ਲੋਕਾਂ ਲਈ ਵਧੇਰੇ ਤੇਜ਼ੀ ਨਾਲ ਘਰ ਉਪਲਬਧ ਕਰਾਉਣਾ
ਅਸੀਂ ਲੋਕਾਂ ਲਈ ਵਧੇਰੇ ਘਰ ਬਣਾਉਣ ਅਤੇ ਘਰਾਂ ਦੀ ਅਦਾਇਗੀ ਹੋਰ ਤੇਜ਼ੀ ਨਾਲ ਕਰਨ ਲਈ ਕਾਰਵਾਈ ਕਰ ਰਹੇ ਹਾਂ।
ਅਸੀਂ ਵੱਡੀਆਂ ਚੁਣੌਤੀਆਂ ਨਾਲ ਸਿੱਧੇ ਤੌਰ ‘ਤੇ ਨਿਪਟ ਰਹੇ ਹਾਂ, ਪੁਰਾਣੇ ਜ਼ੋਨਿੰਗ ਨਿਯਮਾਂ ਵਿੱਚ ਸੁਧਾਰ ਕਰ ਰਹੇ ਹਾਂ, ਸੁੱਖ-ਸੁਵਿਧਾਵਾਂ ਦੀਆਂ ਥਾਵਾਂ ਅਤੇ ਟ੍ਰਾਂਜ਼ਿਟ ਦੇ ਨੇੜੇ ਹੋਰ ਘਰ ਬਣਾ ਰਹੇ ਹਾਂ, ਅਤੇ ਮਨਜ਼ੂਰੀ ਦੀਆਂ ਪ੍ਰਕਿਰਿਆਵਾਂ ਨੂੰ ਤੇਜ਼ ਕਰ ਰਹੇ ਹਾਂ। ਅਸੀਂ ਸੱਟੇਬਾਜ਼ੀ ਕਰਨ ਵਾਲਿਆਂ ਨੂੰ ਰੋਕਣ, ਖਾਲੀ ਪਏ ਘਰਾਂ ਦੀ ਗਿਣਤੀ ਨੂੰ ਘਟਾਉਣ, ਅਤੇ ਲੋਕਾਂ ਲਈ ਵਧੇਰੇ ‘ਲੌਂਗ-ਟਰਮ ਹੋਮ’ (ਲੰਬੇ ਸਮੇਂ ਲਈ ਰਹਿਣ ਵਾਲੇ ਘਰ) ਉਪਲਬਧ ਕਰਵਾਉਣ ਲਈ ਸ਼ੌਰਟ-ਟਰਮ ਰੈਂਟਲ (ਥੋੜ੍ਹੇ-ਸਮੇਂ ਲਈ ਕਿਰਾਏ ‘ਤੇ ਦਿੱਤੇ ਜਾਣ ਵਾਲੇ ਘਰ) ਦੀ ਮਾਰਕਿਟ ‘ਤੇ ਰੋਕ ਲਗਾਉਣ ਲਈ ਵੀ ਕਾਰਵਾਈਆਂ ਕਰ ਰਹੇ ਹਾਂ।
ਬੀ.ਸੀ. ਵਿੱਚ ਹਰ ਕਮਿਊਨਿਟੀ ਵਿੱਚ, ਲੋਕਾਂ ਲਈ ਵਧੇਰੇ ਘਰ ਉਪਲਬਧ ਕਰਵਾਉਣੇ, ਅਤੇ ਹਰੇਕ ਲਈ ਹੋਰ ਉੱਜਲ ਭਵਿੱਖ ਬਣਾਉਣ ਲਈ ਇਹ ਸਾਰਾ ਕੁਝ ਹੋਮਜ਼ ਫ਼ੌਰ ਪੀਪਲ ਐਕਸ਼ਨ ਪਲੈਨ (PDF, 5.8 MB) ਦਾ ਹਿੱਸਾ ਹੈ।
ਹੁਣ ਹਾਊਸਿੰਗ ਸੇਵਾਵਾਂ ਨਾਲ ਜੁੜੋ
ਆਪਣੇ ਘਰ ਜਾਂ ਪ੍ਰੌਪਰਟੀ ਵਿੱਚ ਵਧੇਰੇ ਯੂਨਿਟ ਸ਼ਾਮਲ ਕਰੋ
ਨਵੇਂ ਨਿਯਮ ਤੁਹਾਡੇ ਘਰ ਵਿੱਚ ਦੂਜੀ, ਤੀਜੀ ਜਾਂ ਚੌਥੀ ਯੂਨਿਟ ਜੋੜਨਾ ਵਧੇਰੇ ਆਸਾਨ, ਤੇਜ਼ ਅਤੇ ਵਧੇਰੇ ਕਿਫ਼ਾਇਤੀ ਬਣਾ ਰਹੇ ਹਨ। ਵੱਡੇ ਅਤੇ ਛੋਟੇ ਹੋਮ ਬਿਲਡਰਾਂ ਨੂੰ ਵਧੇਰੇ ਡੁਪਲੈਕਸ, ਟ੍ਰਿਪਲੈਕਸ ਅਤੇ ਰੋ ਹੋਮਜ਼ ਵਿਕਸਤ ਕਰਨ ਵਿੱਚ ਮਦਦ ਕਰਨ ਲਈ ਮਿਆਰੀ ਡਿਜ਼ਾਈਨ ਵੀ ਵਿਕਸਤ ਕੀਤੇ ਜਾ ਰਹੇ ਹਨ।
ਸੈਕੰਡਰੀ ਸੂਈਟ ਇਨਸੈਂਟਿਵ ਪ੍ਰੋਗਰਾਮ
ਕੀ ਤੁਹਾਡੇ ਕੋਲ ਕੋਈ ਅਧੂਰੀ ਬੇਸਮੈਂਟ ਹੈ ਜਾਂ ਤੁਹਾਡੀ ਪ੍ਰੌਪਰਟੀ ਦਾ ਕੁਝ ਹਿੱਸਾ ਹੈ ਜਿਸ ਨੂੰ ਸੈਕੰਡਰੀ ਸੂਈਟ ਵਿੱਚ ਬਦਲਿਆ ਜਾ ਸਕਦਾ ਹੈ? ਸੈਕੰਡਰੀ ਸੂਈਟ ਇਨਸੈਂਟਿਵ ਪ੍ਰੋਗਰਾਮ (Secondary Suite Incentive Program) ਯੋਗ ਮਕਾਨ ਮਾਲਕਾਂ ਨੂੰ ਉਨ੍ਹਾਂ ਦੀ ਪ੍ਰੌਪਰਟੀ ‘ਤੇ ਇੱਕ ਨਵਾਂ ਸੈਕੰਡਰੀ ਸੂਈਟ ਬਣਾਉਣ ਦੀਆਂ ਲਾਗਤਾਂ ਲਈ ਪੈਸੇ ਪ੍ਰਦਾਨ ਕਰੇਗਾ।
ਕਿਰਾਏਦਾਰਾਂ ਲਈ $400 ਕ੍ਰੈਡਿਟ
ਜੇ ਤੁਸੀਂ ਇਸ ਸਮੇਂ ਬੀ.ਸੀ. ਵਿੱਚ ਕਿਰਾਏ ‘ਤੇ ਰਹਿ ਰਹੇ ਹੋ, ਤਾਂ ਤੁਸੀਂ ਨਵੇਂ ਬੀ ਸੀ ਰੈਂਟਰਜ਼’ ਟੈਕਸ ਕ੍ਰੈਡਿਟ ਰਾਹੀਂ $400 ਤੱਕ ਪ੍ਰਾਪਤ ਕਰਨ ਦੇ ਯੋਗ ਹੋ ਸਕਦੇ ਹੋ।
ਤੁਹਾਡੇ ਸਾਲਾਨਾ ਇੰਕਮ ਟੈਕਸ ਅਤੇ ਬੈਨੀਫਿਟ ਫਾਰਮ (T1) ਨੂੰ ਭਰਨ ਤੋਂ ਇਲਾਵਾ ਕਿਸੇ ਕਾਰਵਾਈ ਦੀ ਲੋੜ ਨਹੀਂ ਹੈ।
ਪਤਾ ਕਰੋ ਕਿ ਕੀ ਤੁਸੀਂ ਇਸ ਕ੍ਰੈਡਿਟ ਲਈ ਯੋਗ ਹੋ।
ਰੈਜ਼ੀਡੈਂਸ਼ੀਅਲ ਟੈਂਨੈਂਸੀ ਬ੍ਰਾਂਚ
ਬੀ.ਸੀ. ਰੈਜ਼ੀਡੈਂਸ਼ੀਅਲ ਟੈਂਨੈਂਸੀ ਬ੍ਰਾਂਚ ਵਿਖੇ ਕਿਰਾਏਦਾਰਾਂ ਅਤੇ ਮਕਾਨ ਮਾਲਕਾਂ ਲਈ ਸੇਵਾਵਾਂ ਅਤੇ ਉਡੀਕ ਦੇ ਸਮੇਂ ਵਿੱਚ ਸੁਧਾਰ ਕਰ ਰਿਹਾ ਹੈ।
ਕੀ ਤੁਹਾਨੂੰ ਗਲਤ ਤਰੀਕੇ ਨਾਲ ਬਾਹਰ ਕੱਢਿਆ ਜਾ ਰਿਹਾ ਹੈ? ਕੀ ਕਿਰਾਏਦਾਰ ਕਿਰਾਏ ਦਾ ਭੁਗਤਾਨ ਨਹੀਂ ਕਰ ਰਿਹਾ ਹੈ? ਕਿਸੇ ਵਿਵਾਦ ਨੂੰ ਜਲਦੀ ਹੱਲ ਕਰਵਾਓ ਜਾਂ ਜਾਂਚ ਲਈ ਸ਼ਿਕਾਇਤ ਦਰਜ ਕਰੋ।
ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ
ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ ਉਹਨਾਂ ਲੋਕਾਂ ਲਈ ਉਪਲਬਧ ਹਨ ਜੋ ਕਿਰਾਏ ਦਾ ਭੁਗਤਾਨ ਕਰਨ ਲਈ ਮਦਦ ਹਾਸਲ ਕਰਨ ਲਈ ਯੋਗ ਹਨ।
ਥੋੜ੍ਹੇ-ਸਮੇਂ ਦੀਆਂ ਵਿੱਤੀ ਚੁਣੌਤੀਆਂ ਲਈ ਰੈਂਟ ਬੈਂਕ ਸਹਾਇਤਾ
ਥੋੜ੍ਹੇ ਸਮੇਂ ਲਈ ਅਤੇ ਅਚਾਨਕ ਆਉਣ ਵਾਲੇ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਉਹਨਾਂ ਲੋਕਾਂ ਲਈ, ਜੋ ਕਿਰਾਏ ਜਾਂ ਜ਼ਰੂਰੀ ਰਿਹਾਇਸ਼ੀ ਖਰਚਿਆਂ (ਜਿਵੇਂ ਕਿ ਹੀਟ ਅਤੇ ਬਿਜਲੀ) ਦਾ ਭੁਗਤਾਨ ਕਰਨ ਵਿੱਚ ਅਸਮਰੱਥ ਹਨ, ਰੈਂਟ ਬੈਂਕ ਸੂਬੇ ਭਰ ਵਿੱਚ ਉਪਲਬਧ ਹਨ।
ਵਧੇਰੇ ਤੇਜ਼ੀ ਨਾਲ ਹੋਰ ਘਰ ਬਣਾਉਣੇ ਅਤੇ ਘਰਾਂ ਦੀ ਅਦਾਇਗੀ ਕਰਨੀ
ਅਸੀਂ ਹਾਊਸਿੰਗ ਸੰਕਟ ਨਾਲ ਸਿੱਧੇ ਤੌਰ ‘ਤੇ ਨਿਪਟ ਰਹੇ ਹਾਂ, ਅਤੇ ਲੋਕਾਂ ਦੀ ਪਹੁੰਚ ਮੁਤਾਬਕ ਵਧੇਰੇ ਘਰ ਬਣਾਉਣ ਲਈ ਕਾਰਵਾਈ ਕਰ ਰਹੇ ਹਾਂ। ਅਸੀਂ ਪੁਰਾਣੇ ਜ਼ੋਨਿੰਗ ਨਿਯਮਾਂ ਵਿੱਚ ਸੁਧਾਰ ਕਰਕੇ, ਟ੍ਰਾਂਜ਼ਿਟ ਹੱਬ (ਮੁੱਖ ਟ੍ਰਾਂਜ਼ਿਟ ਸਟੇਸ਼ਨ) ਦੇ ਨੇੜੇ ਵਧੇਰੇ ਘਰ ਬਣਾ ਕੇ ਅਤੇ ਛੋਟੇ ਪੈਮਾਨੇ ਦੇ ‘ਮਲਟੀ-ਯੂਨਿਟ’ ਵਾਲੇ ਹੋਰ ਘਰ ਬਣਾ ਕੇ ਘਰਾਂ ਦੀ ਉਸਾਰੀ ਅਤੇ ਅਦਾਇਗੀ ਵਿੱਚ ਤੇਜ਼ੀ ਲਿਆ ਰਹੇ ਹਾਂ, ਜਿਸ ਨਾਲ ਲੋਕਾਂ ਨੂੰ ਅਤੇ ਵਧ ਰਹੇ ਪਰਿਵਾਰਾਂ ਨੂੰ ਸੁਵਿਧਾ ਮਿਲੇਗੀ।
ਮੱਧ-ਆਮਦਨੀ ਕਮਾਉਣ ਵਾਲੇ ਲੋਕਾਂ ਲਈ ਵਧੇਰੇ ਘਰ ਬਣਾਉਣਾ
ਬਹੁਤ ਸਾਰੇ ਘਰ, ਲੋਕਾਂ ਦੀ ਸਮਰੱਥਾ ਦੇ ਦਾਇਰੇ ਤੋਂ ਬਾਹਰ ਹਨ, ਇੱਥੋਂ ਤੱਕ ਕਿ ਉਨ੍ਹਾਂ ਮੱਧ-ਆਮਦਨੀ ਵਾਲੇ ਪਰਿਵਾਰਾਂ ਲਈ ਵੀ, ਜੋ ਚੰਗੀ ਆਮਦਨੀ ਕਮਾ ਰਹੇ ਹਨ। ਇਹੀ ਕਾਰਨ ਹੈ ਕਿ ਅਸੀਂ ਸਰਕਾਰ, ਭਾਈਚਾਰੇ ਅਤੇ ਗੈਰ-ਮੁਨਾਫਾ ਜ਼ਮੀਨਾਂ ਅਤੇ ਘੱਟ ਲਾਗਤ ਵਾਲੀ ਫਾਇਨੈਂਸਿੰਗ ਦਾ ਲਾਭ ਉਠਾ ਰਹੇ ਹਾਂ ਤਾਂ ਜੋ ਅਜਿਹੇ ਵਧੇਰੇ ਘਰ ਬਣਾਏ ਜਾ ਸਕਣ ਜੋ ਲੋਕਾਂ ਦੇ ਬੱਜਟ ਲਈ ਬਿਹਤਰ ਕੰਮ ਕਰਦੇ ਹਨ। ‘ਬੀ ਸੀ ਬਿਲਡਜ਼’ (BC Builds) ਦਾ ਮਤਲਬ ਹੈ ਕਿ ਉਸਾਰੀ ਦੀ ਲਾਗਤ ਘੱਟ ਹੋਵੇਗੀ, ਸਮਾਂ-ਸੀਮਾਵਾਂ ਹੋਰ ਤੇਜ਼ ਹੋਣਗੀਆਂ, ਅਤੇ ਲੋਕਾਂ ਲਈ ਆਪਣੇ ਪਸੰਦੀਦਾ ਭਾਈਚਾਰਿਆਂ ਵਿੱਚ ਆਪਣੀ ਸਮਰੱਥਾ ਦੇ ਦਾਇਰੇ ਵਿੱਚ ਖਰੀਦਣ ਲਈ, ਵਧੇਰੇ ਘਰ ਹੋਣਗੇ।
ਬਿਲਡਿੰਗ ਪਰਮਿਟ ਦੀ ਪ੍ਰਕਿਰਿਆ ਨੂੰ ਸਰਲ ਬਣਾਉਣਾ
ਬੀ.ਸੀ. ਵਿੱਚ ਲੋਕਾਂ ਲਈ ਘਰ ਬਣਾਉਣਾ ਹੁਣ ਹੋਰ ਤੇਜ਼ ਹੋ ਸਕੇਗਾ। ਪਰਮਿਟ ਲੈਣ ਦੀ ਔਨਲਾਈਨ ਪ੍ਰਕਿਰਿਆ ਨਾਲ ਬੀ.ਸੀ. ਦੇ ਭਾਈਚਾਰੇ ਹੋਰ ਤੇਜ਼ੀ ਅਤੇ ਆਸਾਨੀ ਨਾਲ ਪਰਮਿਟਾਂ ਦੀ ਸਮੀਖਿਆ ਅਤੇ ਮਨਜ਼ੂਰੀ ਕਰਵਾ ਸਕਣਗੇ। ਇਸਦਾ ਮਤਲਬ ਹੈ ਕਿ ਹਾਊਸਿੰਗ ਪ੍ਰੋਜੈਕਟ ਹੋਰ ਜਲਦੀ ਸ਼ੁਰੂ ਹੋ ਸਕਣਗੇ ਤਾਂ ਜੋ ਲੋਕ ਆਪਣੇ ਪਸੰਦੀਦਾ ਭਾਈਚਾਰਿਆਂ ਵਿੱਚ ਰਹਿ ਸਕਣ।
ਲੋਕਾਂ ਲਈ ਪਹੁੰਚਯੋਗ, ਹਜ਼ਾਰਾਂ ‘ਸਬਸਿਡਾਈਜ਼ਡ’ ਘਰ ਬਣਾਉਣੇ
ਅਸੀਂ ਪਿਛਲੇ ਕੁਝ ਸਾਲਾਂ ਵਿੱਚ, ਬੀ.ਸੀ. ਦੇ ਲੋਕਾਂ ਲਈ ਰਿਹਾਇਸ਼ਾਂ ਉਪਲਬਧ ਕਰਵਾਉਣ ਦੇ ਮਾਮਲੇ ਵਿੱਚ ਅਸਲ ਤਰੱਕੀ ਕੀਤੀ ਹੈ, ਪਰ ਵਿਸ਼ਵ ਭਰ ਵਿੱਚ ਮਹਾਂਮਾਰੀ, ਮਹਿੰਗਾਈ ਅਤੇ ਘਰਾਂ ਦੀਆਂ ਵਧਦੀਆਂ ਕੀਮਤਾਂ ਦੇ ਨਾਲ ਨਵੀਆਂ ਗੁੰਝਲਾਂ ਪੈਦਾ ਹੋਈਆਂ ਹਨ।
