ਨੌਕਰੀਆਂ ਅਤੇ ਸਿਖਲਾਈ

ਪੋਸਟ-ਸੈਕੰਡਰੀ ਸਿੱਖਿਆ ਨੂੰ ਵਧੇਰੇ ਕਿਫ਼ਾਇਤੀ, ਪਹੁੰਚਯੋਗ, ਅਤੇ ਢੁਕਵਾਂ ਬਣਾਉਣਾ ਅਤੇ ਬੀ.ਸੀ. ਭਰ ਵਿੱਚ ਤਕਨੀਕੀ-ਸੰਬੰਧੀ ਅਤੇ ਇੰਜੀਨੀਅਰਿੰਗ ਕਾਰਜਬਲ, ਅਰਲੀ ਚਾਈਲਡਹੁੱਡ ਐਜੂਕੇਸ਼ਨ ਸਰਵਿਸਿਜ਼, ਦੇਖਭਾਲ ਕਰਨ ਵਾਲੇ ਪੇਸ਼ਿਆਂ, ਅਧਿਆਪਕਾਂ, ਅਤੇ ਨਵੀਨਤਾਕਾਰੀ ਵਾਲੇ ਉੱਦਮਾਂ ਲਈ ਲੋੜੀਂਦੇ ‘ਜੌਬ-ਰੈਡੀ ਸਕਿੱਲਜ਼’ (ਨੌਕਰੀ ਲਈ ਤਿਆਰ ਹੋਣ ਦੇ ਹੁਨਰ) ਵਾਲੇ ਵਿਦਿਆਰਥੀਆਂ ਦੀ ਗਿਣਤੀ ਵਿੱਚ ਵਾਧਾ ਕਰਨਾ।

ਆਉਣ ਵਾਲੇ ਸਮੇਂ ਦੀਆਂ ਨੌਕਰੀਆਂ ਨੂੰ ਭਰਨ ਲਈ ਲੋੜੀਂਦੇ ਹੁਨਰ ਪ੍ਰਦਾਨ ਕਰਨਾ, ਤਾਂ ਜੋ ਲੋਕ ਬੀ.ਸੀ. ਦੀ ਵਧ ਰਹੀ ਆਰਥਿਕਤਾ ਵਿੱਚ ਬੇਹਤਰ ਨੌਕਰੀਆਂ ਅਤੇ ਮੌਕਿਆਂ ਲਈ ਵਧੇਰੇ ਅਸਾਨੀ ਨਾਲ ਨਵੇਂ ਹੁਨਰ ਸਿੱਖ ਸਕਣ। ਇਸਦਾ ਅਰਥ ਹੈ ਕਿ ਸਮਰੱਥਾ ਅਤੇ ਕਾਬਲੀਅਤ ਨੂੰ ਹੋਰ ਵਧਾਉਣ ਲਈ ਵਧੇਰੇ ਲੋਕ ਉੱਚ-ਮੰਗ ਵਾਲੇ ਹੁਨਰਾਂ ਨਾਲ ਤਿਆਰ ਹੋ ਸਕਣ, ਅਤੇ ਇਸ ਲੇਬਰ ਮਾਰਕਿਟ ਵਿੱਚ ਮੌਕਿਆਂ ਦਾ ਫਾਇਦਾ ਉਠਾ ਸਕਣ।

ਹਰ ਕਿਸੇ ਲਈ ਸਿੱਖਿਆ ਅਤੇ ਸਿਖਲਾਈ ਤੱਕ ਵਧੇਰੇ ਪਹੁੰਚ ਪ੍ਰਦਾਨ ਕਰਕੇ ਰੁਕਾਵਟਾਂ ਨੂੰ ਘਟਾਉਣਾ, ਤਾਂ ਜੋ ਉਹ ਇੱਕ ਅਜੇਹੀ ਸਾਰਥਕ ਨੌਕਰੀ ਲੱਭ ਸਕਣ ਜੋ ਉਹਨਾਂ ਲਈ ਸਹੀ ਹੈ। ਇਹ ਕਾਰਵਾਈਆਂ, ਰੁਕਾਵਟਾਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਆਰਥਕ ਸੁਰੱਖਿਆ ਅਤੇ ਉਹਨਾਂ ਦੀ ਭਾਗੀਦਾਰੀ ਨੂੰ ਵੱਧ ਤੋਂ ਵੱਧ ਵਧਾਉਣਗੀਆਂ, ਜਿਸ ਨਾਲ ਕੰਮ ਲਈ ਤਿਆਰ ਵਰਕਰਾਂ ਦੀ ਸਪਲਾਈ ਵੀ ਤੇਜ਼ੀ ਨਾਲ ਵਧੇਗੀ।

