ਹੈਲਥ ਕੇਅਰ
ਬੀ.ਸੀ. ਦੀ ਸਿਹਤ ਸੰਭਾਲ ਹਿਊਮਨ ਰੀਸੋਰਸਿਜ਼ ਲਈ ਰਣਨੀਤੀ
ਲੋਕਾਂ ਨੂੰ ਪਹਿਲ ਦੇਣਾ
ਇਹ ਯੋਜਨਾ ਬੀ.ਸੀ. ਵਿੱਚ ਹਰ ਕਿਸੇ ਲਈ ਬਿਹਤਰ ਹੈਲਥ ਕੇਅਰ (ਸਿਹਤ ਸੰਭਾਲ) ਦੀ ਅਦਾਇਗੀ ਕਰਨ ਲਈ ਸਾਡੀ ਤਰੱਕੀ ਨੂੰ ਅੱਗੇ ਤੋਰਦੀ ਹੈ। ਇਹ ਹੋਰ ਮਜ਼ਬੂਤ ਹੈਲਥ ਕੇਅਰ ਕਾਰਜਬਲਾਂ ਦਾ ਨਿਰਮਾਣ ਕਰਨ ਅਤੇ ਲੋਕਾਂ ਅਤੇ ਪਰਿਵਾਰਾਂ ਲਈ ਬਿਹਤਰ ਸੇਵਾਵਾਂ ਦੀ ਅਦਾਇਗੀ ਕਰਨ ਲਈ ਇੱਕ ਯੋਜਨਾ ਉਲੀਕਦੀ ਹੈ।
ਮਾਮੂਲੀ ਬਿਮਾਰੀਆਂ ਅਤੇ ਗਰਭ-ਨਿਰੋਧਕ ਲਈ ਫਾਰਮੇਸਿਸਟ ਨੂੰ ਮਿਲੋ
1 ਜੂਨ, 2023 ਤੋਂ ਸ਼ੁਰੂ ਹੋਕੇ, ਬੀ.ਸੀ. ਵਿੱਚ ਲੋਕ 21 ਮਾਮੂਲੀ ਬਿਮਾਰੀਆਂ ਅਤੇ ਗਰਭ ਨਿਰੋਧਕ ਲਈ ਜ਼ਿਆਦਾਤਰ ਫਾਰਮੇਸੀਆਂ ‘ਤੇ ਮੁਲਾਂਕਣ ਅਤੇ ਇਲਾਜ ਕਰਵਾ ਸਕਦੇ ਹਨ। ਫਾਰਮੇਸੀ ‘ਤੇ ਵਿਜ਼ਿਟ ਦੌਰਾਨ ਤੁਹਾਨੂੰ ਪ੍ਰਿਸਕ੍ਰਿਪਸ਼ਨ, ਸਵੈ-ਸੰਭਾਲ ਵਾਸਤੇ ਸਲਾਹ ਜਾਂ ਕਿਸੇ ਹੋਰ ਸਿਹਤ ਸੰਭਾਲ ਪ੍ਰਦਾਨਕ (health care provider) ਨੂੰ ਮਿਲਣ ਦੀ ਸਿਫਾਰਸ਼ ਕੀਤੀ ਜਾ ਸਕਦੀ ਹੈ।
ਬੀ.ਸੀ. ਵਿੱਚ ਵਧੇਰੇ ਲੌਂਗ-ਟਰਮ ਕੇਅਰ ਸ਼ਾਮਲ ਕਰਨਾ
ਜਿਵੇਂ-ਜਿਵੇਂ ਲੋਕਾਂ ਦੀ ਉਮਰ ਵਧਦੀ ਹੈ, ਉਨ੍ਹਾਂ ਦੀ ਸਿਹਤ ਦੀਆਂ ਲੋੜਾਂ ਬਦਲਦੀਆਂ ਹਨ। ਬੀ.ਸੀ. ਵਿੱਚ ਹਰ ਕੋਈ ਉਸ ਸੰਭਾਲ ਤੱਕ ਪਹੁੰਚ ਪ੍ਰਾਪਤ ਕਰਨ ਦਾ ਹੱਕਦਾਰ ਹੈ, ਜਦੋਂ ਅਤੇ ਜਿੱਥੇ ਉਹਨਾਂ ਨੂੰ ਇਸ ਦੀ ਲੋੜ ਹੁੰਦੀ ਹੈ। ਅਸੀਂ ਬੀ.ਸੀ. ਭਰ ਵਿੱਚ ਪ੍ਰਾਇਮਰੀ ਕੇਅਰ, ਹੋਮ ਹੈਲਥ, ਲੌਂਗ-ਟਰਮ ਕੇਅਰ ਅਤੇ ਅਸਿਸਟਡ ਲਿਵਿੰਗ ਸਰਵਿਸਿਜ਼ ਵਿੱਚ ਨਿਵੇਸ਼ ਕਰ ਰਹੇ ਹਾਂ।
ਮੁਫ਼ਤ ਗਰਭ-ਨਿਰੋਧਨ
