ਜਲਵਾਯੂ ਪ੍ਰਤੀ ਕਾਰਵਾਈ

ਜਲਵਾਯੂ-ਸਬੰਧਤ ਆਫ਼ਤਾਂ, ਜਿਨ੍ਹਾਂ ਵਿੱਚ ਜੰਗਲੀ ਅੱਗਾਂ, ਹੜ੍ਹ ਅਤੇ ਅੱਤ ਦੀ ਗਰਮੀ ਸ਼ਾਮਲ ਹਨ, ਨੇ ਹਾਲੀਆ ਵਰ੍ਹਿਆਂ ਦੌਰਾਨ ਬੀ ਸੀ ਵਿੱਚ ਲੋਕਾਂ ਦੀਆਂ ਜ਼ਿੰਦਗੀਆਂ ਨੂੰ ਪ੍ਰਭਾਵਤ ਕੀਤਾ ਹੈ। ਸਾਨੂੰ ਇਸੇ ਵੇਲੇ ਕਾਰਵਾਈ ਕਰਨ ਦੀ ਲੋੜ ਹੈ। ਇਹੀ ਕਾਰਣ ਹੈ ਕਿ ਅਸੀਂ ਆਪਣੀ ਅੰਤਰਰਾਸ਼ਟਰੀ ਪੱਧਰ ਤੇ ਮਾਨਤਾ ਪ੍ਰਾਪਤ ਕਲੀਨ ਬੀਸੀ ਜਲਵਾਯੂ ਯੋਜਨਾ ਨੂੰ ਮਜ਼ਬੂਤ ਕਰਨ ਦੇ ਨਾਲ-ਨਾਲ, ਸ਼ੁੱਧ ਵਿਕਲਪਾਂ ਨੂੰ ਵਧੇਰੇ ਕਿਫ਼ਾਇਤੀ ਬਣਾ ਰਹੇ ਹਾਂ। ਅਤੇ ਬੀ ਸੀ ਦੇ ਪ੍ਰਦੂਸ਼ਣ ਦੇ ਸਭ ਤੋਂ ਵੱਡੇ ਸ੍ਰੋਤਾਂ ਤੋਂ ਹੋਣ ਵਾਲੇ ਉਤਸਰਜਨਾਂ ਨੂੰ ਘਟਾ ਰਹੇ ਹਾਂ।

ਸ਼ੁੱਧ ਊਰਜਾ ਸਮਾਧਾਨਾਂ ਬਾਰੇ ਮੂਲਵਾਸੀ ਭਾਈਚਾਰਿਆਂ ਨਾਲ ਭਾਈਵਾਲੀ

ਡੀਜ਼ਲ ਸ਼ਕਤੀ ਨੂੰ ਤਬਦੀਲ ਕਰਨ, ਗ੍ਰੀਨ ਹਾਊਸ ਗੈਸਾਂ ਦੇ ਉਤਸਰਜਨ ਨੂੰ ਘਟਾਉਣ ਅਤੇ ਫ਼ਸਟ ਨੇਸ਼ਨਜ਼ ਲਈ ਊਰਜਾ ਸਬੰਧੀ ਆਤਮ-ਨਿਰਭਰਤਾ ਵਿੱਚ ਵਾਧਾ ਕਰਨ ਲਈ, ਅਸੀਂ ਮੂਲਵਾਸੀ ਭਾਈਚਾਰਿਆਂ ਨਾਲ ਭਾਈਵਾਲੀ ਕਰ ਰਹੇ ਹਾਂ।