ਬੀ.ਸੀ. ਭਰ ਦੀ ​​ਆਰਥਿਕਤਾ ਵਿੱਚ ਇੰਡੀਜਨਸ (ਮੂਲਵਾਸੀ) ਲੋਕਾਂ ਦੀ ਭਾਗੀਦਾਰੀ ਅਤੇ ਰੁਜ਼ਗਾਰ ਸੁਰੱਖਿਆ ਨੂੰ ਹੁਲਾਰਾ ਦੇਣ ਲਈ ਵਿਸਤ੍ਰਿਤ ਪੋਸਟ-ਸੈਕੰਡਰੀ ਸਿਖਲਾਈ ਅਤੇ ਲੇਬਰ ਮਾਰਕਿਟ ਦੇ ਮੌਕਿਆਂ ਰਾਹੀਂ ਇੰਡੀਜਨਸ ਲੋਕਾਂ ਦੇ ਕਾਰਜਬਲ ਦੀਆਂ ਤਰਜੀਹਾਂ ਨੂੰ ਸੰਬੋਧਿਤ ਕਰਨਾ, ਪਛਾਣਨਾ ਅਤੇ ਉਭਾਰਨਾ।

ਬੀ.ਸੀ. ਵਿੱਚ ਨਵੇਂ ਆਉਣ ਵਾਲੇ ਲੋਕਾਂ ਲਈ, ਆਪਣੇ ਸਿਖਲਾਈ ਪ੍ਰਾਪਤ ਕਰਨ ਦੇ ਖੇਤਰ ਵਿੱਚ ਕਰੀਅਰ ਦੀ ਭਾਲ ਕਰਨ ਲਈ, ਬੀ.ਸੀ. ਵੱਲੋਂ ਉਹਨਾਂ ਨੂੰ ਉਸੇ ਖੇਤਰ ਵਿੱਚ ਨਵੇਂ ਰੁਜ਼ਗਾਰ ਤੱਕ ਬੇਹਤਰ ਪਹੁੰਚ ਪ੍ਰਦਾਨ ਕਰਨਾ। ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰਾਂ ਦਾ ਤੇਜ਼ੀ ਨਾਲ ਮੁਲਾਂਕਣ ਕਰਨਾ ਤਾਂ ਜੋ ਸਭ ਤੋਂ ਅਹਿਮ ਸੇਵਾਵਾਂ ਵਾਲੇ ਉਦਯੋਗਾਂ ਵਿੱਚ ਸਿਖਲਾਈ ਪ੍ਰਾਪਤ ਲੋਕਾਂ ਦੀ ਮੰਗ ਵਿੱਚ ਮਦਦ ਕੀਤੀ ਜਾ ਸਕੇ।