1 ਅਪ੍ਰੈਲ 2023 ਤੋਂ ਬੀ.ਸੀ., ਕੈਨੇਡਾ ਦਾ ਪਹਿਲਾ ਸੂਬਾ ਜਾਂ ਟੈਰੀਟੋਰੀ ਹੋਵੇਗਾ ਜੋ ਆਪਣੇ ਸਾਰੇ ਵਸਨੀਕਾਂ ਲਈ ਪ੍ਰਿਸਕ੍ਰਿਪਸ਼ਨ ਨਾਲ ਮਿਲਣ ਵਾਲੇ ਗਰਭ-ਨਿਰੋਧਨ ਨੂੰ ਮੁਫ਼ਤ ਕਰੇਗਾ।
ਮਾਨਸਿਕ-ਸਿਹਤ ਅਤੇ ਨਸ਼ਾ-ਮੁਕਤ ਇਲਾਜ ਸੇਵਾਵਾਂ ਦਾ ਵਿਸਤਾਰ
ਨਸ਼ੇ ਦੀ ਲਤ ਨਾਲ ਜੂਝ ਰਹੇ ਲੋਕਾਂ ਦੀ ਸਹਾਇਤਾ ਕਰਨ ਲਈ, $586 ਮਿਲੀਅਨ ਤੋਂ ਵੱਧ ਨਾਲ ਬੀ.ਸੀ. ਭਰ ਵਿੱਚ ਇਲਾਜ ਅਤੇ ਰਿਕਵਰੀ ਬੈੱਡ ਸ਼ਾਮਲ ਕੀਤੇ ਜਾਣਗੇ, ਲੋਕਾਂ ਦੇ ਰਿਕਵਰੀ ਦੇ ਪੂਰੇ ਸਫ਼ਰ ਦੌਰਾਨ ਉਹਨਾਂ ਦੀ ਮਦਦ ਕਰਨ ਲਈ ਦੇਖਭਾਲ ਦਾ ਇੱਕ ਨਵਾਂ ਮਾਡਲ ਵਿਕਸਤ ਅਤੇ ਸ਼ੁਰੂ ਕੀਤਾ ਜਾਵੇਗਾ, ਉਹਨਾਂ ਲਈ ਰੈਪ-ਅਰਾਉਂਡ ਸੇਵਾਵਾਂ ਉਪਲਬਧ ਹੋਣਗੀਆਂ, ਇੰਡੀਜਨਸ ਟ੍ਰੀਟਮੈਂਟ ਸੈਂਟਰਾਂ ਦਾ ਵਿਸਤਾਰ ਹੋਵੇਗਾ ਅਤੇ ਲੰਬੇ ਸਮੇਂ ਲਈ ਲੋਕਾਂ ਅਤੇ ਉਹਨਾਂ ਦੀ ਰਿਕਵਰੀ ਵਿੱਚ ਮਦਦ ਕਰਨ ਲਈ ਨਵੀਆਂ ਰਿਕਵਰੀ ਕਮਿਊਨਟੀਆਂ ਦਾ ਵਿਕਾਸ ਹੋਵੇਗਾ।
ਵਧੇਰੇ ਸਿਹਤ-ਸੰਭਾਲ ਕਰਮਚਾਰੀਆਂ ਨੂੰ ਭਰਤੀ ਕਰਨਾ, ਸਿਖਲਾਈ ਦੇਣਾ ਅਤੇ ਬਰਕਰਾਰ ਰੱਖਣਾ
ਸਟਾਫ ਨੂੰ ਭਰਤੀ ਕਰਨ ਅਤੇ ਬਰਕਰਾਰ ਰੱਖਣ ਲਈ, ਕੰਮ ਦੀਆਂ ਜ਼ਿੰਮੇਦਾਰੀਆਂ ਨੂੰ ਮੁੜ ਡਿਜ਼ਾਈਨ ਅਤੇ ਮੁੜ ਸੰਤੁਲਿਤ ਕਰਨ ਲਈ, ਸਿਹਤ-ਸੰਭਾਲ ਦੀਆਂ ਥਾਵਾਂ ਨੂੰ ਸੱਭਿਆਚਾਰਕ ਤੌਰ ‘ਤੇ ਵਧੇਰੇ ਸੁਰੱਖਿਅਤ ਬਣਾਉਣ ਲਈ, ਅਤੇ ਹਰ ਤਰ੍ਹਾਂ ਦੇ ਸਿਹਤ-ਸੰਭਾਲ ਪੇਸ਼ੇਵਰਾਂ ਦੀ ਸਿਖਲਾਈ ਅਤੇ ਸਿੱਖਿਆ ਦੀਆਂ ਸੀਟਾਂ ਦਾ ਵਿਸਤਾਰ ਕਰਨ ਲਈ ਫੰਡਿੰਗ।
ਕੈਂਸਰ ਸੰਭਾਲ ਕਾਰਵਾਈ ਯੋਜਨਾ