ਇਸ ਲਈ ਅਸੀਂ ਸਖ਼ਤ ਕਾਰਵਾਈ ਕਰ ਰਹੇ ਹਾਂ ਅਤੇ ਘੱਟ ਆਮਦਨ ਵਾਲੇ ਪਰਿਵਾਰਾਂ, ਇਕੱਲੇ ਰਹਿ ਰਹੇ ਬਜ਼ੁਰਗਾਂ ਅਤੇ ਵਿਅਕਤੀਆਂ ਲਈ ਹਜ਼ਾਰਾਂ ਕਿਫ਼ਾਇਤੀ ਕਿਰਾਏ ਦੇ ਘਰ ਬਣਾਉਣ ਦੀਆਂ ਆਪਣੀਆਂ ਕੋਸ਼ਿਸ਼ਾਂ ਨੂੰ ਦੁੱਗਣਾ ਵਧਾ ਰਹੇ ਹਾਂ।
ਕਮਿਊਨਿਟੀਆਂ ਵਿੱਚ ਵਧੇਰੇ ਸੈਕੰਡਰੀ ਸੂਈਟ, ਟਾਊਨ-ਹਾਊਸ, ਡੁਪਲੈਕਸ ਅਤੇ ਟ੍ਰਿਪਲੈਕਸ ਉਪਲਬਧ ਕਰਵਾਉਣੇ
ਬੀ.ਸੀ. ਵਿੱਚ ਲੋਕਾਂ ਨੂੰ ਰਿਹਾਇਸ਼ਾਂ ਦੇ ਹੋਰ ਵਿਕਲਪਾਂ ਦੀ ਲੋੜ ਹੈ, ਪਰ ਜ਼ੋਨਿੰਗ ਦੇ ਪੁਰਾਣੇ ਕਨੂੰਨਾਂ ਅਨੁਸਾਰ ਬਹੁਤ ਸਾਰੀਆਂ ਕਮਿਊਨਿਟੀਆਂ ਵਿੱਚ ਹਾਊਸਿੰਗ ਕੇਵਲ ਕੌਂਡੋ ਟਾਵਰਾਂ ਅਤੇ ਸਿਰਫ਼ ਇੱਕ ਪਰਿਵਾਰ ਦੇ ਰਹਿਣ ਲਈ ਬਣੇ ਘਰਾਂ ਤੱਕ ਹੀ ਸੀਮਤ ਹੈ।
ਇਸ ਕਿਸਮ ਦੇ ਘਰ ਹਰ ਕਿਸੇ ਲਈ ਸੁਵਿਧਾਜਨਕ ਨਹੀਂ ਹੁੰਦੇ। ਲੋਕ ਜ਼ਿਆਦਾ ਤਰ੍ਹਾਂ ਦੇ ਰਿਹਾਇਸ਼ੀ ਵਿਕਲਪ ਚਾਹੁੰਦੇ ਹਨ। ਇਸ ਲਈ ਅਸੀਂ ਵਧੇਰੇ ਸੈਕੰਡਰੀ ਸੂਈਟ, ਡੁਪਲੈਕਸ, ਰੋਅ-ਹੋਮਜ਼ (ਨਾਲ-ਨਾਲ ਬਣੇ ਘਰ ਜਿਨ੍ਹਾਂ ਦੀਆਂ ਕੰਧਾਂ ਸਾਂਝੀਆਂ ਹੁੰਦੀਆਂ ਹਨ) ਅਤੇ ਟਾਊਨ-ਹਾਊਸ ਬਣਾਉਣੇ ਸੌਖੇ ਕਰਨ ਲਈ ਕਾਰਵਾਈ ਕਰ ਰਹੇ ਹਾਂ ।
ਇਸਦਾ ਮਤਲਬ ਹੈ ਮੌਜੂਦਾ ਮੁਹੱਲਿਆਂ ਵਿੱਚ ਵਧੇਰੇ ਘਰ ਅਤੇ ਵਧੇਰੇ ਪਹੁੰਚਯੋਗ ਘਰ ਉਪਲਬਧ ਕਰਵਾਉਣਾ।
ਟ੍ਰਾਂਜ਼ਿਟ ਦੇ ਨੇੜੇ ਵਧੇਰੇ ਜੀਵੰਤ ਮੁਹੱਲਿਆਂ ਦਾ ਨਿਰਮਾਣ ਕਰਨਾ
ਪੁਰਾਣੇ ਜ਼ੋਨਿੰਗ ਨਿਯਮਾਂ ਅਨੁਸਾਰ ਰੈਪਿਡ ਟ੍ਰਾਂਜ਼ਿਟ ਸਟੇਸ਼ਨਾਂ (ਸਕਾਈ-ਟ੍ਰੇਨ) ਅਤੇ ਬੱਸ ਐਕਸਚੇਂਜਾਂ ਦੇ ਨੇੜੇ ਹੋਰ ਘਰਾਂ ਦਾ ਨਿਰਮਾਣ ਕਰਨਾ ਬਹੁਤ ਮੁਸ਼ਕਲ ਹੈ। ਅਸੀਂ ਨਵੇਂ ਜ਼ੋਨਿੰਗ ਨਿਯਮਾਂ ਦੇ ਨਾਲ ਵਧੇਰੇ ਜੀਵੰਤ, ਆਪਸ ਵਿੱਚ ਜੁੜੀਆਂ ਅਤੇ ਰਹਿਣ ਯੋਗ ਕਮਿਊਨਿਟੀਆਂ ਬਣਾਉਣ ਲਈ ਕਾਰਵਾਈ ਕਰ ਰਹੇ ਹਾਂ, ਜਿਸ ਨਾਲ ਟ੍ਰਾਂਜ਼ਿਟ ਅਤੇ ਹੋਰ ਸੁੱਖ-ਸੁਵਿਧਾਵਾਂ ਵਾਲੀਆਂ ਥਾਂਵਾਂ ਦੇ ਨੇੜੇ ਵਧੇਰੇ ਘਰਾਂ ਦਾ ਨਿਰਮਾਣ ਕਰਨਾ ਸੌਖਾ ਹੋ ਜਾਵੇਗਾ।
ਸੈਕੰਡਰੀ ਸੂਈਟ ਇਨਸੈਂਟਿਵ ‘ਪਾਇਲਟ’ ਪ੍ਰੋਗਰਾਮ
ਜਿਹੜੇ ਮਕਾਨ-ਮਾਲਕ ਹਾਊਸਿੰਗ ਸੰਕਟ ਨਾਲ ਨਜਿੱਠਣ ਵਿੱਚ ਮਦਦ ਕਰਨ ਲਈ ਆਪਣਾ ਯੋਗਦਾਨ ਪਾਉਣਾ ਚਾਹੁੰਦੇ ਹਨ, ਉਹ ਕਿਰਾਏ ‘ਤੇ ਦੇਣ ਵਾਲੇ ਸੈਕੰਡਰੀ ਸੂਈਟ ਬਣਾਉਣ ਲਈ ਕਰਜ਼ੇ ਲਈ ਅਰਜ਼ੀ ਦੇ ਸਕਣਗੇ – ਜੋ ਕਿ ਨਵੀਂ ਹਾਊਸਿੰਗ ਸਪਲਾਈ ਵਿੱਚ ਵਾਧਾ ਕਰਨ ਦੇ ਸਭ ਤੋਂ ਤੇਜ਼ ਤਰੀਕਿਆਂ ਵਿੱਚੋਂ ਇੱਕ ਹੈ।
2024 ਦੇ ਸ਼ੁਰੂ ਤੋਂ, ਲੋਕ ਆਪਣੇ ਘਰਾਂ ਦੀ ਮੁਰੰਮਤ ਲਈ ਖਰਚੇ ਦਾ 50% ਤੱਕ, ਮਾਫ਼ ਕਰਨ ਯੋਗ ਕਰਜ਼ੇ ਦੇ ਰੂਪ ਵਿੱਚ ਲੈ ਸਕਦੇ ਹਨ, ਅਤੇ ਇਹ ਕਰਜ਼ਾ ਪੰਜ ਸਾਲਾਂ ਵਿੱਚ ਵੱਧ ਤੋਂ ਵੱਧ $40,000 ਤੱਕ ਹੋ ਸਕਦਾ ਹੈ।
ਹਾਊਸਿੰਗ ਲਈ ਟੀਚੇ ਬਣਾਉਣੇ ਤਾਂ ਜੋ ਵਧੇਰੇ ਲੋਕ ਆਪਣੇ ਕੰਮ ਕਰਨ ਦੀ ਜਗ੍ਹਾ ਦੇ ਨੇੜੇ ਰਹਿ ਸਕਣ
ਨਵੇਂ ਵਿਧਾਨ ਵਿੱਚ ਮਿਉਂਨਿਸੀਪੈਲਿਟੀਆਂ ਲਈ ਹਾਊਸਿੰਗ ਦੇ ਟੀਚੇ ਨਿਰਧਾਰਤ ਕੀਤੇ ਜਾਣਗੇ ਜਿਨ੍ਹਾਂ ਨੂੰ ਪੂਰਾ ਕਰਨਾ ਲਾਜ਼ਮੀ ਹੋਵੇਗਾ। ਇਸ ਨਾਲ ਬੀ.ਸੀ. ਦੀਆਂ ਉਹਨਾਂ ਕਮਿਊਨਿਟੀਆਂ ਵਿੱਚ ਵਧੇਰੇ ਘਰ ਬਣਾਉਣ ਵਿੱਚ ਮਦਦ ਮਿਲੇਗੀ, ਜਿੱਥੇ ਸਭ ਤੋਂ ਵੱਧ ਵਿਕਾਸ ਹੋ ਰਿਹਾ ਹੈ ਅਤੇ ਜਿੱਥੇ ਘਰਾਂ ਦੀ ਸਭ ਤੋਂ ਵੱਧ ਲੋੜ ਦਾ ਅਨੁਮਾਨ ਲਗਾਇਆ ਜਾ ਰਿਹਾ ਹੈ।