ਬੀ.ਸੀ. ਨੂੰ ਵਧੇਰੇ ਵੈਟਰਿਨੇਰੀਅਨਾਂ ਦੀ ਲੋੜ ਹੈ। ਨਵੀਂ ਫੰਡਿੰਗ ਬੀ.ਸੀ. ਲਈ ਵੈਸਟਰਨ ਕਾਲਜ ਔਫ ਵੈਟਰਿਨੇਰੀ ਵਿੱਚ ਵਿਦਿਆਰਥੀਆਂ ਲਈ ਸਬਸਿਡੀ ਵਾਲੀਆਂ ਵੈਟਰਿਨੇਰੀ ਮੈਡੀਸਿਨ ਦੀਆਂ ਸੀਟਾਂ ਨੂੰ ਪੱਕੇ ਤੌਰ ‘ਤੇ ਦੁੱਗਣਾ ਕਰ ਦੇਵੇਗੀ। ਵਧੇਰੇ ਲੋਕ ਬੇਹਤਰੀਨ ਸਿਖਲਾਈ ਪ੍ਰਾਪਤ ਕਰਨਗੇ, ਅਤੇ ਸਾਡੇ ਪਾਲਤੂ ਜਾਨਵਰਾਂ ਅਤੇ ਖੇਤਾਂ ਦੇ ਜਾਨਵਰਾਂ ਨੂੰ ਲੋੜੀਂਦੀ ਸਿਹਤ ਦੇਖਭਾਲ ਮਿਲ ਸਕੇਗੀ।

ਪੋਸਟ-ਸੈਕੰਡਰੀ ਟਿਊਸ਼ਨ ਦੇ ਖਰਚਿਆਂ ਦਾ ਭੁਗਤਾਨ ਕਰਨ ਲਈ ਸਾਬਕਾ ਸੰਭਾਲ ਵਿੱਚ ਰਹੇ ਨੌਜਵਾਨਾਂ ਲਈ ਹੁਣ ਕੋਈ ਉਮਰ ਸੀਮਾ ਨਹੀਂ ਹੈ। ਉਮਰ ਦੀ ਸੀਮਾ ਨੂੰ ਹਟਾਉਣ ਨਾਲ ਖਰਚਿਆਂ ਦੀਆਂ ਰੁਕਾਵਟਾਂ ਖਤਮ ਹੋਣਗੀਆਂ ਅਤੇ ਲੋਕਾਂ ਨੂੰ ਚੰਗੀ ਤਨਖਾਹ ਵਾਲੀਆਂ ਅਤੇ ਸੰਤੁਸ਼ਟੀਜਨਕ ਨੌਕਰੀਆਂ ਪ੍ਰਾਪਤ ਕਰਨ ਵਿੱਚ ਸਹਾਇਤਾ ਮਿਲੇਗੀ। ‘ਪ੍ਰੋਵਿੰਸ਼ੀਅਲ ਟਿਊਸ਼ਨ ਵੇਵਰ ਪ੍ਰੋਗਰਾਮ’ ਬਹੁਤ ਸਾਰੇ ਵਿਕਲਪ ਪੇਸ਼ ਕਰਦਾ ਹੈ: ਸਰਟੀਫਿਕੇਟ/ਪ੍ਰਮਾਣੀਕਰਨ ਪ੍ਰੋਗਰਾਮ, ਡਿਪਲੋਮਾ ਜਾਂ ਅੰਡਰਗ੍ਰੈਜੂਏਟ ਡਿਗਰੀਆਂ, ਨੌਨ-ਕ੍ਰੈਡਿਟ ਕੋਰਸ, ਅਪ੍ਰੈਂਟਿਸਸ਼ਿਪ ਪ੍ਰੋਗਰਾਮ ਅਤੇ ਨਿਰੰਤਰ ਸਿੱਖਿਆ (continuing education) ਕੋਰਸ।

ਪੋਸਟ-ਸੈਕੰਡਰੀ ਸਿਖਲਾਈ ਦੀਆਂ ਰੁਕਾਵਟਾਂ ਨੂੰ ਘਟਾਉਣ ਲਈ ‘ਫਿਊਚਰ ਰੈਡੀ’ ਯੋਜਨਾ ਨੂੰ ਤਿੰਨ ਸਾਲਾਂ ਦੌਰਾਨ $480 ਮਿਲੀਅਨ ਮਿਲ ਰਿਹਾ ਹੈ। ਵਧੇਰੇ ਲੋਕ ਅਜੇਹੀ ਸਿਖਲਾਈ ਪ੍ਰਾਪਤ ਕਰ ਸਕਦੇ ਹਨ ਜਿਸ ਦੀ ਉਹਨਾਂ ਨੂੰ ਆਪਣੇ ਕਰੀਅਰ ਲਈ ਲੋੜ ਹੁੰਦੀ ਹੈ, ਅਤੇ ਰੁਜ਼ਗਾਰ ਦੇਣ ਵਾਲੇ ਆਪਣੀ ਲੋੜ ਅਨੁਸਾਰ ਹੁਨਰਮੰਦ ਲੋਕਾਂ ਤੱਕ ਪਹੁੰਚ ਕਰ ਸਕਦੇ ਹਨ।