ਬੀ.ਸੀ. ਵਿੱਚ ਲਗਭਗ ਹਰ ਕੋਈ ਆਪਣੇ ਜੀਵਨ ਦੇ ਕਿਸੇ ਨਾ ਕਿਸੇ ਸਮੇਂ ਕੈਂਸਰ ਤੋਂ ਪ੍ਰਭਾਵਤ ਹੋਇਆ ਹੈ। ਬੇਹਤਰ ਰੋਕਥਾਮ ਕਾਰਜਨੀਤੀਆਂ, ਬਿਮਾਰੀ ਦਾ ਸ਼ੁਰੂਆਤ ਵਿੱਚ ਪਤਾ ਲਗਾਉਣਾ, ਵਧੇਰੇ ਤੇਜ਼ ਇਲਾਜ ਅਤੇ ਟੀਮ-ਅਧਾਰਿਤ ਸਹਾਇਤਾ ਸੇਵਾਵਾਂ ਵਿੱਚ ਨਿਵੇਸ਼ ਕਰਨ ਦਾ ਮਤਲਬ ਹੈ ਕਿ ਬੀ.ਸੀ. ਦੇ ਲੋਕ ਅਜਿਹੀ ਕੈਂਸਰ ਸੰਭਾਲ ਲੈ ਸਕਦੇ ਹਨ ਜਿਸ ‘ਤੇ ਉਹ ਭਰੋਸਾ ਕਰ ਸਕਦੇ ਹਨ – ਜਿੱਥੇ ਅਤੇ ਜਦੋਂ ਉਹਨਾਂ ਨੂੰ ਇਸ ਦੀ ਲੋੜ ਹੈ।
ਹੋਰ ਮਿੱਡਵਾਈਵਜ਼ ਨੂੰ ਸਿਖਲਾਈ
ਬੀ.ਸੀ. ਵਿੱਚ ਮਿੱਡਵਾਈਵਜ਼ (ਦਾਈਆਂ) ਦੀ ਮੰਗ ਤੇਜ਼ੀ ਨਾਲ ਵਧੀ ਹੈ। ਯੂ.ਬੀ.ਸੀ. ਵਿਖੇ ਮਿੱਡਵਾਈਫ ਦੀਆਂ ਸੀਟਾਂ ਦੀ ਸੰਖਿਆ ਵਿੱਚ ਵਾਧਾ ਕਰਨ ਦਾ ਮਤਲਬ ਹੈ ਗਰਭਅਵਸਥਾ ਸੰਭਾਲ ਤੱਕ ਵਧੇਰੇ ਪਹੁੰਚ, ਖਾਸ ਕਰਕੇ ਪੇਂਡੂ, ਦੂਰ-ਦੁਰਾਡੇ ਅਤੇ ਫਰਸਟ ਨੇਸ਼ਨਜ਼ ਕਮਿਊਨਿਟੀਆਂ ਵਿੱਚ।
ਪੀਅਰ ਸੁਪੋਰਟ ਹੁਣ ਉਪਲਬਧ ਹੈ
ਫਾਊਂਡਰੀ ਬੀ ਸੀ ਦੀ ਪੀਅਰ ਸੁਪੋਰਟ (ਉਹ ਪ੍ਰਕਿਰਿਆ ਜਿਸ ਰਾਹੀਂ ਲੋਕ ਇੱਕੋ ਜਿਹੇ ਤਜਰਬੇ ਸਾਂਝੇ ਕਰਦੇ ਹਨ ਅਤੇ ਉਹਨਾਂ ਦੇ ਆਧਾਰ ‘ਤੇ ਮਦਦ ਪ੍ਰਾਪਤ ਕਰਦੇ ਹਨ) 12 ਤੋਂ 24 ਸਾਲਾਂ ਦੀ ਉਮਰ ਦੇ ਨੌਜਵਾਨਾਂ ਨੂੰ ਔਨਲਾਈਨ ਜਾਂ ਕਿਸੇ ਹੋਰ ਅਜੇਹੇ ਨੌਜਵਾਨ ਨਾਲ ਵਿਅਕਤੀਗਤ ਸੰਪਰਕ ਕਰਨ ਦਾ ਮੌਕਾ ਦਿੰਦੀ ਹੈ, ਜੋ ਉਹਨਾਂ ਦੀ ਗੱਲ ਸੁਣਨ ਲਈ ਮੌਜੂਦ ਹੈ।
ਇੱਕ ਨਵੇਂ ਫੈਮਿਲੀ ਡਾਕਟਰ ਲਈ ਮੁਆਵਜ਼ਾ ਮਾਡਲ ਪ੍ਰਦਾਨ ਕਰਾਉਣਾ ਜੋ ਮੁੱਢਲੀ ਸੰਭਾਲ ਦੀਆਂ ਲੋੜਾਂ ਵਿੱਚ ਮਦਦ ਕਰਦਾ ਹੈ
ਹੋਰ ਫੈਮਿਲੀ ਡਾਕਟਰਾਂ ਨੂੰ ਹੈਲਥ ਕੇਅਰ ਸਿਸਟਮ ਵੱਲ ਆਕਰਸ਼ਤ ਕਰਨ ਅਤੇ ਬਰਕਰਾਰ ਰੱਖਣ ਵਿੱਚ ਮਦਦ ਕਰਨਾ।