ਇਸ ਦਾ ਮਤਲਬ ਹੈ ਕਿ ਵਧੇਰੇ ਲੋਕ ਆਪਣੀ ਪਸੰਦੀਦਾ ਕਮਿਊਨਿਟੀ ਵਿੱਚ ਰਹਿ ਸਕਣਗੇ।
ਘਰਾਂ ਨੂੰ ਹੋਰ ਤੇਜ਼ੀ ਨਾਲ ਬਣਾਉਣ ਲਈ ਪਰਮਿਟ ਅਤੇ ਮਨਜ਼ੂਰੀਆਂ ਨੂੰ ਤੇਜ਼ ਕਰਨਾ
ਪਰਮਿਟ ਦੇਣ ਦੀ ਇੱਕ ਨਵੀਂ, ਸੁਚਾਰੂ ਪ੍ਰਕਿਰਿਆ ਮਨਜ਼ੂਰੀਆਂ ਦੇਣਾ ਅਸਾਨ ਬਣਾ ਦੇਵੇਗੀ, ਜਿਸ ਨਾਲ ਲੋਕਾਂ ਲਈ ਨਵੇਂ ਘਰਾਂ ਦੀ ਉਸਾਰੀ ਹੋਰ ਤੇਜ਼ੀ ਨਾਲ ਸ਼ੁਰੂ ਹੋ ਸਕਦੀ ਹੈ।
ਪੋਸਟ-ਸੈਕੰਡਰੀ ਵਿਦਿਆਰਥੀਆਂ ਲਈ ਕੈਂਪਸ ਵਿੱਚ ਹੋਰ ਘਰ ਬਣਾਉਣੇ
ਜਦੋਂ ਨੌਜਵਾਨ ਪੜ੍ਹਾਈ ਕਰਨ ਲਈ ਘਰ ਤੋਂ ਦੂਰ ਜਾਂਦੇ ਹਨ, ਤਾਂ ਉਹਨਾਂ ਨੂੰ ਸੁਰੱਖਿਅਤ, ਮਹਿਫੂਜ਼ ਅਤੇ ਕਿਫ਼ਾਇਤੀ ਰਿਹਾਇਸ਼ਾਂ ਲੱਭਣ ਦੀ ਲੋੜ ਪੈਂਦੀ ਹੈ।
ਇਸ ਲਈ ਅਸੀਂ ਬੀ.ਸੀ. ਭਰ ਵਿੱਚ ਵਿਦਿਆਰਥੀਆਂ ਨੂੰ ਪੇਸ਼ ਆਉਣ ਵਾਲੀਆਂ ਰਿਹਾਇਸ਼ੀ ਚੁਣੌਤੀਆਂ ਨੂੰ ਘੱਟ ਕਰਨ ਲਈ ਕਾਰਵਾਈ ਕਰ ਰਹੇ ਹਾਂ, ਜਿਸ ਦੇ ਤਹਿਤ ਪੜ੍ਹਾਈ ਦੀਆਂ ਥਾਵਾਂ ‘ਤੇ 12,000 ਵਿਦਿਆਰਥੀਆਂ ਲਈ ਰਹਿਣ ਦੀਆਂ ਥਾਵਾਂ ਬਣਾ ਕੇ ਸਥਾਨਕ ਰੈਂਟਲ ਮਾਰਕਿਟ ਦੀਆਂ ਮੁਸ਼ਕਲਾਂ ਨੂੰ ਘੱਟ ਕੀਤਾ ਜਾ ਸਕੇਗਾ।
ਵਧੇਰੇ ਟਿਕਾਊ ਕਮਿਊਨਿਟੀਆਂ ਬਣਾਉਣ ਵਿੱਚ ਮਦਦ ਕਰਨ ਲਈ ਵਿਕਾਸ ਦੇ ਨਵੇਂ ਸਾਧਨ
ਸਥਾਨਕ ਸਰਕਾਰਾਂ ਲਈ ਵਿਧਾਨ ਵਿੱਚ ਕੀਤੀਆਂ ਗਈਆਂ ਤਬਦੀਲੀਆਂ ਨਾਲ ਉਹਨਾਂ ਦੀਆਂ ਕਮਿਊਨਿਟੀਆਂ ਦੇ ਵਿਕਾਸ ਲਈ ਨਵੇਂ ਅਤੇ ਬਿਹਤਰ ਵਿੱਤੀ ਸਾਧਨ ਉਪਲਬਧ ਹੋ ਸਕਦੇ ਹਨ, ਜਿਨ੍ਹਾਂ ਦੀ ਵਰਤੋਂ ਸਥਾਨਕ ਸਰਕਾਰਾਂ ਕਮਿਊਨਿਟੀਆਂ ਨੂੰ ਮੁਕੰਮਲ ਤੌਰ ‘ਤੇ ਰਹਿਣ ਯੋਗ ਬਣਾਉਣ ਲਈ, ਉੱਥੋਂ ਲਈ ਲੋੜੀਂਦੇ ਬੁਨਿਆਦੀ ਢਾਂਚੇ ਅਤੇ ਸੁੱਖ-ਸੁਵਿਧਾਵਾਂ ਦੀਆਂ ਸਹੂਲਤਾਂ ਦੇ ਖਰਚੇ ਪੂਰੇ ਕਰਨ ਲਈ ਕਰ ਸਕਦੀਆਂ ਹਨ।
ਅਜਿਹਾ ਕਰਨ ਨਾਲ, ਅਸੀਂ ਨਾ ਸਿਰਫ਼ ਲੋਕਾਂ ਲਈ ਘਰ ਬਣਾ ਰਹੇ ਹਾਂ, ਪਰ ਇਸ ਦੇ ਨਾਲ-ਨਾਲ ਵਧੇਰੇ ਟਿਕਾਊ, ਅਤੇ ਚੰਗੀ ਤਰ੍ਹਾਂ ਯੋਜਨਾਬੱਧ ਕਮਿਊਨਿਟੀਆਂ ਵੀ ਬਣਾ ਰਹੇ ਹਾਂ।
ਲੋਕਾਂ ਲਈ ਘਰਾਂ ਨੂੰ ਵਧੇਰੇ ਕਿਫ਼ਾਇਤੀ ਬਣਾਉਣਾ ਅਤੇ ਕਿਰਾਏਦਾਰਾਂ ਨੂੰ ਸੁਰੱਖਿਅਤ ਕਰਨਾ
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਲੋਕਾਂ ਲਈ ਉਹਨਾਂ ਦੀ ਪਹੁੰਚ ਅਨੁਸਾਰ ਇੱਕ ਚੰਗੀ ਰਹਿਣ ਦੀ ਜਗ੍ਹਾ ਮਿਲਣਾ, ਉਹਨਾਂ ਲਈ ਸਭ ਤੋਂ ਵੱਡੀਆਂ ਚੁਣੌਤੀਆਂ ਵਿੱਚੋਂ ਇੱਕ ਹੈ। ਇਸ ਲਈ ਅਸੀਂ ਕਿਰਾਇਆਂ ਨੂੰ ਵਧੇਰੇ ਕਿਫ਼ਾਇਤੀ ਬਣਾ ਕੇ, ਮੌਜੂਦਾ ਰੈਂਟਲ ਯੂਨਿਟਾਂ ਨੂੰ ਸੁਰੱਖਿਅਤ ਬਣਾ ਕੇ ਅਤੇ ਵਿਦਿਆਰਥੀਆਂ ਲਈ ਵਧੇਰੇ ਰਿਹਾਇਸ਼ਾਂ ਉਪਲਬਧ ਕਰਾ ਕੇ, ਰਿਹਾਇਸ਼ੀ ਖਰਚਿਆਂ ਦੇ ਬੋਝ ਨੂੰ ਘੱਟ ਕਰਨ ‘ਤੇ ਆਪਣਾ ਧਿਆਨ ਕੇਂਦਰਿਤ ਕਰ ਰਹੇ ਹਾਂ।
ਧੋਖੇ ਨਾਲ ਘਰ ਖਾਲੀ ਕਰਵਾਏ ਜਾਣ ਤੋਂ ਕਿਰਾਏਦਾਰਾਂ ਨੂੰ ਬਚਾਉਣਾ
18 ਜੁਲਾਈ ਤੋਂ, ਮਕਾਨ ਮਾਲਕਾਂ ਨੂੰ ਵਧੇਰੇ ਸਹਾਇਤਾ ਅਤੇ ਕਿਰਾਏਦਾਰਾਂ ਨੂੰ ਵਧੇਰੇ ਸੁਰੱਖਿਆ ਉਦੋਂ ਮਿਲੇਗੀ ਜਦੋਂ ਮਕਾਨ ਮਾਲਕ ਦੁਆਰਾ ਆਪਣੀ ਨਿੱਜੀ ਵਰਤੋਂ ਲਈ ਜਾਂ ਸੰਭਾਲ-ਕਰਤਾ (caretaker) ਦੀ ਵਰਤੋਂ ਲਈ ਕਿਰਾਏਦਾਰਾਂ ਨੂੰ ਯੂਨਿਟ ਤੋਂ ਬਾਹਰ ਕੱਢ ਦਿੱਤਾ ਜਾਵੇਗਾ। ਮਕਾਨ ਮਾਲਕਾਂ ਨੂੰ ਇੱਕ ਔਨਲਾਈਨ ਵੈਬ ਪੋਰਟਲ ਰਾਹੀਂ ਨੋਟਿਸ ਜਮ੍ਹਾਂ ਕਰਨ ਦੀ ਲੋੜ ਹੋਵੇਗੀ।