ਹੋਰ ਜਾਣੋ

ਭੂਮੀ ਦੀ ਵਧੇਰੇ ਚਿਰ-ਸਥਾਈ ਵਰਤੋਂ

Wਅਸੀਂ ਕਿਸਾਨਾਂ ਅਤੇ ਉਤਪਾਦਕਾਂ ਨਾਲ ਸਹਿਯੋਗ ਕਰਨਾ ਜਾਰੀ ਰੱਖ ਰਹੇ ਹਾਂ ਤਾਂ ਕਿ ਇਹ ਨਿਸ਼ਚਿਤ ਕੀਤਾ ਜਾ ਸਕੇ ਕਿ ਮਿੱਟੀ ਅਤੇ ਫ਼ਸਲਾਂ ਜਿਨ੍ਹਾਂ ਉੱਤੇ ਅਸੀਂ ਸਾਰੇ ਨਿਰਭਰ ਕਰਦੇ ਹਾਂ ਭਵਿੱਖ ਵਿੱਚ ਸਾਡਾ ਢਿੱਡ ਭਰਦੀਆਂ ਰਹਿ ਸਕਣ।

ਇਸ ਵਿੱਚ ਖੇਤਾਂ ਦੀ ਸਥਿਰਤਾ ਦਾ ਪੱਧਰ ਵਧਾਉਣ ਲਈ ਨਿਵੇਸ਼ ਕਰਨਾ, ਬੀਸੀ ਦੇ ਜੰਗਲਾਂ ਨੂੰ ਮਜ਼ਬੂਤ ਕਰਨਾ, ਅਤੇ ਮੂਲਵਾਸੀ ਫੌਰੈਸਟ ਬਾਇਉਇਕੌਨੋਮੀ ਪ੍ਰੋਗਰਾਮ ਦਾ ਦਾਇਰਾ ਵਧਾਉਣਾ ਸ਼ਾਮਲ ਹੈ, ਜਿਸ ਨਾਲ ਮੂਲਵਾਸੀ ਭਾਈਵਾਲਾਂ ਨੂੰ ਬਾਜ਼ਾਰੀਕਰਣ ਕਰਨ ਵਿੱਚ ਅਤੇ ਜੰਗਲਾਤ-ਅਧਾਰਤ ਨਵੀਨਤਾਕਾਰੀ ਉਤਪਾਦਾਂ ਦਾ ਪੱਧਰ ਵਧਾਉਣ ਵਿੱਚ ਮਦਦ ਮਿਲੇਗੀ।

ਹੋਰ ਜਾਣੋ

ਲੋਕਾਂ ਅਤੇ ਭਾਈਚਾਰਿਆਂ ਨੂੰ ਜਲਵਾਯੂ-ਸਬੰਧਤ ਆਫ਼ਤਾਂ ਤੋਂ ਬਚਾਉਣਾ

ਅਸੀਂ ਲੋਕਾਂ ਅਤੇ ਭਾਈਚਾਰਿਆਂ ਨੂੰ ਭਵਿੱਖ ਦੀਆਂ ਜਲਵਾਯੂ-ਸਬੰਧਤ ਆਫ਼ਤਾਂ ਤੋਂ ਬਚਾਉਣ ਲਈ ਅੱਗਾਂ ਅਤੇ ਹੜ੍ਹਾਂ ਤੋਂ ਹੋਏ ਨੁਕਸਾਨ ਦੀ ਬਿਹਤਰ ਢੰਗ ਨਾਲ ਮੁੜ ਉਸਾਰੀ ਕਰਨ ਲਈ ਨਿਵੇਸ਼ ਕਰ ਰਹੇ ਹਾਂ।