ਹਰ ਸਾਲ ਬੀ.ਸੀ. ਐਕਸੈਸ ਗ੍ਰਾਂਟ, ਬੀ.ਸੀ. ਵਿੱਚ 40,000 ਤੋਂ ਵੱਧ ਮੱਧ ਅਤੇ ਘੱਟ ਆਮਦਨ ਵਾਲੇ ਵਿਦਿਆਰਥੀਆਂ ਦੀ ਪਬਲਿਕ ਪੋਸਟ-ਸੈਕੰਡਰੀ ਸਿੱਖਿਆ ਅਤੇ ਅੰਡਰਗਰੈਜੂਏਟ ਡਿਗਰੀ, ਡਿਪਲੋਮਾ ਅਤੇ ਪ੍ਰਮਾਣਤ ਪ੍ਰੋਗਰਾਮਾਂ ਨੂੰ ਪੂਰਾ ਕਰਨ ਲਈ ਕਿਫ਼ਾਇਤੀ ਪਹੁੰਚ ਦੇਣ ਵਿੱਚ ਮਦਦ ਕਰਦੀ ਹੈ।

ਬੀ.ਸੀ. ਤਨਖਾਹ ਦੇ ਲਿੰਗਕ ਅੰਤਰ ਨੂੰ ਦੂਰ ਕਰਨ ਲਈ ਕਾਰਵਾਈ ਕਰ ਰਿਹਾ ਹੈ। ਨਵੰਬਰ 2023 ਤੋਂ, ਰੁਜ਼ਗਾਰ ਦੇਣ ਵਾਲਿਆਂ ਨੂੰ ਪੁਰਸ਼ਾਂ ਅਤੇ ਔਰਤਾਂ ਲਈ ਔਸਤ ਤਨਖਾਹ ਦੀ ਜਾਣਕਾਰੀ ਜਨਤਕ ਤੌਰ ‘ਤੇ ਉਪਲਬਧ ਕਰਨ ਦੀ ਲੋੜ ਹੋਵੇਗੀ। ਇਹ ਤਬਦੀਲੀ ਉਸ ਵਿਤਕਰੇ ਨੂੰ ਸੰਬੋਧਤ ਕਰੇਗੀ ਜੋ ਔਰਤਾਂ ਨੂੰ ਪਿੱਛੇ ਰੱਖਦੀ ਹੈ, ਅਤੇ ਬੀ.ਸੀ. ਭਰ ਵਿੱਚ ਵਧੇਰੇ ਜਾਇਜ਼ ਮੁਆਵਜ਼ੇ ਨੂੰ ਯਕੀਨੀ ਬਣਾਉਣ ਵਿੱਚ ਮਦਦ ਕਰੇਗੀ।

ਜਦੋਂ ਅਸੀਂ ਪੂਰੇ ਸੂਬੇ ਵਿੱਚ ਪ੍ਰਤਿਭਾ ਦੇ ਵਿਕਾਸ ਅਤੇ ਹੁਨਰ ਸਿਖਲਾਈ ਨੂੰ ਤੇਜ਼ੀ ਨਾਲ ਵਧਾ ਰਹੇ ਹਾਂ, ਨਾਲ ਹੀ ਅਸੀਂ ਅੱਜ ਦੇ ਕਰਮਚਾਰੀਆਂ ਨੂੰ ਆਪਣੇ ਹੁਨਰਾਂ ਨੂੰ ਬੇਹਤਰ ਕਰਨ ਅਤੇ ਨਵੀਆਂ ਨੌਕਰੀਆਂ ਲਈ ਉਹਨਾਂ ਨੂੰ ਸਿਖਲਾਈ ਦੇਣ ਵਿੱਚ ਮਦਦ ਵੀ ਕਰ ਰਹੇ ਹਾਂ।

