹੀਂ ਕਰ ਰਿਹਾ ਹੈ? ਕਿਸੇ ਵਿਵਾਦ ਨੂੰ ਜਲਦੀ ਹੱਲ ਕਰਵਾਓ ਜਾਂ ਜਾਂਚ ਲਈ ਸ਼ਿਕਾਇਤ ਦਰਜ ਕਰੋ।
ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ
ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ ਉਹਨਾਂ ਲੋਕਾਂ ਲਈ ਉਪਲਬਧ ਹਨ ਜੋ ਕਿਰਾਏ ਦਾ ਭੁਗਤਾਨ ਕਰਨ ਲਈ ਮਦਦ ਹਾਸਲ ਕਰਨ ਲਈ ਯੋਗ ਹਨ।
ਆਪਣੇ ਘਰ ਜਾਂ ਪ੍ਰੌਪਰਟੀ ਵਿੱਚ ਵਧੇਰੇ ਯੂਨਿਟ ਸ਼ਾਮਲ ਕਰੋ
ਨਵੇਂ ਨਿਯਮ ਤੁਹਾਡੇ ਘਰ ਵਿੱਚ ਦੂਜੀ, ਤੀਜੀ ਜਾਂ ਚੌਥੀ ਯੂਨਿਟ ਜੋੜਨਾ ਵਧੇਰੇ ਆਸਾਨ, ਤੇਜ਼ ਅਤੇ ਵਧੇਰੇ ਕਿਫ਼ਾਇਤੀ ਬਣਾ ਰਹੇ ਹਨ। ਵੱਡੇ ਅਤੇ ਛੋਟੇ ਹੋਮ ਬਿਲਡਰਾਂ ਨੂੰ ਵਧੇਰੇ ਡੁਪਲੈਕਸ, ਟ੍ਰਿਪਲੈਕਸ ਅਤੇ ਰੋ ਹੋਮਜ਼ ਵਿਕਸਤ ਕਰਨ ਵਿੱਚ ਮਦਦ ਕਰਨ ਲਈ ਮਿਆਰੀ ਡਿਜ਼ਾਈਨ ਵੀ ਵਿਕਸਤ ਕੀਤੇ ਜਾ ਰਹੇ ਹਨ।
ਲੋਕਾਂ ਲਈ ਵਧੇਰੇ ਘਰ
ਰਿਹਾਇਸ਼ਾਂ ਸੰਬੰਧੀ ਉਨ੍ਹਾਂ ਸਹਾਇਤਾਵਾਂ ਬਾਰੇ ਜਾਣੋ ਜੋ ਤੁਹਾਡੇ ਵਾਸਤੇ ਅਤੇ ਘਰ ਬਣਾ ਕੇ ਉਪਲਬਧ ਕਰਵਾਉਣ ਵਾਲਿਆਂ ਲਈ ਹਨ।
ਕਿਰਾਏਦਾਰਾਂ ਦੀ ਸਹਾਇਤਾ ਕਰਨਾ
ਕਿਰਾਏ ਵਿੱਚ ਸਲਾਨਾ ਵਾਧੇ ਦੀ ਸਵੀਕਾਰਯੋਗ ਸੀਮਾ ਤੈਅ ਕਰਕੇ, ਕਿਰਾਏਦਾਰਾਂ ਨੂੰ $400 ਤੱਕ ਦੀ ਸਲਾਨਾ ਛੋਟ ਦੇ ਕੇ, ਅਤੇ ਇਹ ਯਕੀਨੀ ਬਣਾ ਕੇ ਕਿ ਤੁਹਾਡੇ ਭਾਈਚਾਰੇ ਵਿੱਚ ਕਿਰਾਏ ਦੇ ਵਧੇਰੇ ਕਿਫ਼ਾਇਤੀ ਘਰ ਉਪਲਬਧ ਹਨ, ਹੋਰ ਕਿਰਾਏਦਾਰਾਂ ਦੀ ਸੁਰੱਖਿਆ ਕੀਤੀ ਜਾ ਰਹੀ ਹੈ।
ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਦੀ ਸਹਾਇਤਾ ਕਰਨਾ