ਨਸ਼ੇ ਦੀ ਲੱਤ ਹੋਣਾ ਅਪਰਾਧ ਨਹੀਂ ਹੈ
ਨਸ਼ੇ ਦੀ ਲੱਤ ਦੇ ਨਾਲ ਇੱਕ ਅਪਰਾਧਕ ਮੁੱਦੇ ਵਜੋਂ ਨਹੀਂ, ਬਲਕਿ ਇੱਕ ਸਿਹਤ ਸੰਭਾਲ ਦੇ ਮੁੱਦੇ ਵਜੋਂ ਨਜਿੱਠਣ ਦੀ ਲੋੜ ਹੈ। 31 ਜਨਵਰੀ, 2023 ਤੋਂ 18 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਬਾਲਗ, ਜਿਨ੍ਹਾਂ ਕੋਲ ਨਿੱਜੀ ਵਰਤੋਂ ਲਈ 2.5 ਗ੍ਰਾਮ ਜਾਂ ਇਸ ਤੋਂ ਘੱਟ ਮਾਤਰਾ ਵਿੱਚ ਕੁਝ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ ਹਨ, ਨੂੰ ਬੀ.ਸੀ. ਵਿੱਚ ਅਪਰਾਧਕ ਦੋਸ਼ਾਂ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ।
ਹੋਰ ਤੇਜ਼ੀ ਨਾਲ ਵਧੇਰੇ ਨਰਸਾਂ ਨੂੰ ਬੀ.ਸੀ. ਵਿੱਚ ਪ੍ਰੈਕਟਿਸ ਕਰਨ ਵਿੱਚ ਮਦਦ ਕਰਨਾ
ਬਹੁਤ ਸਾਰੀਆਂ ਰੁਕਾਵਟਾਂ ਕਾਰਨ ਕਾਫੀ ਨਰਸਾਂ ਨੂੰ ਹੈਲਥ ਕੇਅਰ ਸਿਸਟਮ ਵਿੱਚ ਕੰਮ ਕਰਨ ਜਾਂ ਕੰਮ ‘ਤੇ ਵਾਪਸ ਆਉਣ ਵਿੱਚ ਮੁਸ਼ਕਲਾਂ ਆਈਆਂ ਹਨ। ਇਹਨਾਂ ਰੁਕਾਵਟਾਂ ਨੂੰ ਦੂਰ ਕਰਨ ਦਾ ਮਤਲਬ ਹੈ ਕਿ ਵਧੇਰੇ ਨਰਸਾਂ ਆਪਣੇ ਪਸੰਦੀਦਾ ਖੇਤਰ ਵਿੱਚ ਕੰਮ ਕਰ ਸਕਣਗੀਆਂ, ਅਤੇ ਬੀ.ਸੀ. ਦੇ ਲੋਕ ਸਿਹਤ ਸੰਭਾਲ ਤੱਕ ਬਿਹਤਰ ਪਹੁੰਚ ਕਰ ਸਕਣਗੇ, ਜਿਸ ਦੇ ਉਹ ਹੱਕਦਾਰ ਹਨ।
ਬੀ.ਸੀ. ਵਿੱਚ ਇੱਕ ਨਵਾਂ ਮੈਡੀਕਲ ਸਕੂਲ
SFU ਵਿਖੇ ਇੱਕ ਨਵੇਂ ਮੈਡੀਕਲ ਸਕੂਲ ਦੀ ਸਥਾਪਨਾ ਕਰਨ ਨਾਲ ਬੀ.ਸੀ. ਦੇ ਹੈਲਥ ਕੇਅਰ ਸਿਸਟਮ ਵਿੱਚ ਕੰਮ ਕਰਨ ਲਈ ਭਵਿੱਖ ਵਿੱਚ ਨਵੇਂ ਬਨਣ ਵਾਲੇ ਡਾਕਟਰਾਂ ਨੂੰ ਆਕਰਸ਼ਿਤ ਕਰਨ ਅਤੇ ਸਿਖਲਾਈ ਦੇਣ ਵਿੱਚ ਵਾਧਾ ਹੋਵੇਗਾ।