ਇਸ ਵਿੱਚ ਹੈਲਥ ਕੇਅਰ ਖੇਤਰ ਵਿੱਚ ਬਹੁਤ ਜ਼ਿਆਦਾ ਲੋੜੀਂਦੇ ਕਰਮਚਾਰੀਆਂ ਲਈ ਨਵੀਂ ਸਕਿਲਡ ਟ੍ਰੇਡਜ਼ ਸਰਟੀਫਿਕੇਸ਼ਨ (ਹੁਨਰਮੰਦ ਕਿੱਤਿਆਂ ਲਈ ਪ੍ਰਮਾਣੀਕਰਨ) ਅਤੇ ਹੋਰ ਸਿਖਲਾਈ ਸੀਟਾਂ ਸ਼ਾਮਲ ਹਨ।

ਇੰਡੀਜਨਸ (ਮੂਲਵਾਸੀ) ਲੋਕਾਂ ਅਤੇ ਰਿਵਾਇਤੀ ਤੌਰ ‘ਤੇ ਘੱਟ ਨੁਮਾਇੰਦਗੀ ਵਾਲੇ ਸਮੂਹਾਂ ਲਈ ਨਵੀਂ ਉੱਦਮੀ ਸਿਖਲਾਈ ਅਤੇ ਕਾਰੋਬਾਰੀ ਸਹਾਇਤਾ।

ਲੋਕਾਂ ਨੂੰ ਬੀ.ਸੀ. ਵਿੱਚ ਉੱਚ ਮੰਗ ਵਾਲੀਆਂ ਨੌਕਰੀਆਂ ਦੀ ਸਿਖਲਾਈ ਲੈਣ ਲਈ, BCIT ਵਿੱਚ ਇੱਕ ਨਵੇਂ ‘ਟ੍ਰੇਡਜ਼ ਅਤੇ ਟੈਕਨੌਲੋਜੀ ਕੌਂਪਲੈਕਸ’ ਦਾ ਨਿਰਮਾਣ ਕਰਨਾ।

ਇਹ ਯਕੀਨੀ ਬਣਾਉਣਾ ਕਿ ਉੱਚ-ਸੰਭਾਵੀ ਕਾਰੋਬਾਰਾਂ ਕੋਲ, InBC ਤੋਂ $500 ਮਿਲੀਅਨ ਦੀ ਫੰਡਿੰਗ ਨਾਲ, ਕੰਮ ਵਿੱਚ ਵਾਧਾ ਕਰਨ, ਪ੍ਰਤਿਭਾਸ਼ੀਲ ਵਿਅਕਤੀਆਂ ਨੂੰ ਬਰਕਰਾਰ ਰੱਖਣ ਅਤੇ ਚੰਗੀਆਂ ਨੌਕਰੀਆਂ ਪੈਦਾ ਕਰਨ ਦੇ ਵਧੇਰੇ ਮੌਕੇ ਹੋਣ।

ਜਦੋਂ ਅਸੀਂ ਨਵੀਂ ਪ੍ਰਤਿਭਾ, ਲੈਬਾਂ ਲਈ ਥਾਂਵਾਂ ਅਤੇ ਹੈਲਥ ਰਿਸਰਚ ਵਿੱਚ ਵਧੇਰੇ ਨਿਵੇਸ਼ ਕਰ ਰਹੇ ਹਾਂ, ਸੂਬੇ ਅਤੇ ਦੁਨੀਆ ਭਰ ਦੇ ਲੋਕਾਂ ਨੂੰ ਬੀ.ਸੀ. ਦੇ ‘ਲਾਈਫ ਸਾਇੰਸੀਜ਼’ (ਜੀਵਨ ਵਿਗਿਆਨ) ਖੇਤਰ ਦੇ ਨਵੀਨਤਾਕਾਰੀ ਕੰਮ ਤੋਂ ਲਾਭ ਹੋਵੇਗਾ।