ਨੌਕਰੀਆਂ ਅਤੇ ਆਰਥਿਕਤਾ

ਬੀ.ਸੀ. ਕੋਲ ਉਹ ਵਾਤਾਵਰਨ ਪੱਖੋਂ ਸਾਫ਼ ਊਰਜਾ ਹੈ ਜੋ ਕਾਰੋਬਾਰਾਂ ਨੂੰ ਵਧਣ ਅਤੇ ਪ੍ਰਫੁੱਲਤ ਹੋਣ ਲਈ ਚਾਹੀਦੀ ਹੈ, ਅਤੇ ਉਹ ਕੁਦਰਤੀ ਸਰੋਤ ਹਨ ਜੋ ਦੁਨੀਆ ਨੂੰ ਲੋੜੀਂਦੇ ਹਨ। ਅਸੀਂ ਸਭ ਲਈ ਇੱਕ ਰੌਸ਼ਨ ਭਵਿੱਖ ਬਣਾਉਣ ਦੇ ਮੌਕੇ ਹਾਸਲ ਕਰ ਰਹੇ ਹਾਂ।

ਅਸੀਂ ਬੀ.ਸੀ. ਵਿਚ ਨਿਵੇਸ਼ ਕਰਨ ਅਤੇ ਮੁੱਖ ਪ੍ਰੋਜੈਕਟ ਬਣਾਉਣ ਨੂੰ ਹੋਰ ਅਸਾਨ ਬਣਾ ਰਹੇ ਹਾਂ। ਅਸੀਂ ਪ੍ਰੋਜੈਕਟ ਮੁਹੱਈਆ ਕਰਨ ਅਤੇ ਮਨਜ਼ੂਰੀ ਪ੍ਰਕਿਰਿਆਵਾਂ ਨੂੰ ਤੇਜ਼ ਕਰ ਰਹੇ ਹਾਂ, ਮਹੱਤਵਪੂਰਨ ਪ੍ਰੋਜੈਕਟਾਂ ਨੂੰ ਤੁਰੰਤ ਅੱਗੇ ਵਧਾ ਰਹੇ ਹਾਂ, ਅਤੇ ਉਹ ਜ਼ਰੂਰੀ ਬੁਨਿਆਦੀ ਢਾਂਚਾ ਤਿਆਰ ਕਰ ਰਹੇ ਹਾਂ ਜੋ ਸਾਡੇ ਭਾਈਚਾਰਿਆਂ ਨੂੰ ਪ੍ਰਫੁੱਲਤ ਹੋਣ ਲਈ ਚਾਹੀਦਾ ਹੈ।

ਇਹ ਸਾਡੀ ਆਰਥਿਕਤਾ ਨੂੰ ਮਜ਼ਬੂਤ ਬਣਾਉਣ, ਲੋਕਾਂ ਲਈ ਵਧੀਆ ਨੌਕਰੀਆਂ ਪੈਦਾ ਕਰਨ, ਅਤੇ ਸਾਡੇ ਭਾਈਚਾਰਿਆਂ ਨੂੰ ਪ੍ਰਫੁੱਲਤ ਕਰਨ ਵਿੱਚ ਮਦਦ ਕਰਨ ਦਾ ਹਿੱਸਾ ਹੈ।

ਬੀ.ਸੀ. ਦੇ ਬੰਦਰਗਾਹ ਕੈਨੇਡਾ ਨੂੰ ਦੁਨੀਆ ਦੀ ਦੋ-ਤਿਹਾਈ ਅਬਾਦੀ ਨਾਲ ਜੋੜਦੇ ਹਨ। ਅਤੇ ਸਾਡੇ ਕੋਲ ਉਹ ਸਰੋਤ ਅਤੇ ਉਤਪਾਦ ਹਨ ਜੋ ਦੁਨੀਆ ਨੂੰ ਚਾਹੀਦੇ ਹਨ।