ਵਧੇਰੇ ਅੰਤਰਰਾਸ਼ਟਰੀ ਸਿਖਲਾਈ ਪ੍ਰਾਪਤ ਫੈਮਿਲੀ ਡਾਕਟਰ ਹੋਰ ਜਲਦੀ ਕੰਮ ਕਰਨਗੇ
ਬੀ.ਸੀ. ਦੇ ਹੈਲਥ ਕੇਅਰ ਸਿਸਟਮ ਵਿੱਚ ਤੇਜ਼ੀ ਨਾਲ ਕੰਮ ਕਰਨ ਲਈ ਕੈਨੇਡਾ ਤੋਂ ਬਾਹਰ ਸਿਖਲਾਈ ਪ੍ਰਾਪਤ ਤਿੰਨ ਗੁਣਾ ਜ਼ਿਆਦਾ ਫੈਮਿਲੀ ਡਾਕਟਰਾਂ ਦੀ ਮਦਦ ਕਰਨਾ, ਅਤੇ ਲੋਕਾਂ ਨੂੰ ਸਿਹਤ-ਸੰਭਾਲ ਸੇਵਾਵਾਂ ਤੱਕ ਪਹੁੰਚ ਕਰਨ ਦੇ ਹੱਲ ਤੁਰੰਤ ਪ੍ਰਦਾਨ ਕਰਨ ਲਈ ਐਸੋਸੀਏਟ ਡਾਕਟਰ ਦੀ ਇੱਕ ਨਵੀਂ ਸ਼੍ਰੇਣੀ ਦੀ ਸ਼ੁਰੂਆਤ ਕਰਨਾ।
ਹੋਰ ਡਾਕਟਰਾਂ ਨੂੰ ਸਿਖਲਾਈ ਦੇਣਾ
UBC ਫੈਕਲਟੀ ਔਫ ਮੈਡੀਸਨ ਵਿਖੇ ਭਵਿੱਖ ਦੇ ਡਾਕਟਰਾਂ ਲਈ ਥਾਂਵਾਂ ਵਿੱਚ ਵਾਧਾ ਕਰਕੇ ਇਹ ਯਕੀਨੀ ਬਣਾਉਣਾ ਕਿ ਬੀ.ਸੀ. ਕੋਲ ਲੰਬੀ-ਮਿਆਦ ਵਿੱਚ ਵਧੇਰੇ ਫੈਮਿਲੀ ਡਾਕਟਰ ਅਤੇ ਮਾਹਰ ਹੋਣ।
ਹੋਰ ਹੈਲਥ ਕੇਅਰ ਵਰਕਰਾਂ ਨੂੰ ਨੌਕਰੀਆਂ ‘ਤੇ ਸਿਖਲਾਈ ਦੇਣਾ
ਇੱਕੋ ਸਮੇਂ ‘ਤੇ ਸਿੱਖਣ ਅਤੇ ਕਮਾਉਣ ਲਈ ਹੈਲਥ ਕੇਅਰ ਵਰਕਰਾਂ ਦੀ ਅਗਲੀ ਪੀੜ੍ਹੀ ਨੂੰ ਸਹਿਯੋਗ ਪ੍ਰਦਾਨ ਕਰਨਾ। ਇਸਦਾ ਮਤਲਬ ਹੈ ਕਿ ਹੋਰ ਲੋਕਾਂ ਦੀ ਸਿਹਤ ਸੰਭਾਲ ਤੱਕ ਪਹੁੰਚ ਪ੍ਰਾਪਤ ਹੁੰਦੀ ਹੈ, ਜਦਕਿ ਕਾਮੇ ਆਪਣੇ ਪੇਸ਼ੇ ਵਿੱਚ ਤਰੱਕੀ ਕਰਦੇ ਹਨ।
ਫਾਰਮਾਸਿਸਟ, ਪੈਰਾਮੈਡਿਕਸ ਅਤੇ ਫਰਸਟ ਰਿਸਪੌਂਡਰਜ਼ ਲਈ ਪ੍ਰੈਕਟਿਸ ਦੇ ਦਾਇਰੇ ਦਾ ਵਿਸਤਾਰ ਕਰਨਾ
ਫਾਰਮਾਸਿਸਟ, ਪੈਰਾਮੈਡਿਕਸ ਅਤੇ ਫਰਸਟ ਰਿਸਪੌਂਡਰਜ਼ ਦੀਆਂ ਵਿਸਤਰਿਤ ਭੂਮਿਕਾਵਾਂ ਹੋਣਗੀਆਂ। ਫਾਰਮਾਸਿਸਟ ਕੁਝ ਦਵਾਈਆਂ ਦਾ ਰੀਫਿੱਲ (ਦੁਬਾਰਾ ਭਰਨ) ਕਰਨ ਦੇ ਯੋਗ ਹੋਣਗੇ। ਇਸ ਦਾ ਮਤਲਬ ਹੈ ਕਿ ਵਾਕ-ਇਨ ਕਲੀਨਿਕਾਂ ਅਤੇ ਐਮਰਜੰਸੀ ਰੂਮਾਂ ਵਿੱਚ ਮੁਕਾਬਲਤਨ ਘੱਟ ਉਡੀਕ ਸਮੇਂ।