ਹੋਰ ਜਾਣੋ

ਭਾਈਚਾਰਿਆਂ ਲਈ ਆਵਾਜਾਈ ਦੇ ਵਧੇਰੇ ਸ਼ੁੱਧ ਵਿਕਲਪ

ਅਸੀਂ ਇਹ ਨਿਸ਼ਚਿਤ ਕਰ ਰਹੇ ਹਾਂ ਕਿ ਭਾਈਚਾਰਿਆਂ ਨੂੰ ਵਧੇਰੇ ਬਾਈਕ ਲੇਨਾਂ, ਮਲਟੀਯੂਜ਼ ਪਾਥਵੇਅ ਅਤੇ ਆਵਾਜਾਈ ਦੇ ਹੋਰ ਬੁਨਿਆਦੀ ਢਾਂਚੇ ਦਾ ਨਿਰਮਾਣ ਕਰਨ ਲਈ ਉਨ੍ਹਾਂ ਨੂੰ ਲੋੜੀਂਦੀ ਮਾਲੀ ਮਦਦ ਮਿਲ ਸਕੇ, ਤਾਂ ਕਿ ਲੋਕਾਂ ਨੂੰ ਇਧਰ ਉਧਰ ਆਉਣ-ਜਾਣ ਲਈ ਵਧੇਰੇ ਹਰਿਤ ਵਿਕਲਪ ਹਾਸਲ ਹੋ ਸਕਣ।

ਹੋਰ ਜਾਣੋ

ਬੀ ਸੀ ਵਿੱਚ ਪੁਰਾਣੀ ਗ੍ਰੋਥ ਦੀ ਸੁਰੱਖਿਆ

ਅਸੀਂ ਫ਼ਸਟ ਨੇਸ਼ਨਜ਼ ਨਾਲ ਭਾਈਵਾਲੀ ਅਧੀਨ ਕੰਮ ਕਰ ਰਹੇ ਹਾਂ ਤਾਂ ਕਿ ਬੀਸੀ ਦੇ ਸਭ ਤੋਂ ਵੱਧ ਖ਼ਤਰੇ ਅਧੀਨ ਆਉਂਦੇ, ਪੁਰਾਣੇ ਉੱਗੇ ਹੋਏ ਜੰਗਲਾਂ ਦੇ 2.6 ਮਿਲੀਅਨ ਹੈਕਟੇਅਰ ਰਕਬੇ ਦੇ ਅੰਦਰ ਖੜ੍ਹੀ ਪੁਰਾਣੀ ਪੈਦਾਵਾਰ ਦੇ ਪੁਰਾਤਨ, ਦੁਰਲੱਭ ਅਤੇ ਤਰਜੀਹੀ ਵੱਡੇ ਆਕਾਰ ਦੇ ਰੁੱਖਾਂ ਦੀ ਕਟਾਈ ਨੂੰ ਟਾਲਿਆ ਜਾ ਸਕੇ।

ਹੋਰ ਜਾਣੋ

ਜਲਵਾਯੂ ਪਰਿਵਰਤਨ ਦੇ ਪ੍ਰਭਾਵਾਂ ਨੂੰ ਘਟਾਉਣਾ

ਅਸੀਂ ਹਰ ਸਾਲ ਸੈਂਕੜੇ ਮਿਲੀਅਨ ਦਰੱਖ਼ਤ ਲਗਾ ਰਹੇ ਹਾਂ ਅਤੇ ਹੋਰ ਜ਼ਿਆਦਾ ਪਾਰਕ ਬਣਾ ਰਹੇ ਹਾਂ ਤਾਂ ਕਿ ਕੁਦਰਤ ਦੀ ਕਾਰਬਨ ਡਾਇਔਕਸਾਈਡ ਨੂੰ ਸੋਖਣ ਦੀ ਸਮਰੱਥਾ ਦੀ ਵਰਤੋਂ ਕੀਤੀ ਜਾ ਸਕੇ। 2018 ਤੋਂ ਲੈ ਕੇ, ਅਸੀਂ ਇੱਕ ਬਿਲੀਅਨ ਤੋਂ ਵੱਧ ਦਰੱਖ਼ਤ ਲਗਾ ਚੁੱਕੇ ਹਾਂ, ਜਿਸ ਵਿੱਚ ਇਕੱਲੇ ਇਸ ਵਰ੍ਹੇ ਦੌਰਾਨ ਲਗਾਏ ਗਏ 301 ਮਿਲੀਅਨ ਦਰੱਖ਼ਤ ਸ਼ਾਮਲ ਹਨ।