ਅਸੀਂ ਇਨ੍ਹਾਂ ਵਿਸ਼ੇਸ਼ਤਾਵਾਂ ਨੂੰ ਵਰਤਦੇ ਹੋਏ ਕੈਨੇਡਾ ਅਤੇ ਦੁਨੀਆ ਭਰ ਦੇ ਭਾਗੀਦਾਰਾਂ ਨਾਲ ਵਪਾਰ ਵਧਾ ਰਹੇ ਹਾਂ। ਇਹ ਅਣਉਚਿਤ ਅਮਰੀਕੀ ਟੈਰਿਫ਼ਾਂ ਦੇ ਸਾਹਮਣੇ ਬੀ.ਸੀ. ਦੀਆਂ ਨੌਕਰੀਆਂ ਅਤੇ ਕਾਰੋਬਾਰਾਂ ਦੀ ਸੁਰੱਖਿਆ ਕਰਨ ਵਿੱਚ ਮਦਦ ਕਰਦਾ ਹੈ।

ਨਵੀਆਂ ਮਾਰਕਿਟਾਂ ਖੋਲ੍ਹ ਕੇ, ਵਪਾਰਕ ਰੁਕਾਵਟਾਂ ਹਟਾ ਕੇ, ਅਤੇ ਵਧੇਰੇ ਮਜ਼ਬੂਤ ਵਪਾਰਕ ਸਾਂਝੇਦਾਰੀਆਂ ਬਣਾਕੇ, ਅਸੀਂ ਹੋਰ ਮਜ਼ਬੂਤ ਬੀ.ਸੀ., ਹੋਰ ਮਜ਼ਬੂਤ ਕੈਨੇਡਾ, ਅਤੇ ਹਰ ਕਿਸੇ ਲਈ ਬਿਹਤਰ ਢੰਗ ਨਾਲ ਕੰਮ ਕਰਨ ਵਾਲੀ ਆਰਥਿਕਤਾ ਤਿਆਰ ਕਰ ਰਹੇ ਹਾਂ।

ਬੀ.ਸੀ. ਵਿੱਚ ਇੱਕ ਮਜ਼ਬੂਤ, ਵਿਭਿੰਨ ਅਤੇ ਉੱਚ-ਕੁਸ਼ਲਤਾ ਵਾਲਾ ਕਾਰਜਬਲ ਉਪਲਬਧ ਹੈ। ਸਾਡੇ ਲੋਕ ਨਵੀਨਤਾ ਲਿਆਉਣ ਵਾਲੇ ਅਤੇ ਉੱਦਮਕਰਤਾ ਹਨ, ਜੋ ਸਾਡੀ ਆਰਥਿਕਤਾ ਨੂੰ ਅੱਗੇ ਵਧਾਉਣ ਅਤੇ ਵਿਚਾਰਾਂ ਨੂੰ ਸਫਲਤਾ ਵਿੱਚ ਬਦਲਣ ਵਿੱਚ ਮਦਦ ਕਰਦੇ ਹਨ।

ਅਸੀਂ ਇਹ ਯਕੀਨੀ ਬਣਾ ਰਹੇ ਹਾਂ ਕਿ ਹਰ ਕਿਸੇ ਨੂੰ ਨਵੇਂ ਹੁਨਰ ਹਾਸਲ ਕਰਨ, ਵਧੀਆ ਨੌਕਰੀਆਂ ਲੱਭਣ, ਅਤੇ ਨਵੇਂ ਮੌਕਿਆਂ ਦਾ ਲਾਭ ਉਠਾਉਣ ਦਾ ਮੌਕਾ ਮਿਲੇ – ਤਾਂ ਜੋ ਲੋਕ ਆਪਣੇ ਲਈ ਇੱਕ ਚੰਗੀ ਜ਼ਿੰਦਗੀ ਸਿਰਜ ਸਕਣ ਅਤੇ ਖੁਸ਼ਹਾਲ ਰਹਿ ਸਕਣ, ਅਤੇ ਕਾਰੋਬਾਰ ਉਹ ਪ੍ਰਤਿਭਾਸ਼ਾਲੀ ਲੋਕ ਕੰਮ ‘ਤੇ ਰੱਖ ਸਕਣ, ਜਿਨ੍ਹਾਂ ਦੀ ਉਨ੍ਹਾਂ ਨੂੰ ਵਿਕਾਸ ਲਈ ਲੋੜ ਹੈ।