ਨਵਾਂ ਰੈਂਟਰਜ਼ ਟੈਕਸ ਕ੍ਰੈਡਿਟ
2024 ਤੋਂ ਸ਼ੁਰੂ ਹੋਕੇ, ਬੀ.ਸੀ. ਵਿੱਚ ਮੱਧਮ ਅਤੇ ਘੱਟ ਆਮਦਨ ਵਾਲੇ ਕਿਰਾਏਦਾਰ ਇੱਕ ਨਵੇਂ ਇਨਕਮ-ਟੈਸਟਡ ‘ਰੈਂਟਰਜ਼ ਟੈਕਸ ਕ੍ਰੈਡਿਟ’ (ਆਮਦਨ ਦਾ ਮੁਲਾਂਕਣ ਕਰਨ ਤੋਂ ਬਾਅਦ ਕਿਰਾਏਦਾਰਾਂ ਨੂੰ ਦਿੱਤਾ ਜਾਣ ਵਾਲਾ ਟੈਕਸ ਕ੍ਰੈਡਿਟ) ਨਾਲ $400 ਤੱਕ ਪ੍ਰਾਪਤ ਕਰ ਸਕਦੇ ਹਨ। ਇਹ ਟੈਕਸ ਕ੍ਰੈਡਿਟ ਬੀ.ਸੀ. ਵਿੱਚ ਘਰਾਂ ਨੂੰ ਕਿਰਾਏ ‘ਤੇ ਦੇਣ ਵਾਲੇ 80% ਤੋਂ ਵੀ ਵੱਧ ਲੋਕਾਂ ਦੀ ਮਦਦ ਕਰੇਗਾ। ।
ਸਟ੍ਰੈਟਾ ‘ਤੇ 18+ ਉਮਰ ਦੀਆਂ ਪਾਬੰਦੀਆਂ ਹਟਾ ਦਿੱਤੀਆਂ ਗਈਆਂ ਹਨ
ਸਟ੍ਰੈਟਾ ਪ੍ਰਾਪਰਟੀ ਐਕਟ ਵਿੱਚ ਨਵੇਂ ਬਦਲਾਅ ਬੀ.ਸੀ. ਦੀਆਂ ਜ਼ਿਆਦਾਤਰ ਇਮਾਰਤਾਂ ਵਿੱਚ ਉਮਰ ਸੰਬੰਧੀ ਪਾਬੰਦੀਆਂ ਨੂੰ ਹਟਾ ਦੇਣਗੇ। (55+ ਇਮਾਰਤਾਂ ਰਹਿਣਗੀਆਂ)।
ਇਸ ਦਾ ਮਤਲਬ ਹੈ ਕਿ ਹਜ਼ਾਰਾਂ ਹੋਰ ਪਰਿਵਾਰ ਚੰਗੇ ਘਰ ਲੱਭ ਸਕਦੇ ਹਨ ਅਤੇ ਜਿਹੜੇ ਲੋਕ ਬੱਚੇ/ਬੱਚਿਆਂ ਨਾਲ ਆਪਣੇ ਪਰਿਵਾਰ ਨੂੰ ਵਧਾਉਣ ਦਾ ਫੈਸਲਾ ਕਰਦੇ ਹਨ, ਉਨ੍ਹਾਂ ਨੂੰ ਆਪਣਾ ਘਰ ਛੱਡਣਾ ਨਹੀਂ ਪਵੇਗਾ।
ਸਲਾਨਾ ਕਿਰਾਇਆਂ ਵਿੱਚ ਵਾਧਾ ਮਹਿੰਗਾਈ ਦੀ ਦਰ ਤੋਂ ਹੇਠਾਂ ਰੱਖਣਾ
2023 ਵਿੱਚ, ਕਿਰਾਇਆਂ ਵਿੱਚ ਵਾਧਾ ਮਹਿੰਗਾਈ ਦੀ ਦਰ ਤੋਂ ਹੇਠਾਂ, 3.5% ਤੱਕ ਸੀਮਤ ਕੀਤਾ ਗਿਆ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਕਿਰਾਏਦਾਰ ਆਪਣੇ ਘਰਾਂ ਵਿੱਚ ਰਹਿਣਾ ਜਾਰੀ ਰੱਖ ਸਕਣ, ਖਾਸ ਤੌਰ ‘ਤੇ ਇਹੋ ਜਿਹੇ ਸਮੇਂ ਤੇ, ਜਦੋਂ ਹੋਰ ਖਰਚੇ ਲਗਾਤਾਰ ਵਧਦੇ ਜਾ ਰਹੇ ਹਨ।
ਸਟ੍ਰੈਟਾ ਰੈਂਟਲ ਬੈਨ: ਹਟਾਏ ਗਏ
ਸਟ੍ਰੈਟਾ ਹੁਣ ਕੌਂਡੋ ਮਾਲਕਾਂ ਨੂੰ ਉਨ੍ਹਾਂ ਦੇ ਘਰ ਕਿਰਾਏ ‘ਤੇ ਦੇਣ ਤੋਂ ਨਹੀਂ ਰੋਕ ਸਕਣਗੇ।
ਇਸ ਨਾਲ ਖਾਲੀ ਯੂਨਿਟ ਕਿਰਾਏ ਲਈ ਖੁੱਲ੍ਹ ਜਾਣਗੇ ਅਤੇ ਇਸ ਦਾ ਮਤਲਬ ਹੈ ਕਿ ਪੂਰੇ ਬੀ.ਸੀ. ਵਿੱਚ ਕਿਰਾਏ ਲਈ ਹੋਰ ਘਰ ਹੋਣਗੇ। ਸਟ੍ਰੈਟਾ ਦੀਆਂ ਪਾਬੰਦੀਆਂ ਥੋੜ੍ਹੇ ਸਮੇਂ ਲਈ ਕਿਰਾਏ ‘ਤੇ ਦੇਣ ਵਾਲੀਆਂ ਥਾਂਵਾਂ, ਜਿਵੇਂ ਕਿ Airbnb, ‘ਤੇ ਕਾਇਮ ਰਹਿਣਗੀਆਂ।
ਕਿਰਾਏ ਦੀਆਂ ਕਿਫ਼ਾਇਤੀ ਥਾਂਵਾਂ ਨੂੰ ਸੁਰੱਖਿਅਤ ਰੱਖਣ ਲਈ ਕਾਰਵਾਈ ਕਰਨਾ
ਗੈਰ-ਮੁਨਾਫ਼ਾ ਹਾਊਸਿੰਗ ਸੰਸਥਾਵਾਂ ਕੋਲ ਕਿਫ਼ਾਇਤੀ ਕਿਰਾਏ ਵਾਲੀਆਂ ਬਿਲਡਿੰਗਾਂ ਅਤੇ ‘ਕੋ-ਔਪਸ’ ਨੂੰ ਖਰੀਦਣ ਲਈ ਜਲਦੀ ਹੀ ਇੱਕ ਨਵੇਂ $500 ਮਿਲੀਅਨ ਦੇ ਫੰਡ ਤੱਕ ਪਹੁੰਚ ਹੋਵੇਗੀ। ਇਸ ਨਾਲ ਯਕੀਨੀ ਬਣਾਇਆ ਜਾਵੇਗਾ ਕਿ ਇਹ ਕਿਰਾਏ ਦੇ ਘਰ ਮਾਰਕਿਟ ਵਿੱਚ ਮੌਜੂਦ ਰਹਿਣ ਅਤੇ ਇਹਨਾਂ ਘਰਾਂ ਦੀ ਮੁਰੰਮਤ ਕਰਨ ਤੋਂ ਬਾਅਦ ਘਰ ਖਾਲੀ ਕਰਵਾਉਣ ਅਤੇ ਕਿਰਾਏ ਵਧਾਉਣ ਤੋਂ ਲੋਕ ਬਿਹਤਰ ਢੰਗ ਨਾਲ ਸੁਰੱਖਿਅਤ ਰਹਿਣ।
ਘਰਾਂ ਦੀ ਸਭ ਤੋਂ ਵੱਧ ਜ਼ਰੂਰਤ ਵਾਲੇ ਲੋਕਾਂ ਦੀ ਸਹਾਇਤਾ ਕਰਨਾ