ਹੈਲਥ ਕੇਅਰ ਅਸਿਸਟੈਂਟ ਬਣਨ ਲਈ ਮੁਫ਼ਤ ਸਿੱਖਿਆ
ਉੱਚ-ਤਰਜੀਹੀ ਹੈਲਥ ਕੇਅਰ ਖੇਤਰਾਂ ਵਿੱਚ ਵਿਦਿਆਰਥੀਆਂ ਲਈ ਟਿਊਸ਼ਨ ਸਹਾਇਤਾ ਭਵਿੱਖ ਦੇ ਕਾਰਜ-ਬਲਾਂ ਦਾ ਨਿਰਮਾਣ ਕਰਨ ਵਿੱਚ ਮਦਦ ਕਰਦੀ ਹੈ, ਅਤੇ ਹੋਰ ਵਿਦਿਆਰਥੀਆਂ ਨੂੰ ਘੱਟ ਕਰਜ਼ੇ ਨਾਲ ਆਪਣੇ ਪੇਸ਼ਿਆਂ ਦੀ ਸ਼ੁਰੂਆਤ ਕਰਨ ਦੇ ਯੋਗ ਬਣਾਉਂਦੀ ਹੈ।
ਸਫ਼ਰ ਲਈ ਤਿਆਰ ਨਰਸਾਂ ਨੂੰ ਇਕੱਤਰ ਕਰਨਾ
ਨਰਸਾਂ ਦੀ ਇੱਕ ਟੀਮ ਜੋ ਪੇਂਡੂ/ਦੂਰ-ਦੁਰਾਡੇ ਦੇ ਭਾਈਚਾਰਿਆਂ ਵਿੱਚ ਸਫ਼ਰ ਕਰ ਸਕਦੀਆਂ ਹਨ, ਦਾ ਮਤਲਬ ਹੈ ਕਿ ਲੋਕ ਲੰਬਾ ਸਫ਼ਰ ਕੀਤੇ ਬਗੈਰ ਸਿਹਤ ਸੰਭਾਲ ਤੱਕ ਪਹੁੰਚ ਪ੍ਰਾਪਤ ਕਰ ਸਕਦੇ ਹਨ।
ਹੈਲਥ ਕੇਅਰ ਸਿਸਟਮ ਨੂੰ ਸੱਭਿਆਚਾਰਕ ਤੌਰ ‘ਤੇ ਹੋਰ ਸੁਰੱਖਿਅਤ ਬਣਾਉਣ ਲਈ ਇਸ ਵਿੱਚ ਸੁਧਾਰ ਕਰਨਾ
ਸਿਹਤ ਨਤੀਜਿਆਂ ਵਿੱਚ ਸੁਧਾਰ ਕਰਨ ਲਈ ਹੈਲਥ ਕੇਅਰ ਤੱਕ ਵਧੇਰੇ ਨਿਰਪੱਖ ਪਹੁੰਚ। ਇਸਦਾ ਮਤਲਬ ਹੈ ਬਿਹਤਰ ਸਿਖਲਾਈ ਅਤੇ ਸਿੱਖਿਆ, ਤਾਂ ਜੋ ਅਸੀਂ ਬੀ.ਸੀ. ਵਿੱਚ ਹਰ ਕਿਸੇ ਲਈ ਸੰਭਾਲ ਦੇ ਸੱਭਿਆਚਾਰਕ ਤੌਰ ‘ਤੇ ਵਧੇਰੇ ਸੁਰੱਖਿਅਤ ਸਿਸਟਮ ਦਾ ਨਿਰਮਾਣ ਕਰ ਸਕੀਏ।
ਵਿਦੇਸ਼ੀ-ਸਿਖਲਾਈ ਪ੍ਰਾਪਤ ਹੈਲਥ ਕੇਅਰ ਵਰਕਰਾਂ ਲਈ ਪ੍ਰਮਾਣ-ਪੱਤਰਾਂ ਨੂੰ ਮਾਨਤਾ ਦੇਣਾ
ਇਹ ਯਕੀਨੀ ਬਣਾਉਣਾ ਕਿ ਅੰਤਰਰਾਸ਼ਟਰੀ ਪੱਧਰ ‘ਤੇ ਪੜ੍ਹੇ-ਲਿਖੇ ਹੈਲਥ ਕੇਅਰ ਵਰਕਰ ਜੋ ਬੀ.ਸੀ. ਵਿੱਚ ਰਹਿੰਦੇ ਹਨ, ਆਪਣੇ ਖੇਤਰ ਵਿੱਚ ਕੰਮ ਕਰ ਸਕਦੇ ਹਨ। ਇਸ ਦਾ ਮਤਲਬ ਹੈ ਕਿ ਹਜ਼ਾਰਾਂ ਵਿਦੇਸ਼ੀ-ਸਿਖਲਾਈ ਪ੍ਰਾਪਤ ਹੈਲਥ ਕੇਅਰ ਵਰਕਰ ਉਹਨਾਂ ਸਿਹਤ ਸੰਭਾਲ ਸੇਵਾਵਾਂ ਦੀ ਅਦਾਇਗੀ ਕਰਨ ਵਿੱਚ ਮਦਦ ਕਰ ਸਕਦੇ ਹਨ ਜਿੰਨ੍ਹਾਂ ਦੀ ਲੋਕਾਂ ਨੂੰ ਲੋੜ ਹੈ।