ਸਾਂਝੇਦਾਰੀਆਂ, ਟੈਕਸ ਬੈਨਿਫ਼ਿਟ, ਅਤੇ ਲੋਕਾਂ ਲਈ ਪਹਿਲੇ ਘਰਾਂ ਦੇ ਵਧੇਰੇ ਵਿਕਲਪਾਂ ਦਾ ਨਿਰਮਾਣ ਕਰਨ ਰਾਹੀਂ, ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਲਈ ਘਰ ਦੀ ਮਲਕੀਅਤ ਨੂੰ ਮੁਮਕਿਨ ਬਣਾਇਆ ਜਾ ਰਿਹਾ ਹੈ।
ਉਨ੍ਹਾਂ ਲੋਕਾਂ ਦੀ ਸਹਾਇਤਾ ਕਰਨਾ ਜੋ ਰਿਹਾਇਸ਼ੀ ਰੁਕਾਵਟਾਂ ਦਾ ਸਾਹਮਣਾ ਕਰ ਰਹੇ ਹਨ
ਐਮਰਜੈਂਸੀ ਅਤੇ ਲੰਬੀ ਮਿਆਦ ਦੀ ਵਿੱਤੀ ਸਹਾਇਤਾ, ਅਸਥਾਈ, ਸਥਾਈ ਅਤੇ ਸੁਪੋਰਟਿਵ ਘਰ, ਅਤੇ ਸੰਗਠਿਤ ਸੇਵਾਵਾਂ ਰਾਹੀਂ ਵਧੇਰੇ ਲੋਕ ਆਪਣੀਆਂ ਲੋੜਾਂ ਮੁਤਾਬਕ ਘਰ ਲੱਭਣ ਵਿੱਚ ਸਮਰੱਥ ਹੋ ਰਹੇ ਹਨ ਅਤੇ ਉਨ੍ਹਾਂ ਘਰਾਂ ਵਿੱਚ ਰਹਿਣਾ ਜਾਰੀ ਰੱਖ ਰਹੇ ਹਨ।
ਮਕਾਨ ਮਾਲਕਾਂ ਅਤੇ ਛੋਟੇ ਪੈਮਾਨੇ ਦੇ ਘਰ ਕਿਰਾਏ ‘ਤੇ ਦੇਣ ਵਾਲਿਆਂ ਦੀ ਸਹਾਇਤਾ ਕਰਨਾ
ਇਨਸੈਂਟਿਵ, ਪ੍ਰੌਪਰਟੀ ਟੈਕਸ ਗ੍ਰਾਂਟਾਂ ਅਤੇ ਮੁਲਤਵੀ ਕਰਨ ਦੀ ਬੇਨਤੀ ਨੂੰ ਮਨਜ਼ੂਰੀ ਦੇ ਕੇ (deferrals), ਅਤੇ ਕਿਰਾਇਦਾਰੀਆਂ ਵਿੱਚ ਵਧੇਰੇ ਸਹਾਇਤਾ ਪ੍ਰਦਾਨ ਕਰਕੇ, ਹੋਰ ਮਕਾਨ ਮਾਲਕ ਆਪਣੇ ਖ਼ਰਚਿਆਂ ਵਿੱਚ ਬੱਚਤ ਕਰ ਸਕਦੇ ਹਨ ਅਤੇ ਆਪਣੀ ਪ੍ਰੌਪਰਟੀ ਦੇ ਯੂਨਿਟ ਕਿਰਾਏ ‘ਤੇ ਦੇ ਸਕਦੇ ਹਨ।
ਵਧੇਰੇ ਘਰ ਉਪਲਬਧ ਕਰਵਾਉਣ ਲਈ ਜ਼ਮੀਨਾਂ ਦੇ ਮਾਲਕਾਂ, ਡਿਵੈਲਪਰਾਂ, ਔਪਰੇਟਰਾਂ, ਫਰਸਟ ਨੇਸ਼ਨਜ਼ ਅਤੇ ਮਿਊਂਨਿਸਿਪੈਲਿਟੀਆਂ ਦੀ ਸਹਾਇਤਾ ਕਰਨਾ
ਦਫ਼ਤਰੀ ਢਿੱਲ ਨੂੰ ਖਤਮ ਕਰਕੇ, ਮਨਜ਼ੂਰੀਆਂ ਵਿੱਚ ਤੇਜ਼ੀ ਲਿਆ ਕੇ, ਪੁਰਾਣੇ ਨਿਯਮਾਂ ਵਿੱਚ ਤਬਦੀਲੀਆਂ ਲਿਆ ਕੇ, ਅਤੇ ਘੱਟ ਵਰਤੋਂ ਵਾਲੀ ਜਨਤਕ ਅਤੇ ਗੈਰ-ਮੁਨਾਫਾ ਜ਼ਮੀਨ ਦਾ ਲਾਭ ਉਠਾ ਕੇ, ਕੰਮ ਕਰਨ ਵਾਲੇ- ਅਤੇ ਮੱਧ-ਵਰਗ ਦੇ ਲੋਕਾਂ ਲਈ ਵਧੇਰੇ ਘਰ ਤੇਜ਼ੀ ਨਾਲ ਉਪਲਬਧ ਕਰਵਾਏ ਜਾ ਰਹੇ ਹਨ।