ਵਿਸ਼ਵ-ਪੱਧਰੀ ਮਹਿੰਗਾਈ ਕਾਰਨ ਵੱਧਦੀਆਂ ਕੀਮਤਾਂ ਦੇ ਨਾਲ-ਨਾਲ ਜਦੋਂ ਬਹੁਤ ਸਾਰੇ ਲੋਕ ਆਪਣੇ ਜੀਵਨ ਦੇ ਅਨਿਸ਼ਚਿਤ ਸਮੇਂ ਵਿੱਚੋਂ ਨਿਕਲ ਰਹੇ ਹੁੰਦੇ ਹਨ, ਉਸ ਸਮੇਂ ਵੱਡੀਆਂ ਚੁਣੌਤੀਆਂ ਨੂੰ ਮਿਲ ਕੇ ਹੱਲ ਕਰਨਾ ਅਤੇ ਜ਼ਰੂਰਤਮੰਦ ਲੋਕਾਂ ਦੀ ਸਹਾਇਤਾ ਕਰਨਾ ਪਹਿਲਾਂ ਨਾਲੋਂ ਜ਼ਿਆਦਾ ਜ਼ਰੂਰੀ ਹੋ ਜਾਂਦਾ ਹੈ। ਇਸ ਲਈ ਅਸੀਂ ਬੇਘਰੀ ਦਾ ਅਨੁਭਵ ਕਰ ਰਹੇ ਜਾਂ ਇਸ ਦੇ ਜੋਖਮ ਵਿੱਚ ਹੋਣ ਵਾਲੇ ਲੋਕਾਂ ਲਈ ਉਪਲਬਧ ਸਹਾਇਤਾ, ਸ਼ੈਲਟਰ ਅਤੇ ਹਾਊਸਿੰਗ ਵਰਗੀਆਂ ਸਹੂਲਤਾਂ ਵਿੱਚ ਵਾਧਾ ਕਰਨ ਲਈ ਕਾਰਵਾਈ ਕਰ ਰਹੇ ਹਾਂ, ਅਤੇ ਇਸ ਦੇ ਨਾਲ ਹੀ ਅਸੀਂ ਅਜੇਹੇ ਲੋਕਾਂ ਦੀ ਮਦਦ ਵੀ ਕਰ ਰਹੇ ਹਾਂ ਜੋ ਅਚਾਨਕ ਕਿਸੇ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ।
ਫਰਸਟ ਟਾਈਮ ਹੋਮ ਬਾਇਰਜ਼ ਛੋਟ
ਬਹੁਤ ਸਾਰੇ ਲੋਕਾਂ ਲਈ, ਪਹਿਲਾ ਘਰ ਖਰੀਦਣਾ, ਉਨ੍ਹਾਂ ਦੇ ਜੀਵਨ ਦੀ ਸਭ ਤੋਂ ਵੱਡੀ ਖਰੀਦ ਹੈ। ਇਹੀ ਕਾਰਨ ਹੈ ਕਿ ਅਸੀਂ ਪ੍ਰੌਪਰਟੀ ਟ੍ਰਾਂਸਫਰ ਟੈਕਸ ਛੋਟ ਦੀ ਸੀਮਾ ਵਧਾ ਕੇ ਪਹਿਲੀ ਵਾਰ ਘਰ ਖਰੀਦਣ ਵਾਲੇ ਖਰੀਦਦਾਰਾਂ ਨੂੰ $8,000 ਤੱਕ ਦੀ ਬਚਤ ਕਰਨ ਵਿੱਚ ਮਦਦ ਕਰ ਰਹੇ ਹਾਂ। ਨਵੇਂ ਬਣੇ ਘਰ ਖਰੀਦਣ ਵਾਲੇ ਲੋਕ ਅਤੇ ਉਹ ਮਕਾਨ ਮਾਲਕ ਜੋ ਨਵੀਆਂ ਕਿਰਾਏ ਦੀਆਂ ਇਮਾਰਤਾਂ ਬਣਾ ਰਹੇ ਹਨ, ਵੀ ਬੱਚਤ ਕਰ ਸਕਣਗੇ। ਇਹ ਤਬਦੀਲੀਆਂ ਵਧੇਰੇ ਲੋਕਾਂ ਲਈ ਘਰਾਂ ਦੀ ਲਾਗਤ ਨੂੰ ਘੱਟ ਕਰਨਗੀਆਂ।
ਵਿੱਤੀ ਸੰਕਟਾਂ ਲਈ ਬੀ ਸੀ ਰੈਂਟ ਬੈਂਕ ਸਹਾਇਤਾ
ਥੋੜ੍ਹੇ ਸਮੇਂ ਲਈ ਅਤੇ ਅਚਾਨਕ ਕਿਸੇ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਅਤੇ ਕਿਰਾਏ ਜਾਂ ਹੋਰ ਜ਼ਰੂਰੀ ਰਿਹਾਇਸ਼ੀ ਖਰਚਿਆਂ (ਜਿਵੇਂ ਕਿ ਹੀਟ ਅਤੇ ਬਿਜਲੀ) ਦਾ ਭੁਗਤਾਨ ਕਰਨ ਵਿੱਚ ਅਸਮਰੱਥ ਲੋਕਾਂ ਲਈ ਸੂਬੇ ਭਰ ਵਿੱਚ ‘ਰੈਂਟ ਬੈਂਕ’ ਉਪਲਬਧ ਹਨ।
ਬੇਘਰੀ ਨੂੰ ਰੋਕਣ ਲਈ ਵਧੇਰੇ ‘ਸੁਪੋਰਟਿਵ ਹਾਊਸਿੰਗ’ ਦਾ ਨਿਰਮਾਣ ਕਰਨਾ
ਦੁਨੀਆ ਭਰ ਦੇ ਹੋਰ ਬਹੁਤ ਸਾਰੇ ਅਧਿਕਾਰ ਖੇਤਰਾਂ ਵਾਂਗ, ਮਹਾਂਮਾਰੀ ਕਾਰਨ ਬੀ.ਸੀ. ਦੀ ਹਾਊਸਿੰਗ ਮਾਰਕਿਟ ‘ਤੇ ਗੰਭੀਰ ਅਸਰ ਪਿਆ ਹੈ, ਜਿਸ ਕਾਰਨ ਸਭ ਤੋਂ ਕਮਜ਼ੋਰ ਵਰਗ ਦੇ ਕੁਝ ਲੋਕ, ਜੋ ਹਾਊਸਿੰਗ ਲਈ ਸਭ ਤੋਂ ਵੱਧ ਅਸੁਰੱਖਿਤ ਮਹਿਸੂਸ ਕਰਦੇ ਹਨ, ਉਹਨਾਂ ਨੂੰ ਹਾਊਸਿੰਗ ਮਾਰਕਿਟ ਤੋਂ ਪੂਰੀ ਤਰ੍ਹਾਂ ਬਾਹਰ ਨਿਕਲਣਾ ਪਿਆ ਹੈ।
ਇਸ ਲਈ ਅਸੀਂ ਬੇਘਰੀ ਦਾ ਅਨੁਭਵ ਕਰ ਰਹੇ ਜਾਂ ਇਸ ਦੇ ਜੋਖਮ ਵਿੱਚ ਹੋਣ ਵਾਲੇ ਲੋਕਾਂ ਲਈ ਹਜ਼ਾਰਾਂ ਵਧੇਰੇ ‘ਸੁਪੋਰਟਿਵ ਹਾਊਸਿੰਗ’ ਯੂਨਿਟ ਬਣਾਉਣ ਲਈ ਆਪਣੇ ਕੰਮ ਨੂੰ ਦੁੱਗਣਾ ਵਧਾ ਰਹੇ ਹਾਂ ਅਤੇ ਇਸ ਬਾਰੇ ਕਾਰਵਾਈ ਕਰ ਰਹੇ ਹਾਂ।
ਕੰਪਲੈਕਸ ਕੇਅਰ’ ਦੀਆਂ ਜ਼ਰੂਰਤਾਂ ਵਾਲੇ ਲੋਕਾਂ ਲਈ ਵਧੇਰੇ ਰਿਹਾਇਸ਼ਾਂ
ਬੀ.ਸੀ. ਭਰ ਵਿੱਚ ‘ਰੈਪ-ਅਰਾਊਂਡ ਸੇਵਾਵਾਂ’ ਪ੍ਰਦਾਨ ਕਰਨ ਵਾਲੇ ਨਵੇਂ ‘ਸੁਪੋਰਟਿਵ ਹੋਮ’ ਬਣਾਏ ਜਾ ਰਹੇ ਹਨ ਜਿੱਥੇ ‘ਕੰਪਲੈਕਸ’ (ਇੱਕ ਤੋਂ ਜ਼ਿਆਦਾ ਕਿਸਮ ਦੀਆਂ ਗੰਭੀਰ ਸਥਿਤੀਆਂ ਵਾਲੀਆਂ) ਲੋੜਾਂ ਵਾਲੇ ਵਧੇਰੇ ਲੋਕਾਂ ਨੂੰ ਇੱਕ ਸੁਰੱਖਿਅਤ ਅਤੇ ਮਹਿਫੂਜ਼ ਜਗ੍ਹਾ ‘ਤੇ ਰਹਿਣ ਦੀ ਸੁਵਿਧਾ ਹੋਵੇਗੀ ਅਤੇ ਵਧੇਰੇ ਲੋਕ ਇੱਕ ਚੰਗੀ ਜ਼ਿੰਦਗੀ ਗੁਜ਼ਾਰ ਸਕਣਗੇ।
ਹਿੰਸਾ ਛੱਡ ਕੇ ਆਉਣ ਵਾਲੀਆਂ ਔਰਤਾਂ ਅਤੇ ਬੱਚਿਆਂ ਲਈ ਵਧੇਰੇ ਸੁਰੱਖਿਅਤ, ਸਹਾਇਕ ਰਿਹਾਇਸ਼ਾਂ
ਔਰਤਾਂ, ਲਿੰਗ-ਵਿਭਿੰਨਤਾ ਵਾਲੇ ਲੋਕ, ਅਤੇ ਉਹਨਾਂ ਦੇ ਬੱਚੇ, ਜੋ ਹਿੰਸਾ ਜਾਂ ਸਦਮੇ ਵਿੱਚੋਂ ਗੁਜ਼ਰਨ ਤੋਂ ਬਾਅਦ ਆਪਣੀ ਜ਼ਿੰਦਗੀ ਨੂੰ ਮੁੜ ਤੋਂ ਸ਼ੁਰੂ ਕਰ ਰਹੇ ਹਨ, ਉਹਨਾਂ ਲਈ ਸੁਰੱਖਿਅਤ ਰਿਹਾਇਸ਼ਾਂ ਇੱਕ ਬੁਨਿਆਦੀ ਜ਼ਰੂਰਤ ਹੈ।