ਹੋਰ ਜਾਣੋ

ਜਲਵਾਯੂ ਅਨੁਸਾਰ ਢਲ ਸਕਣ ਵਾਲੇ ਭਵਿੱਖ ਲਈ ਯੋਜਨਾਬੰਦੀ

ਜਲਵਾਯੂ-ਸਬੰਧਤ ਆਫ਼ਤਾਂ ਤੋਂ ਲੋਕਾਂ ਨੂੰ ਬਚਾਉਣ ਲਈ ਅਸੀਂ ਬਿਹਤਰ ਢੰਗ ਨਾਲ ਮੁੜ-ਉਸਾਰੀ ਕਰ ਰਹੇ ਹਾਂ। ਅਸੀਂ ਮੁੜ ਉਸਾਰੀ ਕਰਨ, ਕਾਰਵਾਈ ਸਿਸਟਮਾਂ ਵਿੱਚ ਸੁਧਾਰ ਕਰਨ, ਅਤੇ ਭਾਈਚਾਰਿਆਂ ਦੀ ਆਪਾਤ ਸਥਿਤੀ ਲਈ ਤਿਆਰ ਰਹਿਣ ਲਈ ਨਵੀਆਂ ਯੋਜਨਾਵਾਂ ਬਣਾਉਣ ਵਿੱਚ ਮਦਦ ਕਰਨ ਲਈ ਨਿਵੇਸ਼ ਕਰ ਰਹੇ ਹਾਂ। ਅਸੀਂ ਖੋਜ ਅਤੇ ਹੁਨਰਮੰਦ ਮੁਹਾਰਤ ਦੀ ਵਰਤੋਂ ਕਰ ਰਹੇ ਹਾਂ ਤਾਂ ਕਿ ਇਹ ਬਿਹਤਰ ਢੰਗ ਨਾਲ ਸਮਝਿਆ ਜਾ ਸਕੇ ਕਿ ਕਿੱਥੇ ਅਤੇ ਕਿਵੇਂ ਅਸੀਂ ਜਲਵਾਯੂ ਨਾਲ ਸਬੰਧਤ ਖ਼ਤਰੇ ਨੂੰ ਘੱਟ ਕਰ ਸਕਦੇ ਹਾਂ।

ਹੋਰ ਜਾਣੋ

ਸਾਡੇ ਪਾਣੀਆਂ ਨੂੰ ਸ਼ੁੱਧ ਰੱਖਣਾ ਅਤੇ ਕੁਦਰਤੀ ਵਾਸ ਦੀ ਸੁਰੱਖਿਆ

ਅਸੀਂ ਸਾਇਮਨ ਦੇ ਕੁਦਰਤੀ ਵਾਸ ਨੂੰ ਸੁਰੱਖਿਅਤ ਰੱਖ ਰਹੇ ਹਾਂ ਅਤੇ ਆਪਣੇ ਤਾਜ਼ਾ ਪਾਣੀ ਦੇ ਸ੍ਰੋਤਾਂ ਨੂੰ ਬਚਾਉਣ ਦੇ ਨਾਲ ਨਾਲ ਸਾਡੇ ਖ਼ੂਬਸੂਰਤ ਸਮੁੰਦਰੀ ਕੰਢਿਆਂ ਅਤੇ ਸਮੁੰਦਰ ਤੋਂ ਪਲਾਸਟਿਕ ਦੇ ਮਲਬੇ ਨੂੰ ਸਾਫ਼ ਕਰਨ ਲਈ ਉਦਯੋਗਾਂ ਵਿਚਲੇ ਭਾਈਵਾਲਾਂ ਨਾਲ ਵੀ ਸਹਿਯੋਗ ਕਰ ਰਹੇ ਹਾਂ।