ਸਾਡੇ ਹੈਲਥ ਕੇਅਰ ਕਾਰਜਬਲਾਂ ਵਿੱਚ ਵਾਧਾ ਕਰਨਾ
ਬੀ.ਸੀ. ਦੇ ਲੋਕਾਂ ਦੀਆਂ ਸਿਹਤ ਸੰਭਾਲ ਲੋੜਾਂ ਨੂੰ ਪੂਰਾ ਕਰਨ ਲਈ ਹੈਲਥ ਕੇਅਰ ਵਰਕਰਾਂ ਦਾ ਵਧਣਾ, ਭਰਤੀ ਕਰਨਾ ਅਤੇ ਉਹਨਾਂ ਨੂੰ ਬਣਾਈ ਰੱਖਣਾ ਬੇਹੱਦ ਜ਼ਰੂਰੀ ਹੈ। ਹਸਪਤਾਲ ਦੇ ਲੱਗਭਗ 4,000 ਕਰਮਚਾਰੀਆਂ ਨੂੰ ਪਬਲਿਕ ਸਿਸਟਮ ਵਿੱਚ ਵਾਪਸ ਲਿਆਉਣਾ ਲੋਕਾਂ ਨੂੰ ਹੋਰ ਸਥਿਰ, ਟਿਕਾਊ ਅਤੇ ਸਹਾਇਤਾਕਾਰੀ ਮਰੀਜ਼ ਸੰਭਾਲ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ।
ਬੀ.ਸੀ. ਬਿਹਤਰ ਹੈਲਥ ਕੇਅਰ ਸੇਵਾਵਾਂ ਦੀ ਅਦਾਇਗੀ ਕਿਵੇਂ ਕਰ ਰਿਹਾ ਹੈ
ਹੈਲਥ ਕੇਅਰ ਸੇਵਾਵਾਂ ਨੂੰ ਸੁਚਾਰੂ ਬਣਾਉਣਾ
ਸਰਜਰੀਆਂ ਲਈ ਉਡੀਕ ਸਮਿਆਂ ਨੂੰ ਘੱਟ ਕਰਨਾ, MRI ਅਤੇ ਕੈਂਸਰ ਦੀ ਜਾਂਚ ਕਰਨ ਵਾਲੀਆਂ ਸੇਵਾਵਾਂ ਦੀ ਉਪਲਬਧਤਾ ਵਿੱਚ ਵਾਧਾ ਕਰਨਾ, ਅਤੇ ਹੋਰ ਤੇਜ਼ ਨਤੀਜੇ ਪ੍ਰਦਾਨ ਕਰਾਉਣਾ। ਇਸ ਦਾ ਮਤਲਬ ਹੈ ਕਿ ਲੋਕਾਂ ਨੂੰ ਉਹ ਸੰਭਾਲ ਅਤੇ ਇਲਾਜ ਜਲਦੀ ਮਿਲ ਜਾਵੇਗਾ ਜਿਸਦੀ ਉਹਨਾਂ ਨੂੰ ਲੋੜ ਹੈ।
ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਨਾਲ ਸੰਘਰਸ਼ ਕਰ ਰਹੇ ਲੋਕਾਂ ਲਈ ਮੁੜ-ਸਿਹਤਯਾਬੀ ਲਈ ਰਸਤੇ ਬਣਾਉਣਾ
ਨੌਜਵਾਨਾਂ ਅਤੇ ਬਾਲਗਾਂ ਲਈ ਇਲਾਜ ਅਤੇ ਮੁੜ-ਸਿਹਤਯਾਬੀ ਸੇਵਾਵਾਂ ਵਿੱਚ ਸੰਭਾਲ ਦੇ ਪੱਧਰ ਵਿੱਚ ਸੁਧਾਰ। ਇਸ ਦਾ ਮਤਲਬ ਹੈ ਕਿ ਮਾਨਸਿਕ-ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਲੋਕ ਉਸ ਮਦਦ ਤੱਕ ਬੇਹਤਰ ਤਰੀਕੇ ਨਾਲ ਅਤੇ ਹੋਰ ਤੇਜ਼ੀ ਨਾਲ ਪਹੁੰਚ ਕਰਨ ਦੇ ਯੋਗ ਹੋਣਗੇ ਜਿਸਦੀ ਉਹਨਾਂ ਨੂੰ ਲੋੜ ਹੈ।