ਇਸ ਲਈ ਅਸੀਂ ਅਜੇਹੀਆਂ ਹੋਰ ਥਾਵਾਂ ਬਣਾ ਰਹੇ ਹਾਂ ਜਿੱਥੇ ਲੋਕਾਂ ਨੂੰ ਸੁਰੱਖਿਆ, ਸਹਾਇਤਾ ਅਤੇ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ, ਜਿਸ ਨਾਲ ਉਹਨਾਂ ਨੂੰ ਆਪਣਾ ਜੀਵਨ ਮੁੜ ਤੋਂ ਸ਼ੁਰੂ ਕਰਨ ਵਿੱਚ ਮਦਦ ਮਿਲ ਸਕੇਗੀ। ਇਹਨਾਂ ਵਿੱਚੋਂ ਬਹੁਤ ਸਾਰੇ ਘਰਾਂ ਵਿੱਚ ਹਿੰਸਾ ਦਾ ਅਨੁਭਵ ਕਰ ਰਹੀਆਂ ਜਾਂ ਹਿੰਸਾ ਦੇ ਜੋਖਮ ਵਾਲੀਆਂ ਔਰਤਾਂ ਲਈ ਅਤੇ ਟ੍ਰਾਂਸਜੈਂਡਰ ਔਰਤਾਂ, ‘ਟੂ-ਸਪਿਰਿਟ’, ਅਤੇ ਗੈਰ-ਬਾਈਨਰੀ ਲੋਕਾਂ ਅਤੇ ਉਹਨਾਂ ‘ਤੇ ਨਿਰਭਰ ਬੱਚਿਆਂ ਲਈ ਸਹਾਇਤਾ ਉਪਲਬਧ ਹੋਵੇਗੀ।
ਬੀ.ਸੀ. ਭਰ ਵਿੱਚ ਅਸਥਾਈ ਮੌਜੁਲਰ ਹਾਊਸਿੰਗ ਉਪਲਬਧ ਕਰਵਾਉਣਾ
ਲੋਕਾਂ ਲਈ ਰਹਿਣ ਦੀ ਨਿੱਘੀ ਥਾਂ ਦਾ ਇੰਤਜ਼ਾਮ ਕਰਨਾ ਉਹਨਾਂ ਲਈ ਸੁਰੱਖਿਅਤ ਅਤੇ ਮਹਿਫ਼ੂਜ਼ ਰਿਹਾਇਸ਼ ਲੱਭਣ ਵਿੱਚ ਮਦਦ ਕਰਨ ਲਈ ਪਹਿਲਾ ਕਦਮ ਹੈ। ਇਸ ਲਈ ਅਸੀਂ ਬੀ.ਸੀ. ਭਰ ਦੀਆਂ ਕਮਿਊਨਿਟੀਆਂ ਵਿੱਚ ਹਜ਼ਾਰਾਂ ਮੌਜੁਲਰ ਘਰ ਉਪਲਬਧ ਕਰਵਾਉਣ ਲਈ ਆਪਣਾ ਕੰਮ ਕਰਨਾ ਜਾਰੀ ਰੱਖ ਰਹੇ ਹਾਂ।
ਸੱਟੇਬਾਜ਼ਾਂ ਦੀ ਬਜਾਏ ਲੋਕਾਂ ਲਈ ਹਾਊਸਿੰਗ ਮਾਰਕਿਟ ਬਣਾਉਣੀ
ਅਸੀਂ ਇੱਕ ਅਜਿਹੀ ਹਾਊਸਿੰਗ ਮਾਰਕਿਟ ਬਣਾਉਣ ਲਈ ਕਾਰਵਾਈ ਕਰ ਰਹੇ ਹਾਂ ਜਿਸ ਦੇ ਤਹਿਤ ਅਮੀਰ ਸੱਟੇਬਾਜ਼ਾਂ ‘ਤੇ ਸਖ਼ਤੀ ਵਰਤੀ ਜਾਵੇਗੀ, ਬੀ.ਸੀ. ਦੀ ਰੀਅਲ ਇਸਟੇਟ ਮਾਰਕਿਟ ਵਿੱਚ ਅਪਰਾਧਿਕ ਗਤੀਵਿਧੀਆਂ ਨੂੰ ਰੋਕਿਆ ਜਾਵੇਗਾ ਅਤੇ ਜ਼ਰੂਰਤਮੰਦ ਲੋਕਾਂ ਨੂੰ ਪਹਿਲ ਦਿੱਤੀ ਜਾਵੇਗੀ। ਇਸ ਦੇ ਨਾਲ-ਨਾਲ ਇਹ ਯਕੀਨੀ ਬਣਾਇਆ ਜਾਵੇਗਾ ਕਿ ਖਾਲੀ ਪਏ ਘਰਾਂ ਨੂੰ ਲੋਕਾਂ ਲਈ ਲੰਬੇ ਸਮੇਂ ਲਈ ਰਹਿਣ ਵਾਲੇ ਘਰਾਂ ਵਿੱਚ ਤਬਦੀਲ ਕਰ ਦਿੱਤਾ ਜਾਵੇ।
ਨਵਾਂ ਬੀ ਸੀ ਹੋਮ ਫਲਿਪਿੰਗ ਟੈਕਸ
ਮਕਾਨ ਲੋਕਾਂ ਲਈ ਰਹਿਣ ਵਾਸਤੇ ਘਰ ਹੋਣੇ ਚਾਹੀਦੇ ਹਨ, ਨਾ ਕਿ ਸੱਟੇਬਾਜ਼ਾਂ ਲਈ ਨਿਵੇਸ਼। ਨਿਵੇਸ਼ਕਾਂ ਨੂੰ ਕੀਮਤਾਂ ਵਧਾਉਣ ਤੋਂ ਰੋਕਣ ਲਈ, ਅਸੀਂ 1 ਜਨਵਰੀ, 2025 ਤੋਂ ‘ਬੀ ਸੀ ਹੋਮ ਫਲਿਪਿੰਗ ਟੈਕਸ’ (BC Home Flipping Tax) ਪੇਸ਼ ਕਰ ਰਹੇ ਹਾਂ। ਇਹ ਕਿਸੇ ਰਿਹਾਇਸ਼ੀ ਪ੍ਰੌਪਰਟੀ ਨੂੰ ਖਰੀਦਣ ਦੇ ਦੋ ਸਾਲਾਂ ਦੇ ਅੰਦਰ ਵੇਚਣ ਤੋਂ ਹੋਏ ਮੁਨਾਫੇ ‘ਤੇ ਟੈਕਸ ਹੋਵੇਗਾ। ਟੈਕਸ ਦੀ ਰਕਮ ਸਿੱਧੇ ਤੌਰ ‘ਤੇ ਬੀ.ਸੀ. ਭਰ ਵਿੱਚ ਕਿਫ਼ਾਇਤੀ ਰਿਹਾਇਸ਼ਾਂ ਬਣਾਉਣ ਲਈ ਇਸਤੇਮਾਲ ਕੀਤੀ ਜਾਵੇਗੀ।
‘ਸ਼ੌਰਟ-ਟਰਮ ਰੈਂਟਲ’(ਥੋੜ੍ਹੇ ਸਮੇਂ ਲਈ ਕਿਰਾਏ ਦੇ ਘਰਾਂ) ਨੂੰ ਲੋਕਾਂ ਲਈ ਘਰਾਂ ਵਿੱਚ ਤਬਦੀਲ ਕਰਨਾ
ਪਿਛਲੇ ਕੁਝ ਸਾਲਾਂ ਵਿੱਚ ‘ਸ਼ੌਰਟ-ਟਰਮ ਵੇਕੇਸ਼ਨ ਰੈਂਟਲ’ (ਛੁੱਟੀਆਂ ਮਨਾਉਣ ਲਈ ਥੋੜ੍ਹੇ ਸਮੇਂ ਲਈ ਕਿਰਾਏ ਦੇ ਘਰ) ਵਿੱਚ ਕਾਫ਼ੀ ਵਾਧਾ ਹੋਇਆ ਹੈ, ਜਿਸ ਨਾਲ ਬਹੁਤ ਸਾਰੀਆਂ ਕਮਿਊਨਿਟੀਆਂ ਵਿੱਚ ਲੋਕਾਂ ਦੇ ਰਹਿਣ ਲਈ ਘਰਾਂ ਦੀ ਥੋੜ ਹੋ ਗਈ ਹੈ। ਅਸੀਂ ਸਥਾਨਕ ਸਰਕਾਰਾਂ ਨੂੰ ਬਿਹਤਰ ਸਾਧਨ ਪ੍ਰਦਾਨ ਕਰਨ ਲਈ ਕਾਰਵਾਈ ਕਰ ਰਹੇ ਹਾਂ ਤਾਂਕਿ ਉਹ ਯਕੀਨੀ ਬਣਾ ਸਕਣ ਕਿ ਮਕਾਨ-ਮਾਲਕ ਨਿਯਮਾਂ ਦੀ ਪਾਲਣਾ ਕਰ ਰਹੇ ਹਨ – ਅਤੇ ‘ਸ਼ੌਰਟ-ਟਰਮ ਰੈਂਟਲਜ਼’ ਨੂੰ ਲੋਕਾਂ ਲਈ ਵਧੇਰੇ ਘਰਾਂ ਦੇ ਰੂਪ ਵਿੱਚ ਵਾਪਸ ਉਪਲਬਧ ਕਰਾ ਰਹੇ ਹਨ।