ਫਰਸਟ ਨੇਸ਼ਨਜ਼ ਨਾਲ ਭਾਈਵਾਲੀ ਵਿੱਚ, ਅਸੀਂ ਸਭ ਲਈ ਇੱਕ ਵਧੀਆ ਭਵਿੱਖ ਬਣਾਉਣ ਲਈ ਕੰਮ ਕਰ ਰਹੇ ਹਾਂ – ਆਰਥਿਕਤਾ ਦੇ ਮੌਕੇ ਹਾਸਲ ਕਰਕੇ, ਬੀ.ਸੀ. ਦੀ ਧਰਤੀ ਅਤੇ ਪਾਣੀ ਦੀ ਸੁਰੱਖਿਆ ਕਰਕੇ, ਨਿਵੇਸ਼ ਆਕਰਸ਼ਿਤ ਕਰਕੇ, ਅਤੇ ਸੂਬੇ ਭਰ ਦੇ ਭਾਈਚਾਰਿਆਂ ਵਿੱਚ ਨੌਕਰੀਆਂ, ਸਥਿਰਤਾ ਅਤੇ ਵਿਕਾਸ ਪੈਦਾ ਕਰਕੇ।

ਸਥਾਨਕ ਪੱਧਰ ‘ਤੇ ਖਾਣ-ਪੀਣ, ਖ਼ਰੀਦਦਾਰੀ ਕਰਨ ਅਤੇ ਮਨੋਰੰਜਨ ਲਈ, ਇਹ ਸਭ ਤੋਂ ਵਧੀਆ ਸਮਾਂ ਹੈ। ਬੀ.ਸੀ. ਦੀਆਂ ਉਨ੍ਹਾਂ ਚੀਜ਼ਾਂ ਦਾ ਆਨੰਦ ਲਓ ਜੋ ਸਾਨੂੰ ਸਭ ਨੂੰ ਪਸੰਦ ਹਨ, ਅਤੇ ਇਸ ਜ਼ਰੀਏ ਸਾਡੇ ਛੋਟੇ ਪੈਮਾਨੇ ਦੇ ਕਾਰੋਬਾਰਾਂ, ਕਿਸਾਨਾਂ ਅਤੇ ਉਤਪਾਦਕਾਂ ਨੂੰ ਆਪਣਾ ਸਹਿਯੋਗ ਦਿਓ। ਇਕੱਠੇ ਮਿਲ ਕੇ, ਅਸੀਂ ਬੀ.ਸੀ. ਦੀ ਆਰਥਿਕਤਾ ਨੂੰ ਹੋਰ ਮਜ਼ਬੂਤ ਬਣਾ ਸਕਦੇ ਹਾਂ।

ਬ੍ਰਿਟਿਸ਼ ਕੋਲੰਬੀਆ ਦਾ ਕਾਰੋਬਾਰੀ ਮਾਹੌਲ, ਨੌਰਥ ਅਮਰੀਕਾ ਵਿੱਚ ਸਭ ਤੋਂ ਮੁਕਾਬਲੇਬਾਜ਼ ਮਾਹੌਲਾਂ ਵਿੱਚੋਂ ਇੱਕ ਹੈ – ਅਤੇ ਅਸੀਂ ਇਸਨੂੰ ਹਰ ਰੋਜ਼ ਹੋਰ ਵੀ ਅਸਾਨ ਬਣਾ ਰਹੇ ਹਾਂ। ਅਸੀਂ ਦਫ਼ਤਰੀ ਢਿੱਲ ਕਾਰਨ ਹੋਣ ਵਾਲੀਆਂ ਰੁਕਾਵਟਾਂ ਘਟਾ ਰਹੇ ਹਾਂ, ਮਨਜ਼ੂਰੀ ਦੀਆਂ ਪ੍ਰਕਿਰਿਆਵਾਂ ਨੂੰ ਤੇਜ਼ ਕਰ ਰਹੇ ਹਾਂ, ਅਤੇ ਕਾਰੋਬਾਰਾਂ ਦੀ ਵਧਣ ਅਤੇ ਸਫਲ ਹੋਣ ਵਿੱਚ ਮਦਦ ਕਰ ਰਹੇ ਹਾਂ।

ਵਧੀਆ ਸਰਕਾਰੀ ਸੇਵਾਵਾਂ ਉਸ ਆਰਥਿਕਤਾ ਦੀ ਨੀਂਹ ਰੱਖਣ ਵਿੱਚ ਮਦਦ ਕਰਦੀਆਂ ਹਨ ਜੋ ਹਰ ਕਿਸੇ ਲਈ ਕੰਮ ਕਰਦੀ ਹੈ।