ਹਾਊਸਿੰਗ

ਕਿਰਾਏ ਵਿੱਚ ਸਲਾਨਾ ਵਾਧੇ ਦੀ ਸਵੀਕਾਰਯੋਗ ਸੀਮਾ ਤੈਅ ਕਰਕੇ, ਕਿਰਾਏਦਾਰਾਂ ਨੂੰ $400 ਤੱਕ ਦੀ ਸਲਾਨਾ ਛੋਟ ਦੇ ਕੇ, ਅਤੇ ਇਹ ਯਕੀਨੀ ਬਣਾ ਕੇ ਕਿ ਤੁਹਾਡੇ ਭਾਈਚਾਰੇ ਵਿੱਚ ਕਿਰਾਏ ਦੇ ਵਧੇਰੇ ਕਿਫ਼ਾਇਤੀ ਘਰ ਉਪਲਬਧ ਹਨ, ਹੋਰ ਕਿਰਾਏਦਾਰਾਂ ਦੀ ਸੁਰੱਖਿਆ ਕੀਤੀ ਜਾ ਰਹੀ ਹੈ।

ਸਾਂਝੇਦਾਰੀਆਂ, ਟੈਕਸ ਬੈਨਿਫ਼ਿਟ, ਅਤੇ ਲੋਕਾਂ ਲਈ ਪਹਿਲੇ ਘਰਾਂ ਦੇ ਵਧੇਰੇ ਵਿਕਲਪਾਂ ਦਾ ਨਿਰਮਾਣ ਕਰਨ ਰਾਹੀਂ, ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਲਈ ਘਰ ਦੀ ਮਲਕੀਅਤ ਨੂੰ ਮੁਮਕਿਨ ਬਣਾਇਆ ਜਾ ਰਿਹਾ ਹੈ।

ਐਮਰਜੈਂਸੀ ਅਤੇ ਲੰਬੀ ਮਿਆਦ ਦੀ ਵਿੱਤੀ ਸਹਾਇਤਾ, ਅਸਥਾਈ, ਸਥਾਈ ਅਤੇ ਸੁਪੋਰਟਿਵ ਘਰ, ਅਤੇ ਸੰਗਠਿਤ ਸੇਵਾਵਾਂ ਰਾਹੀਂ ਵਧੇਰੇ ਲੋਕ ਆਪਣੀਆਂ ਲੋੜਾਂ ਮੁਤਾਬਕ ਘਰ ਲੱਭਣ ਵਿੱਚ ਸਮਰੱਥ ਹੋ ਰਹੇ ਹਨ ਅਤੇ ਉਨ੍ਹਾਂ ਘਰਾਂ ਵਿੱਚ ਰਹਿਣਾ ਜਾਰੀ ਰੱਖ ਰਹੇ ਹਨ।

ਇਨਸੈਂਟਿਵ, ਪ੍ਰੌਪਰਟੀ ਟੈਕਸ ਗ੍ਰਾਂਟਾਂ ਅਤੇ ਮੁਲਤਵੀ ਕਰਨ ਦੀ ਬੇਨਤੀ ਨੂੰ ਮਨਜ਼ੂਰੀ ਦੇ ਕੇ (deferrals), ਅਤੇ ਕਿਰਾਇਦਾਰੀਆਂ ਵਿੱਚ ਵਧੇਰੇ ਸਹਾਇਤਾ ਪ੍ਰਦਾਨ ਕਰਕੇ, ਹੋਰ ਮਕਾਨ ਮਾਲਕ ਆਪਣੇ ਖ਼ਰਚਿਆਂ ਵਿੱਚ ਬੱਚਤ ਕਰ ਸਕਦੇ ਹਨ ਅਤੇ ਆਪਣੀ ਪ੍ਰੌਪਰਟੀ ਦੇ ਯੂਨਿਟ ਕਿਰਾਏ ‘ਤੇ ਦੇ ਸਕਦੇ ਹਨ।

ਦਫ਼ਤਰੀ ਢਿੱਲ ਨੂੰ ਖਤਮ ਕਰਕੇ, ਮਨਜ਼ੂਰੀਆਂ ਵਿੱਚ ਤੇਜ਼ੀ ਲਿਆ ਕੇ, ਪੁਰਾਣੇ ਨਿਯਮਾਂ ਵਿੱਚ ਤਬਦੀਲੀਆਂ ਲਿਆ ਕੇ, ਅਤੇ ਘੱਟ ਵਰਤੋਂ ਵਾਲੀ ਜਨਤਕ ਅਤੇ ਗੈਰ-ਮੁਨਾਫਾ ਜ਼ਮੀਨ ਦਾ ਲਾਭ ਉਠਾ ਕੇ, ਕੰਮ ਕਰਨ ਵਾਲੇ- ਅਤੇ ਮੱਧ-ਵਰਗ ਦੇ ਲੋਕਾਂ ਲਈ ਵਧੇਰੇ ਘਰ ਤੇਜ਼ੀ ਨਾਲ ਉਪਲਬਧ ਕਰਵਾਏ ਜਾ ਰਹੇ ਹਨ।