‘ਸਪੈਕਿਊਲੇਸ਼ਨ ਐਂਡ ਵੇਕੈਂਸੀ ਟੈਕਸ’ ਦਾ ਵਿਸਤਾਰ ਕਰਨਾ
‘ਸਪੈਕਿਊਲੇਸ਼ਨ ਐਂਡ ਵੇਕੈਂਸੀ ਟੈਕਸ’ ਖਾਲੀ ਪਏ ਯੂਨਿਟਾਂ ਨੂੰ ਲੋਕਾਂ ਲਈ ਘਰਾਂ ਵਿੱਚ ਤਬਦੀਲ ਕਰਨ ਅਤੇ ਉਹਨਾਂ ਨੂੰ ਕਿਫ਼ਾਇਤੀ ਰਿਹਾਇਸ਼ਾਂ ਬਣਾਉਣ ਵਿੱਚ ਮਦਦ ਕਰ ਰਿਹਾ ਹੈ। 2025 ਤੋਂ, 13 ਹੋਰ ਕਮਿਊਨਿਟੀਆਂ ਵਿੱਚ ਲੋਕਾਂ ਨੂੰ ਇਹ ਘੋਸ਼ਿਤ ਕਰਨਾ ਪਵੇਗਾ ਕਿ ਉਹਨਾਂ ਨੇ ਆਪਣੀਆਂ ਪ੍ਰੌਪਰਟੀਆਂ ਦੀ ਵਰਤੋਂ ਕਿਵੇਂ ਕੀਤੀ। ਇਸ ਨਾਲ ਬੀ.ਸੀ. ਭਰ ਦੀਆਂ ਕਮਿਊਨਿਟੀਆਂ ਵਿੱਚ ਵਧੇਰੇ ਘਰ ਉਪਲਬਧ ਕਰਵਾਉਣ ਵਿੱਚ ਮਦਦ ਮਿਲੇਗੀ।
ਨਵਾਂ ਹੋਮਬਾਇਅਰ ਪ੍ਰੋਟੈਕਸ਼ਨ ਪੀਰੀਅਡ (ਘਰਾਂ ਦੇ ਖਰੀਦਦਾਰਾਂ ਲਈ ਸੁਰੱਖਿਆ ਮਿਆਦ)
ਘਰ ਖਰੀਦਣਾ ਇੱਕ ਬਹੁਤ ਵੱਡਾ ਫੈਸਲਾ ਹੈ।
ਲੋਕਾਂ ਨੂੰ ਜਲਦਬਾਜ਼ੀ ਨਹੀਂ ਕਰਨੀ ਚਾਹੀਦੀ।
ਇਸ ਲਈ ਅਸੀਂ ਤਿੰਨ-ਕਾਰੋਬਾਰੀ-ਦਿਨਾਂ ਦੀ ਸੁਰੱਖਿਆ ਮਿਆਦ (three-business-day protection period) ਦੀ ਸ਼ੁਰੂਆਤ ਕਰ ਰਹੇ ਹਾਂ, ਜਿਸ ਨਾਲ ‘ਫਾਇਨੈਂਨਸਿੰਗ’ ਦਾ ਇੰਤਜ਼ਾਮ ਕਰਨ ਅਤੇ ਘਰ ਦੀ ਜਾਂਚ ਕਰਵਾਉਣ ਦਾ ਪ੍ਰਬੰਧ ਕਰਨ ਲਈ ਵਧੇਰੇ ਸਮਾਂ ਮਿਲ ਜਾਵੇਗਾ।
ਰੀਅਲ ਇਸਟੇਟ ਵਿੱਚ ਅਪਰਾਧਿਕ ਗਤੀਵਿਧੀਆਂ ‘ਤੇ ਰੋਕ ਲਗਾਉਣੀ
ਅਸੀਂ ਬੀ.ਸੀ. ਦੀ ਰੀਅਲ ਇਸਟੇਟ ਮਾਰਕਿਟ ਨੂੰ ਗੈਰ-ਕਨੂੰਨੀ ਕਾਰਨਾਂ ਲਈ ਵਰਤੋਂ ਕਰਨ ਵਾਲੇ ਅਪਰਾਧੀਆਂ ‘ਤੇ ਰੋਕ ਲਗਾਉਣ ਦੀ ਆਪਣੀ ਕਾਰਵਾਈ ਕਰਦੇ ਰਹਾਂਗੇ। ਅਸੀਂ ਅਜਿਹਾ ਕਈ ਤਰੀਕਿਆਂ ਨਾਲ ਕਰ ਰਹੇ ਹਾਂ, ਜਿਸ ਵਿੱਚ ਅਸਪਸ਼ਟ ਦੌਲਤ ਲਈ ਔਰਡਰ (ਅਜੇਹੇ ਔਰਡਰ ਜੋ ਕਥਿਤ ਦੋਸ਼ੀ ‘ਤੇ ਇਹ ਦੱਸਣ ਦੀ ਜ਼ੁੰਮੇਵਾਰੀ ਪਾਉਂਦੇ ਹਨ ਕਿ ਉਨ੍ਹਾਂ ਦੀਆਂ ਪ੍ਰੌਪਰਟੀਆਂ ਨੂੰ ਖਰੀਦਣ ਲਈ ਪੈਸਾ ਕਿੱਥੋਂ ਆਇਆ ਜਿੱਥੇ ਅਪਰਾਧਿਕ ਗਤੀਵਿਧੀਆਂ ਜਾਂ ਭ੍ਰਿਸ਼ਟਾਚਾਰ ਦਾ ਸ਼ੱਕ ਹੋ ਸਕਦਾ ਹੈ) ਅਤੇ ਫੈਡਰਲ ਸਰਕਾਰ ਨਾਲ ਨਵੀਂ ਭਾਈਵਾਲੀ ਸ਼ਾਮਲ ਹੈ।
ਬੀ.ਸੀ. ਰੀਅਲ ਇਸਟੇਟ ਵਿੱਚ ਲੁਕੇ ਪੈਸੇ ਨੂੰ ਹਟਾਉਣਾ
ਅਸੀਂ ਪਹਿਲੀ ਵਾਰ ਨਵੀਂ ‘ਲੈਂਡ ਓਅਨਰ ਟ੍ਰਾਂਸਪੇਰੈਂਸੀ ਰਜਿਸਟਰੀ’ ਦੀ ਸ਼ੁਰੂਆਤ ਕਰਕੇ, ਬੀ.ਸੀ. ਵਿੱਚ ਜ਼ਮੀਨ ਦੀ ਮਲਕੀਅਤ ਵਿੱਚ ਵਧੇਰੇ ਪਾਰਦਰਸ਼ਤਾ ਲਿਆਉਣ ਲਈ ਵਚਨਬੱਧ ਹਾਂ।
ਇਹ ਟੈਕਸ ਵਿੱਚ ਬੇਈਮਾਨੀਆਂ ਦੇ ਰਸਤਿਆਂ ਨੂੰ ਬੰਦ ਕਰਨ, ਟੈਕਸ ਦੀ ਚੋਰੀ ਨਾਲ ਨਜਿੱਠਣ ਅਤੇ ਬੀ.ਸੀ. ਦੀ ਰੀਅਲ ਇਸਟੇਟ ਮਾਰਕਿਟ ਵਿੱਚ ‘ਮਨੀ ਲੌਂਡਰਿੰਗ’ ਨੂੰ ਰੋਕਣ ਵਿੱਚ ਮਦਦ ਕਰਨ ਲਈ ਇੱਕ ਅਸਰਦਾਰ ਸਾਧਨ ਹੈ।
ਵਾਧਾ ਕਰਨਾ + ‘ਫੌਰਨ ਬਾਇਰਜ਼ ਟੈਕਸ’ ਨੂੰ ਵਧਾਉਣਾ
ਇਹ ਯਕੀਨੀ ਬਣਾਉਣ ਲਈ ਕਿ ਘਰ ਲੋਕਾਂ ਦੇ ਰਹਿਣ ਲਈ ਹਨ ਨਾ ਕਿ ਨਿਵੇਸ਼ ਕਰਨ ਵਾਲਿਆਂ ਲਈ ਸਾਧਨ ਹਨ, ਅਸੀਂ ਵਧੇਰੇ ਕਮਿਊਨਿਟੀਆਂ ਵਿੱਚ ‘ਫੌਰਨ ਬਾਇਰਜ਼ ਟੈਕਸ’ (ਵਿਦੇਸ਼ੀ ਖਰੀਦਦਾਰਾਂ ‘ਤੇ ਟੈਕਸ) ਵਧਾ ਦਿੱਤਾ ਹੈ, ਅਤੇ ਇਸ ਦੀ ਦਰ ਨੂੰ ਵਧਾ ਕੇ 20 ਪ੍ਰਤੀਸ਼ਤ ਕਰ ਦਿੱਤਾ ਹੈ। ਇਹ ਟੈਕਸ ਬੀ.ਸੀ. ਦੀ ਹਾਊਸਿੰਗ ਮਾਰਕਿਟ ਵਿੱਚ ਸੱਟੇਬਾਜ਼ੀ ਨੂੰ ਰੋਕਣ ਵਿੱਚ ਮਦਦ ਕਰ ਰਿਹਾ ਹੈ, ਅਤੇ ਸੱਟੇਬਾਜ਼ੀ ਕਰਨ ਵਾਲਿਆਂ ਨੂੰ ਸਜ਼ਾ ਦੇ ਰਿਹਾ ਹੈ।