ਹੋਰ ਜਾਣੋ

ਜਲਵਾਯੂ-ਸਬੰਧੀ ਕਾਰਵਾਈ ਕਰਨ ਲਈ ਸਥਾਨਕ ਸਰਕਾਰਾਂ ਦੀ ਸਹਾਇਤਾ

ਅਸੀਂ ਸਥਾਨਕ ਸਰਕਾਰਾਂ ਨੂੰ ਜਲਵਾਯੂ ਸਬੰਧੀ ਕਾਰਵਾਈ ਦਾ ਪੱਧਰ ਵਧਾਉਣ ਲਈ ਮਾਲੀ ਮਦਦ ਦੇ ਕੇ ਬੀ ਸੀ ਦੇ ਭਾਈਚਾਰਿਆਂ ਦੀ ਜਲਵਾਯੂ ਪਰਿਵਰਤਨ ਵਿਰੁੱਧ ਸੰਘਰਸ਼ ਕਰਨ ਅਤੇ ਲੋਕਾਂ ਲਈ ਇੱਕ ਵਧੇਰੇ ਸ਼ੁੱਧ, ਵਧੇਰੇ ਮਜ਼ਬੂਤ ਆਰਥਕਤਾ ਦਾ ਨਿਰਮਾਣ ਕਰਨ ਵਿੱਚ ਮਦਦ ਕਰ ਸਕਦੇ ਹਾਂ।

ਹੋਰ ਜਾਣੋ

ਚਿਰ-ਸਥਾਈ ਸ੍ਰੋਤ ਵਿਕਾਸ

ਅਸੀਂ ਚਿਰ-ਸਥਾਈ ਸ੍ਰੋਤ ਵਿਕਾਸ ਨੂੰ ਮਜ਼ਬੂਤ ਕਰਨ ਦੇ ਨਾਲ-ਨਾਲ ਇੱਕ ਸੁਰੱਖਿਅਤ ਖਾਣ ਖੇਤਰ ਦਾ ਵਿਕਾਸ ਕਰ ਰਹੇ ਹਾਂ, ਜੰਗਲਾਤ ਖੇਤਰ ਵਿੱਚ ਕਾਮਿਆਂ ਅਤੇ ਕਾਰੋਬਾਰਾਂ ਦੀ ਮਦਦ ਕਰ ਰਹੇ ਹਾਂ, ਅਤੇ ਬ੍ਰਿਟਿਸ਼ ਕੋਲੰਬੀਆ ਨਿਵਾਸੀਆਂ ਲਈ ਨੌਕਰੀਆਂ ਪੈਦਾ ਕਰਨ ਲਈ ਕੰਮ ਕਰ ਰਹੇ ਹਾਂ।

ਹੋਰ ਜਾਣੋ

ਬੀ ਸੀ ਵਿੱਚ ਵਧੇਰੇ ਸ਼ੁੱਧ ਉਦਯੋਗ

ਬਿਲਕੁਲ ਇਸ ਸਮੇਂ, ਸਾਡੀਆਂ ਊਰਜਾ ਦੀਆਂ 20% ਦੇ ਕਰੀਬ ਲੋੜਾਂ ਬਿਜਲੀ ਤੋਂ ਪੂਰੀਆਂ ਹੁੰਦੀਆਂ ਹਨ। ਬੀ ਸੀ ਹਾਈਡਰੋ ਦੀ ਮਦਦ ਨਾਲ, ਅਸੀਂ ਆਪਣੀ ਆਰਥਕਤਾ ਦਾ ਬਿਜਲੀਕਰਣ ਕਰਨ ਅਤੇ ਇਸ ਪ੍ਰਤੀਸ਼ਤ ਨੂੰ ਹੋਰ ਵਧਾਉਣ ਲਈ ਯੋਜਨਾ ਬਣਾਈ ਹੈ।