ਹਸਪਤਾਲਾਂ, ਕਲੀਨਿਕਾਂ ਅਤੇ ਪੋਸਟ-ਸੈਕੰਡਰੀ ਸੰਸਥਾਵਾਂ ਵਿੱਚ ਨਿਵੇਸ਼ ਕਰਨਾ
ਸਾਰੇ ਸੂਬੇ ਵਿੱਚ ਨਵੇਂ ਕਲੀਨਿਕਾਂ, ਲੌਂਗ-ਟਰਮ ਕੇਅਰ ਬੈਡਜ਼ ਅਤੇ ਹਸਪਤਾਲਾਂ ਵਿੱਚ ਨਿਵੇਸ਼ ਕਰਨਾ। ਇਸ ਦਾ ਮਤਲਬ ਹੈ ਕਿ ਸੂਬੇ ਭਰ ਦੇ ਲੋਕਾਂ ਲਈ ਸਿਹਤ ਸੇਵਾਵਾਂ ਤੱਕ ਪਹੁੰਚ ਵਿੱਚ ਸੁਧਾਰ ਅਤੇ ਵਾਧਾ।
ਸਾਰਿਆਂ ਵਾਸਤੇ ਮਾਨਸਿਕ ਸਿਹਤ ਲਈ ਸਹਿਯੋਗ ਵਿੱਚ ਸੁਧਾਰ ਕਰਨਾ
ਨੌਜਵਾਨਾਂ ਲਈ ਨਵੇਂ ਸੰਭਾਲ ਕੇਂਦਰ, ਇੰਡੀਜਨਸ (ਮੂਲਵਾਸੀ) ਲੋਕਾਂ ਲਈ ਸੱਭਿਆਚਾਰਕ ਤੌਰ ‘ਤੇ ਸੁਰੱਖਿਅਤ ਪ੍ਰੋਗਰਾਮ, ਹੋਰ ਵਰਚੁਅਲ ਸਹਿਯੋਗ, ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਅਤੇ ਨੁਕਸਾਨ-ਘਟਾਉਣ ਵਾਲੀਆਂ ਸੇਵਾਵਾਂ ਵਿੱਚ ਵਾਧਾ। ਇਸ ਦਾ ਮਤਲਬ ਹੈ ਕਿ ਜਦ ਲੋਕ ਕਿਸੇ ਮਾਨਸਿਕ-ਸਿਹਤ ਸੰਕਟ ਵਿੱਚ ਹੁੰਦੇ ਹਨ, ਤਾਂ ਉਹਨਾਂ ਨੂੰ ਜਿੰਨੀ ਜਲਦੀ ਸੰਭਵ ਹੋਵੇ ਸਭ ਤੋਂ ਵਧੀਆ ਸੰਭਾਲ ਦੀ ਲੋੜ ਹੈ।
ਉਹਨਾਂ ਹੈਲਥ ਕੇਅਰ ਪ੍ਰਣਾਲੀਆਂ ਦਾ ਨਿਰਮਾਣ ਕਰਨਾ ਜਿੰਨ੍ਹਾਂ ਦੀ ਲੋਕਾਂ ਨੂੰ ਹੁਣ ਲੋੜ ਹੈ
ਬੀ.ਸੀ. ਭਰ ਵਿੱਚ ਨਵੇਂ ਪ੍ਰਾਈਮਰੀ ਕੇਅਰ ਨੈੱਟਵਰਕ ਅਤੇ ਅਰਜੰਟ ਅਤੇ ਪ੍ਰਾਈਮਰੀ ਕੇਅਰ ਸੈਂਟਰ ਲੋਕਾਂ ਨੂੰ ਉਹਨਾਂ ਦੇ ਭਾਈਚਾਰਿਆਂ ਵਿੱਚ ਲੋੜੀਂਦੀ ਮੁੱਢਲੀ ਸੰਭਾਲ ਨਾਲ ਜੋੜਨ ਵਿੱਚ ਮਦਦ ਕਰ ਰਹੇ ਹਨ, ਅਤੇ ਨਾਲ ਹੀ ਵਾਕ-ਇਨ ਕਲੀਨਿਕਾਂ ਅਤੇ ਐਮਰਜੈਂਸੀ ਰੂਮਾਂ ਦਾ ਦਬਾਅ ਘੱਟ ਕਰ ਰਹੇ ਹਨ।