ਸ਼ੁੱਧ ਉਦਯੋਗ ਅਤੇ ਨਵੀਨਤਾਕਾਰੀ ਲਈ ਮਾਲੀ ਮਦਦ ਨਾਲ, ਜਿਸ ਵਿੱਚ ਉਦਯੋਗ ਲਈ ਕਲੀਨ ਬੀ ਸੀ ਪ੍ਰੋਗਰਾਮ ਦਾ ਪੱਧਰ ਵਧਾਉਣਾ ਸ਼ਾਮਲ ਹੈ, ਨਾਲ ਸਾਨੂੰ ਆਪਣੇ ਅਲਪ-ਕਾਰਬਨ ਆਰਥਕ ਟੀਚਿਆਂ ਨੂੰ ਪੂਰਾ ਕਰਨ ਵਿੱਚ ਮਦਦ ਮਿਲੇਗੀ।

ਹੋਰ ਜਾਣੋ

ਆਫ਼ਤਾਂ ਦਾ ਖ਼ਤਰਾ ਘਟਾਉਣ ਲਈ ਭਾਈਚਾਰਿਆਂ ਦੀ ਸਹਾਇਤਾ

ਅਸੀਂ ਸਥਾਨਕ ਸਰਕਾਰਾਂ ਅਤੇ ਫ਼ਸਟ ਨੇਸ਼ਨਜ਼ ਨੂੰ ਆਫ਼ਤਾਂ ਲਈ ਯੋਜਨਾ ਬਣਾਉਣ ਅਤੇ ਉਨ੍ਹਾਂ ਦਾ ਖ਼ਤਰਾ ਘਟਾਉਣ ਲਈ ਮਦਦ ਦੇਣ ਵਾਸਤੇ ਮਾਲੀ ਮਦਦ ਮੁਹੱਈਆ ਕਰਵਾ ਰਹੇ ਹਾਂ ਜਿਸ ਵਿੱਚ ਫ਼ਾਇਰਸਮਾਰਟ ਪ੍ਰੋਗਰਾਮ, ਕਮਿਉਨਿਟੀ ਐਮਰਜੈਂਸੀ ਪ੍ਰੀਪੇਅਰਡਨੈੱਸ ਫੰਡ ਰਾਹੀਂ ਨਿਵੇਸ਼ ਕਰਨਾ ਅਤੇ ਮੂਲਵਾਸੀ ਅਗਵਾਈ ਅਧੀਨ ਆਪਾਤ ਪ੍ਰਬੰਧਨ ਦੀਆਂ ਤਰਜੀਹਾਂ ਲਈ ਮਦਦ ਦੇਣਾ ਸ਼ਾਮਲ ਹੈ।

ਹੋਰ ਜਾਣੋ

ਅਲਪ-ਕਾਰਬਨ ਸਮੱਗਰੀ ਨਾਲ ਵਧੇਰੇ ਨਿਰਮਾਣ

ਅਸੀਂ ਆਪਣੇ ਜਲਵਾਯੂ-ਸਬੰਧਤ ਟੀਚਿਆਂ ਨੂੰ ਪੂਰਾ ਕਰਨ ਦੇ ਨਾਲ-ਨਾਲ ਮਾਸ ਟਿੰਬਰ ਦੀ ਵਰਤੋਂ ਵਿੱਚ ਵਾਧਾ ਕਰ ਰਹੇ ਹਾਂ ਤਾਂ ਕਿ ਨਵੀਆਂ ਨੌਕਰੀਆਂ ਪੈਦਾ ਕਰਨ ਅਤੇ ਵੈਲਿਊ-ਐਡਿਡ ਉਤਪਾਦਨ, ਹਰਿਤ ਨਿਰਮਾਣ ਅਤੇ ਜੰਗਲਾਤ ਖੇਤਰ ਵਿੱਚ ਵਿਵਿਧਤਾ ਲਿਆਉਣ ਲਈ ਚਿਰਕਾਲੀ ਨਿਵੇਸ਼ ਕਰਨ ਵਿੱਚ ਮਦਦ ਮਿਲ ਸਕੇ।

ਹੋਰ ਜਾਣੋ